GUÍA DE LECTURA - NADAL 2022

PURA A TARTARUGA, MISIÓN 4

NUNHA NOVA CARTA DE PURA A TARTARUGA RECIBIMOS UN CÓDIGO QR CUNHA NOTICIA MOI IMPORTANTE DA PRENSA DIXITAL:

AS LATAS DE REFRESCOS E DE CONSERVAS ALIMENTARIAS SON UN MÉTODO PARA GARDAR E CONSERVAR ALIMENTOS E BEBIDAS. DESPOIS DO SEU USO, DEBEMOS DEPOSITALAS NO COLECTOR AMARELO PARA A SÚA RECICLAXE. CANDO NON AS RECICLAMOS, TARDAN MOITÍSIMO TEMPO EN DESAPARECER E CONVÉRTENSE NUN AUTÉNTICO PERIGO. 

CARPIÑO LIBEROU A ANTÓN DUNHA LATA DE CONSERVA, PERO QUE ANIMAL DO MAR É ANTÓN? DEL SÓ COÑECIAMOS QUE ERA PEQUENO E VIVÍA NUNHA BATEA. PEDIMOS AXUDA ÁS NOSAS FAMILIAS, BUSCAMOS INFORMACIÓN NA REDE E NO LIBRO "INVENTARIO DOS MARES"

AO FINAL, DESCUBRIMOS QUE ANTÓN ERA UN MEXILLÓN!! 

A FAMILIA E AMIZADES DE ANTÓN QUEREN AGRADECERLLE A CARPIÑO ESTE HEROICO FEITO CUNHA FESTA E UNHA CANCIÓN. XA TEÑEN O ESTRIBILLO, PRECISAN A NOSA COLABORACIÓN PARA A CREACIÓN DE VARIAS ESTROFAS. NESTA OCASIÓN GAÑARIAMOS DÚAS PEGATINAS (CARPIÑO E ANTÓN), POR ISO TAMÉN TEMOS QUE FACER UN ACOMPAÑAMENTO INSTRUMENTAL CON CUNCHAS DE VIEIRAS.

COMPUXEMOS, CANTAMOS, TOCAMOS, GRAVÁMONOS E O RESULTADO É UNHA OBRA DE ARTE:

GRAZAS A COMPLETAR A MISIÓN, ACADAMOS OS ADHESIVOS DE CARPIÑO E ANTÓN DA NOSA CREDENCIAL:

TAI DO "MOSTRARIO"

CANDO NOS VESTIMOS EMPREGAMOS DISTINTOS TIPOS DE ROUPA E COMPLEMENTOS, DE DIFERENTES TECIDOS, TEXTURAS E PROCEDENCIAS. 

PARA RESOLVER ESTA TAREFA PEDÍMOSLLE ÁS NOSAS FAMILIAS 3 PEZAS DE ROUPA EN DESUSO. NA AULA XOGAMOS CON ELAS, EXPLORÁMOLAS, DIXEMOS O SEU NOME, DESCUBRIMOS O SEU TECIDO E INVESTIGAMOS A SÚA ORIXE:

COAS 3 FAVORITAS DE CADA AULA, FIXEMOS UN MOSTRARIO QUE QUEDARÁ NA NOSA BIBLIOTECA PARA O RECORDO:

TAREFAS DE APRENDIZAXE INTEGRADAS: MÚSICA E PSICOMOTRICIDADE

AS ESPECIALIDADES DE MÚSICA E PSICOMOTRICIDADE UNÍRONSE AO NOSO PDI CON DIFERENTES TAIS RELACIONADAS COAS TEAS, OS TECIDOS E A ROUPA. 

