II CLUB DE LECTURA 22-23

ESTA SEMANA, FIXEMOS ENTREGA DO SEGUNDO LIBRO "CEREBRO, INFANCIA Y JUEGO" DE MARÍA COUSO, PARA O CLUB DE LECTURA ENTRE FAMILIAS E PROFESORADO.

A XUNTANZA SERÁ O LUNS 5 DE XUÑO ÁS 17:30 HORAS NA ESCOLA DE A CHOEIRA. 

VI OBRADOIRO: BIBLIOTECA CREATIVA

NO VI OBRADOIRO DA ESCOLA DE NAIS E PAIS MEDITAMOS, DESEÑAMOS E CREAMOS COAS TÉCNICAS AUDIOVISUAIS DO CROMA E STOP MOTION. 

QUE ARTISTAS TEMOS NO CRA!!

8M: DÍA INTERNACIONAL DA MULLER

AS PALABRAS TEÑEN O PODER DE CAMBIAR O MUNDO NO QUE VIVIMOS, POR ISO NESTA CONMEMORACIÓN TODA A COMUNIDADE EDUCATIVA ESCRIBIU PALABRAS FERMOSAS EN TEAS E COLGÁMOLAS NUN TENDAL, CO FIN DE RECORDALAS TAL E COMO FIXO LUNA NO LIBRO "LA COLECCIONISTA DE PALABRAS".

O CAMBIO ESTÁ NAS NOSAS MANS!!

PURA A TARTARUGA, MISIÓN 6

NESTA NOVA MISIÓN, PURA PRECISA DA NOSA IMAXINACIÓN E CREATIVIDADE PARA AXUDAR A UN AMIGO SEU, PERO NON NOS DIXO O NOME NIN DE QUEN SE TRATABA... 

DENTRO DA BOLSA DE TEA HABÍA UNHA CAIXA SORPRESA, O XOGO DO CONCEPT KIDS E UNHA SERIE DE PISTAS PARA TRATAR DE ADIVIÑALO:

ACERTAMOS!! MIRAMOS DENTRO DA CAIXA E COMPROBAMOS QUE O AMIGO DE PURA ERA UN CANGREXO. POUCO DESPOIS LEMOS A SÚA HISTORIA E COÑECEMOS, DE PRIMEIRA MAN, O MOTIVO DA SÚA TRISTEZA.

ALEXO NECESITABA DA NOSA AXUDA PARA TER UNHA NOVA CASA, UN FOGAR. PENSAMOS EN EQUIPO QUE MATERIAIS DE REFUGALLO PODERÍAMOS APORTAR DAS NOSAS CASAS, PARA TER UNHA SEGUNDA OPORTUNIDADE,  E SER REUTILIZADOS POR ALEXO. DURANTE VARIOS DÍAS TROUXEMOS DIFERENTES ELEMENTOS E PUXÉMONOS MANS Á OBRA:

MENTRES AVANZABAMOS NESTA CONSTRUCIÓN, CREAMOS CARAS E PERSOAS CON:

• DIFERENTES PEZAS SOLTAS:

• CO XOGO DE CARTAS ABOUT FACE,

•  E COA APP TRASH TOYS:

PODEDES VER NO SEGUINTE VÍDEO AS CASAS QUE CREAMOS NAS AULAS PARA ALEXO O CANGREXO:

ALEXO MUDOU A EMOCIÓN DE TRISTEZA EN ALEGRÍA COAS VIVENDAS QUE LLE FIXEMOS, MIRADE:

E COA MISIÓN SUPERADA, RECIBIMOS A PEGATINA DE ALEXO PARA A NOSA CREDENCIAL!

MÁSCARAS DE ENTROIDO

DURANTE A SEMANA DE ENTROIDO IMPRIMIMOS NA NOSA IMPRESORA 3D DIFERENTES MODELOS DE MÁSCARAS. O ALUMNADO DO CRA DE CULLEREDO FIXO AS SÚAS PROPIAS COPIANDO, RECORTANDO, PICANDO E DECORÁNDOAS.

