AS CREDENCIAIS ECOLOXISTAS DE PURA

ESTA SEMANA NAS AULAS RECIBIMOS UNHA BOSA DE TEA DE PURA A TARTARUGA. DENTRO DESTA ESTABAN A BOTELLA, CUNHA MENSAXE PARA NÓS, E VARIAS CREDENCIAIS ECOLOXISTAS QUE CERTIFICARÁN O NOSO COMPROMISO CO MEDIO AMBIENTE, CO MAR E COS SERES VIVOS QUE NEL HABITAN. 

RECIBIREMOS VARIAS MISIÓNS AO LONGO DAS SEMANAS DO CURSO, SE AS SUPERAMOS EN EQUIPO RECIBIREMOS UN ADHESIVO DAS SÚAS AMIGAS E AMIGOS PARA COMPLETAR A NOSA CREDENCIAL.

AGARDAMOS A PRIMEIRA MISIÓN, PURA!!

A AVIONETA PEPA

HOXE, 24 DE OUTUBRO, CELEBRAMOS O DÍA DAS BIBLIOTECAS ESCOLARES DA MAN DA AVIONETA PEPA.

A AVIONETA PEPA É A GRAN PROTAGONISTA DO NOSO CENTRO E DA NOSA BIBLIOTECA. LER É UNHA DAS COUSAS QUE MÁIS LLE GUSTA, PERO A QUE MÁIS, É VOAR POR RIBA DAS NOSAS ESCOLAS.

O LEMA DAS BIBLIOTECAS ESCOLARES DESTE CURSO É "ESCRIBIR A BIBLIOTECA ESCOLAR" E A IMAXE DO CARTEL QUE INTERPRETA ESTE LEMA É DE BELÉN L. MÉNDEZ, COÑECIDA COMO NACU.

DESPOIS DE VER O CARTEL DE BELÉN QUIXEMOS FACER UN COAS PALABRAS ESCRITAS QUE NOS SUXIREN AS NOSAS BIBLIOTECAS DE AULA. O RESULTADO É O SEGUINTE:

PURA A TARTARUGA

ESTA SEMANA RECIBIMOS NO NOSO ENDEREZO ELECTRÓNICO UNHA MENSAXE DE MARTIÑO E TESTA, O NOSO AMIGO E A SÚA CADELIÑA COS QUE APRENDIMOS MOITAS COUSAS O CURSO PASADO. 

NUN DOS SEUS PASEOS POLA PRAIA ATÓPANSE CON ALGUÉN QUE PRECISA AXUDA:

NESTE CENTRO CONTAMOS CUN ALUMNADO DO MÁIS SOLIDARIO E PARTICIPATIVO, EN NINGÚN MOMENTO DUBIDARON EN AXUDAR A PURA E ÁS SÚAS AMIGAS E AMIGOS. DESTE XEITO SELAMOS EN TODAS AS AULAS O NOSO COMPROMISO:

AGARDAMOS MÁIS INFORMACIÓN, PURA!

I OBRADOIRO: FAMILIAS VOLUNTARIAS

HOXE INICIAMOS OS OBRADOIROS DA ESCOLA DE NAIS E PAIS 22-23, COA FORMACIÓN DAS FAMILIAS VOLUNTARIAS QUE XESTIONARÁN O PRÉSTAMO DE FAMILIAS. 

4 FAMILIAS COLABORARÁN CON NÓS CON MOITA ILUSIÓN. 

MOITAS GRAZAS!!

INICIO DO PRÉSTAMO

COMEZAMOS O PRÉSTAMO DA FIN DE SEMANA E AS MOCHILAS VIAXEIRAS, DESPOIS DA FORMACIÓN DE USUARIAS E USUARIOS ONDE COÑECEMOS OS FONDOS DA BIBLIOTECA DE AULA, AS NORMAS, AS GARDAS E AS SÚAS FUNCIÓNS...

AS PRIMEIRAS MOCHILAS VIAXEIRAS VAN DA MAN DE ZOE F., FRAN, DANIELA, LEO E VIOLETA. 

BOAS LECTURAS, FAMILIAS!!

 

ESPAZO FEDELLO

ESTA SEMANA COMEZAN A ROTAR POLAS ESCOLAS OS ESPAZOS FEDELLO!!!!

ADEMAIS DURANTE ESTE TRIMESTRE ROTARÁN POLAS ESCOLAS DIFERENTES XOGOS E RECURSOS DA NOSA BIBLIOTECA CREATIVA COS QUE PODERÁN CREAR, INVESTIGAR E APRENDER DE FORMA DIVERTIDA.

A FEDELLAR!!!!

TAREFAS DE APRENDIZAXE INTEGRADAS I

ESTA SEMANA INICIAMOS AS TAIS QUE DESENVOLVEN O NOSO PDI.

NELAS EXPERIMENTAREMOS E DESCUBRIREMOS UNHA MOREA DE COUSAS DA ROUPA, AS TEXTURAS E OS TECIDOS. 

OS FONDOS COS QUE TRABALLAREMOS SERÁN OS SEGUINTES:

AS FAMILIAS NA BIBLIOTECA DO CRA DE CULLEREDO

DESEÑAMOS CATRO PROPOSTAS DA BIBLIOTECA ESPECIALMENTE PARA VÓS: PRÉSTAMO EN FAMILIA, PRÉSTAMO DE ADULTOS, CLUB DE LECTURA E OBRADOIROS DA ESCOLA DE NAIS E PAIS. 

BOTÁLLEDE UNHA OLLADA E MEDITADE AS VOSAS SELECCIÓNS. TEDES ATA O VENRES 14 DE OUTUBRO PARA ENVIARNOS A VOSA SOLICITUDE.

AGARDAMOS CON ENTUSIASMO A VOSA PARTICIPACIÓN!

VOTAMOS OS NOSOS LIBROS

CO COMEZO DAS CARPETAS VIAXEIRAS E A NECESIDADE DE VOTAR AS NOSAS PREFERENCIAS, PUXEMOS EN FUNCIONAMENTO A IMPRESORA 3D ESTE CURSO E FIXEMOS MOEDAS QUE NOS SERVIRÁN PARA FACER RECONTO DOS LIBROS QUE MÁIS NOS GUSTAN.