SE QUEREDES DESCUBRILAS PICADE NAS IMAXES DOS SEUS BLOGS:

TAI DAS TINTAS NATURAIS

AS TINTAS QUE TINGUEN DE CORES A NOSA ROUPA ESTÁN CHEAS DE PRODUTOS QUÍMICOS. ALGÚN DELES SON DANIÑOS PARA O MEDIO AMBIENTE, INCLUSO PARA A NOSA PEL E RESPIRACIÓN, POR ISTO, CADA VEZ MÁIS XENTE OPTA POR VOLVER AOS MÉTODOS ANTIGOS: AS TINTAS NATURAIS. 

NESTA TAREFA TIVEMOS QUE INVESTIGAR E EXPERIMENTAR CON DIFERENTES ALIMENTOS E SUBSTANCIAS NATURAIS, PARA TINGUIR SEN RISCOS UNHAS TEAS DE COR BRANCA:

TRATAMOS DE CONSEGUIR AS 17 CORES QUE COMPOÑEN O LOGO DA AXENDA 2030, QUE TEN OS 17 OBXECTIVOS DE DESENVOLVEMENTO SOSTIBLE (ODS). FOI BASTANTE COMPLEXO PARA NÓS, PERO CONSEGUÍMOLO!

VISITA DA DRAGONA RAMONA

ESTA SEMANA TIVEMOS A VISITA ESPECIAL DA DRAGONA RAMONA.

CONTOUNOS UNHA HISTORIA RECOLLIDA NO LIBRO "EL TELAR DE CUENTOS".

ATA PRONTO, DRAGONA!!

III OBRADOIRO: IMPRESORA 3D

NO III OBRADOIRO DA ESCOLA DE NAIS E PAIS DEMOS RENDA SOLTA Á NOSA IMAXINACIÓN E APRENDEMOS A DESEÑAR EN 3D. 

QUE GANAS DE VER OS DESEÑOS QUE FARÁN AS FAMILIAS NAS SÚAS CASAS!!

PURA A TARTARUGA, 3ª MISIÓN

PURA E AS SÚAS AMISTADES VOLVERON A SÚA CASA DESPOIS DE QUE UN GRUPO ECOLOXISTA LIMPARA O VERTEDURA DE PETRÓLEO. DE CAMIÑO, INVADÍRONOS UNHA MOREA DE PLÁSTICOS, LIXO E AUGAS RESIDUAIS PROCEDENTES DOS RETRETRES. MIRADE COMO ESTABA TODA A COSTA:

MOITAS PERSOAS TIRAN POLO VÁTER OBXECTOS DE HIXIENE PERSOAL NON ADECUADOS QUE ATASCAN OS SUMIDOIROS E CHEGAN AO MAR.

O AMIGO TOMÁS TIVO QUE AGARRARSE A UN BASTONCIÑO DOS OÍDOS, MÁIS GRANDE CO SEU PROPIO CORPO, PARA LOITAR CONTRA ESTA FORTE CORRENTE. 

TOMÁS ESTÁ MOI PREOCUPADO POR ESTA SITUACIÓN E APROVIETANDO QUE NOVEMBRO É O MES DA CIENCIA EN GALEGO NAS BIBLIOTECAS, PROPÓÑENOS UNHA  INVESTIGACIÓN ECOLÓXICA NA 3ª MISIÓN: A ONDE VAN AS COUSAS QUE TIRAMOS POLO VÁTER? QUE OCORRE SE TIRAMOS PAPEL HIXIÉNICO, UNHA TOALLIÑA HÚMIDA E UN PANO DE TEA?