MANDACRÁ DE ENTROIDO 23

NOVIDADES DOS MALETÍNS VIAXEIROS II

ESTA SEMANA VIAXAN NOVOS FONDOS NOS MALETÍNS VIAXEIROS PARA A "HORA DE LER". NAS AULAS LEREMOS ESTES 25 LIBROS:

PURA A TARTARUGA, MISIÓN 5

DESPOIS DAS FESTAS DE NADAL, RECIBIMOS UNHA NOVA MENSAXE NA BOTELLA COA 5ª MISIÓN. 

CONTOUNOS QUE A SÚA AMIGA PAZ, A ESTRELA DE MAR, SUFRIU UN HORRIBLE E GRAVE ACCIDENTE Á SAÍDA DA ESCOLA DE PEIXES: PASOU POR RIBA DUN ANACO DE VIDRO E RACHOU UN DOS SEUS 5 BRAZOS. 

PAZ SENTIU 5 EMOCIÓNS ASOCIADAS A FEITOS DIFERENTES: TRISTEZA, CANDO TIVO O SEU ACCIDENTE, MEDO CANDO PERDEU O SEU BRAZO, ENFADO AO VER ESE VIDRO NON DEBERÍA ESTAR NO MAR, ALEGRÍA AO COÑECER O SEU PODER DE REXENERAR OS BRAZOS, E CALMA, PORQUE DEBE DESCANSAR ESPERANDO A QUE CREZCA DE NOVO O SEU BRACIÑO. 

GRAZAS A ESTA SITUACIÓN, PURA INVÍTANOS A QUE IDENTIFIQUEMOS E REFLEXIONEMOS SOBRE AS NOSAS EMOCIÓNS, EMOCIÓNS QUE SENTIMOS AO LONGO DO DÍA CON TODAS AS COUSAS QUE FACEMOS OU PENSAMOS.

PUXÉMONOS MANS Á OBRA E MANDAMOS UNHA ENQUISA ÁS NOSAS FAMILIAS, PARA QUE NOS AXUDARAN A IDENFICAR QUE COUSAS NOS POÑEN TRISTES, ALEGRES, EN CALMA... RECIBIMOS GRAN CANTIDADE DE INFORMACIÓN E APRENDEMOS MOITO.

TAMÉN XOGAMOS A UN XOGO DE TABOLEIRO "EMOPARK", IDENTIFICANDO E TRATANDO DE COMPRENDER QUE PRODUXO CADA EMOCIÓN

E AXUDAMOS AO MONSTRO AMIGO DA APP SESAME STREET A RESOLVER OS SEUS CONFLITOS EMOCIONAIS.

PARA REMATAR A MISIÓN 5, ELABORAMOS UNHAS PULSEIRAS COAS 5 CORES DAS 5 EMOCIÓNS, ASÍ SEMPRE AS TEREMOS PRESENTES.

PAZ, POUCO A POUCO, RECUPERA O TAMAÑO DE SEU BRAZO E COA 5ª MISIÓN FINALIZADA CONSEGUIMOS UNHA NOVA PEGATINA PARA A NOSA CREDENCIAL:

II CLUB DE LECTURA

HOXE TIVEMOS A XUNTANZA DO CLUB DE LECTURA DE FAMILIAS E PROFESORADO. DESEÑAMOS E XOGAMOS EN DIFERENTES PROPOSTAS DE "PEZAS SOLTAS". O DEBATE TRASLADOUNOS AOS NOSOS XOGOS DA INFANCIA...

ESPAZO FEDELLO

ESTE TRIMESTRE COMEZAN A ROTAR POLAS NOSAS ESCOLAS NOVOS ESPAZOS FEDELLO.

OS CINCO NOVOS ESPAZOS ROTARÁN CADA TRIMESTRE COAS BIBLIOTECAS DE AULA, E CON ELES CREAREMOS, CONSTRUIREMOS, EXPERIMENTAREMOS E SOBRE TODO NOS DIVERTIRÉMONOS.

TEAR DE NATUREZA

BOTES SENSORIAIS

CABANA

PRENSA DE FLORES

TEXCO