PARA DAR SOLUCIÓN A ESTA PREGUNTA, OBSERVAMOS OS MATERIAIS E ELABORAMOS AS NOSAS HIPÓTESES, POÑENDO EN FUNCIONAMENTO OS NOSOS COÑECEMENTOS PREVIOS:

EXPERIMENTAMOS COS TRES ELEMENTOS DE ESTUDO EN TRES RECIPIENTES CON AUGA E TRES CULLERES PARA REMEXER. COMPROBAMOS OS RESULTADOS E SE AS NOSAS HIPÓTESES ESTABAN NO CERTO:  

                                        

OBSERVANDO OS RESULTADOS, REFORZAMOS AS CONCLUSIÓNS DA INVESTIGACIÓN, APOIÁNDONOS  NO LIBRO "¿A DÓNDE VA MI CACA?" DE JO LINDLEY:

FINALMENTE, ACADAMOS A PEGATINA DE TOMÁS O CABALIÑO DE MAR POR REALIZAR SATISFACTORIAMENTE A DERRADEIRA FASE DO MÉTODO CIENTÍFICO: A COMUNICACIÓN DOS RESULTADOS A TODA A NOSA COMUNIDADE EDUCATIVA.

MARTIÑO E TESTA GAÑAN O VIII CONCURSO DE TRABALLO POR PROXECTOS

ESTAMOS DE NORABOA!!

MARTIÑO E TESTA RESULTARON GALARDOADOS NO VIII CONCURSO DE TRABALLO POR PROXECTOS NA MODALIDADE DE PROXECTOS DE INVESTIGACIÓN INTERCENTROS CO CEIP DE GALÁN (ARTEIXO).

FELICIDADES A TODAS AS PERSOAS PARTÍCIPES QUE FIXERON MÁXICA ESTA AVENTURA!!

PURA A TARTARUGA, 2ª MISIÓN

PURA CONTOUNOS QUE TODAS AS SÚAS AMISTADES E ELA ESTABAN REFUXIÁNDOSE DENTRO DUN ANTIGO BARCO PIRATA "BUSCATESOROUROS", AFUNDIDO PRETO DA TORRE DE HÉRCULES. PERO, CAL É O MOTIVO? UN BARCO CHEO DE PETRÓLEO TIÑA UNHA GRAN VERTEDURA AO MAR. 

ESTAMOS MOI PREOCUPADAS E PREOCUPADOS PORQUE XUSTO FAI 20 ANOS VIVIMOS A TRAXEDIA DO PRESTIGE NAS NOSAS AUGAS E FÍXONOS MOÍTISIMO DANO. 

RECORDAMOS ESTE ACONTECEMENTO CON DOUS CONTOS:

"MAREA NEGRA" DE PEPE CARREIRO

"LA PLAYA DE PEDRO" DE SALLY GRINDLEY

NA AULA, RECREAMOS AS SENSACIÓNS DE PURA E AS SÚAS AMISTADES BAIXO ESA VERTEDURA DE PETRÓLEO: 

TAREIXA, A PEIXE LANTERNA, PRENDEU A SÚA LUZ E RODOLFO COS SEUS TENTÁCULOS PROPUXO UN XOGO ARTÍSTICO PARA ENTRETERSE NA VELLA FRAGATA, MENTRAS SE LIMPAN OS RESTOS DO PETRÓLEO:

QUEDARON SEN MÁIS IDEAS E PÍDENNOS AXUDA PARA XOGAR CON NOVAS IMAXES CON SOMBRAS DE MANS. ALGUNHAS CREAMOS NAS AULAS, PERO SOLICITAMOS AXUDA ÁS FAMILIAS PARA SUPERAR A MISIÓN 2 E CONSEGUIR O ADHESIVO DE TAREIXA, A PEIXE LANTERNA:

COA MISIÓN SUPERADA, PUIDEMOS PEGAR O ADHESIVO DE TAREIXA, A PEIXE LANTERNA:

VIAXE DE OBSERVACIÓN A SUECIA

AS MESTRAS GUADA E RAQUEL FIXERON UNHA OBSERVACIÓN DE DIFERENTES CENTROS EDUCATIVOS EN SUECIA DO LUNS 17 AO VENRES 21 DE OUTUBRO, GRAZAS AO PROGRAMA ERASMUS+. 

GRAZAS A ESTA EXPERIENCIA APRENDEMOS MOITAS COUSAS NOVAS QUE COMPARTIMOS CON VÓS:

II OBRADOIRO: EXPRESIÓN CORPORAL

HOXE TIVEMOS OBRADOIRO DA ESCOLA DE NAIS E PAIS. OS PAPÁS CARLOS E CARLOS DA ESCOLA DE LEDOÑO FIXÉRONNOS REFLEXIONAR SOBRE A IMPORTANCIA DO MOVEMENTO E A EXPRESIVIDADE, NAS EMOCIÓNS E NO COÑECEMENTO DO MUNDO. 

II CLUB DE LECTURA: O LIBRO

INICIAMOS O CLUB DE LECTURA ENTRE FAMILIAS E PROFESORADO.

HOXE FÍXOSE ENTREGA DOS LIBROS "PIEZAS SUELTAS" DE PRISCILLA VELA E MERCEDES HERRÁN. 

A XUNTANZA DO CLUB SERÁ O LUNS 23 DE XANEIRO ÁS 17:30 HORAS NA ESCOLA DA CHOEIRA. 

PURA A TARTARUGA, 1ª MISIÓN

RECIBIMOS NAS AULAS A 1º MISIÓN:

NELA ADIVIÑAMOS QUE SUSA A MEDUSA ERA A AMIGA PROTAGONISTA E DESCUBRIMOS QUE O AUMENTO DA TEMPERATURA DO PLANETA ERA PROVOCADA POLA CONTAMINACIÓN. POR ESTA SITUACIÓN, MOITAS PERSOAS MANDAN MENSAXES ECOLÓXICAS AO RESTO, PARA QUE SE CONCIENCIEN E MODIFIQUEN OS SEUS HÁBITOS DE CONSUMO. UNHA DELAS É GRETA THUNBERG.

GRAZAS A APP MUJERES EXTRAORDINARIAS DE LEARNY LAND ACÉRCAMONOS A SÚA BIOGRAFÍA.

PARA SUPERAR A MISIÓN E CONSEGUIR O ADHESIVO DE SUSA, ENCARGOUNOS MEDITAR EN EQUIPO MENSAXES ECOLÓXICAS, CREALAS E DIFUNDILAS EN AUDIO AO RESTO DA NOSA COMUNIDADE EDUCATIVA. 

ESCOITADE CON MOITA ATENCIÓN:

COA MISIÓN RESOLTA, PUXEMOS O NOME A NOSA CREDENCIAL E PEGAMOS O ADHESIVO DE SUSA A MEDUSA:

NOVIDADES NAS CARPETAS VIAXEIRAS II

ESTA SEMANA VIAXARON NOVOS FONDOS NAS CARPETAS VIAXEIRAS PARA A "HORA DE LER". NAS AULAS LEREMOS ESTES 25 LIBROS:

INICIO PRÉSTAMO DE ADULTOS

INICIAMOS O PRÉSTAMO DE ADULTOS!!! DESDE HOXE ATA FINAIS DE XUÑO, 24 FAMILIAS RECIBIRÁN OS FONDOS ELIXIDOS NA SOLICITUDE DE INICIO DE CURSO.

BOAS LECTURAS, FAMILIAS!!

AS CREDENCIAIS ECOLOXISTAS DE PURA

ESTA SEMANA NAS AULAS RECIBIMOS UNHA BOSA DE TEA DE PURA A TARTARUGA. DENTRO DESTA ESTABAN A BOTELLA, CUNHA MENSAXE PARA NÓS, E VARIAS CREDENCIAIS ECOLOXISTAS QUE CERTIFICARÁN O NOSO COMPROMISO CO MEDIO AMBIENTE, CO MAR E COS SERES VIVOS QUE NEL HABITAN. 

RECIBIREMOS VARIAS MISIÓNS AO LONGO DAS SEMANAS DO CURSO, SE AS SUPERAMOS EN EQUIPO RECIBIREMOS UN ADHESIVO DAS SÚAS AMIGAS E AMIGOS PARA COMPLETAR A NOSA CREDENCIAL.

AGARDAMOS A PRIMEIRA MISIÓN, PURA!!

A AVIONETA PEPA

HOXE, 24 DE OUTUBRO, CELEBRAMOS O DÍA DAS BIBLIOTECAS ESCOLARES DA MAN DA AVIONETA PEPA.

A AVIONETA PEPA É A GRAN PROTAGONISTA DO NOSO CENTRO E DA NOSA BIBLIOTECA. LER É UNHA DAS COUSAS QUE MÁIS LLE GUSTA, PERO A QUE MÁIS, É VOAR POR RIBA DAS NOSAS ESCOLAS.

O LEMA DAS BIBLIOTECAS ESCOLARES DESTE CURSO É "ESCRIBIR A BIBLIOTECA ESCOLAR" E A IMAXE DO CARTEL QUE INTERPRETA ESTE LEMA É DE BELÉN L. MÉNDEZ, COÑECIDA COMO NACU.

DESPOIS DE VER O CARTEL DE BELÉN QUIXEMOS FACER UN COAS PALABRAS ESCRITAS QUE NOS SUXIREN AS NOSAS BIBLIOTECAS DE AULA. O RESULTADO É O SEGUINTE:

PURA A TARTARUGA

ESTA SEMANA RECIBIMOS NO NOSO ENDEREZO ELECTRÓNICO UNHA MENSAXE DE MARTIÑO E TESTA, O NOSO AMIGO E A SÚA CADELIÑA COS QUE APRENDIMOS MOITAS COUSAS O CURSO PASADO. 

NUN DOS SEUS PASEOS POLA PRAIA ATÓPANSE CON ALGUÉN QUE PRECISA AXUDA:

NESTE CENTRO CONTAMOS CUN ALUMNADO DO MÁIS SOLIDARIO E PARTICIPATIVO, EN NINGÚN MOMENTO DUBIDARON EN AXUDAR A PURA E ÁS SÚAS AMIGAS E AMIGOS. DESTE XEITO SELAMOS EN TODAS AS AULAS O NOSO COMPROMISO:

AGARDAMOS MÁIS INFORMACIÓN, PURA!

I OBRADOIRO: FAMILIAS VOLUNTARIAS

HOXE INICIAMOS OS OBRADOIROS DA ESCOLA DE NAIS E PAIS 22-23, COA FORMACIÓN DAS FAMILIAS VOLUNTARIAS QUE XESTIONARÁN O PRÉSTAMO DE FAMILIAS. 

4 FAMILIAS COLABORARÁN CON NÓS CON MOITA ILUSIÓN. 

MOITAS GRAZAS!!

INICIO DO PRÉSTAMO

COMEZAMOS O PRÉSTAMO DA FIN DE SEMANA E AS MOCHILAS VIAXEIRAS, DESPOIS DA FORMACIÓN DE USUARIAS E USUARIOS ONDE COÑECEMOS OS FONDOS DA BIBLIOTECA DE AULA, AS NORMAS, AS GARDAS E AS SÚAS FUNCIÓNS...

AS PRIMEIRAS MOCHILAS VIAXEIRAS VAN DA MAN DE ZOE F., FRAN, DANIELA, LEO E VIOLETA. 

BOAS LECTURAS, FAMILIAS!!

 

ESPAZO FEDELLO

ESTA SEMANA COMEZAN A ROTAR POLAS ESCOLAS OS ESPAZOS FEDELLO!!!!

ADEMAIS DURANTE ESTE TRIMESTRE ROTARÁN POLAS ESCOLAS DIFERENTES XOGOS E RECURSOS DA NOSA BIBLIOTECA CREATIVA COS QUE PODERÁN CREAR, INVESTIGAR E APRENDER DE FORMA DIVERTIDA.

A FEDELLAR!!!!