GUÍA DE LECTURA - NADAL 2023

I OBRADOIRO DE ANIMACIÓN Á LECTURA CON PATRICIA CASTRILLÓN

HOXE TIVEMOS O DERRADEIRO OBRADOIRO DO ANO DE ANIMACIÓN Á LECTURA CON PATRICIA CASTRILLÓN, DENTRO DO PROGRAMA "LECTURA E FAMILIAS".

MESTURAMOS CONTOS, MÚSICA E TRADICIÓN CONSTRUÍNDO AS NOSAS PROPIAS PANDEIRETAS. DENDE LOGO, UN EXEMPLO DE QUE AS NARRATIVAS TEÑEN RITMO E PODEN CONVIVIR XUNTAS CON BOAS LECTURAS.

MOITAS GRAZAS, PATRICIA!!

NOVIDADES DOS MALETÍNS VIAXEIROS II

ESTA SEMANA VIAXAN NOVOS FONDOS NOS MALETÍNS VIAXEIROS PARA A "HORA DE LER". NAS AULAS LEREMOS ESTES LIBROS:

BOAS LECTURAS!!

NOVEMBRO, MES DA CIENCIA EN GALEGO

DEIXAMOS ATRÁS O MES DE NOVEMBRO, MES DA CIENCIA EN GALEGO NAS BIBLIOTECAS ESCOLARES. DURANTE ESTE MES EXPERIMENTAMOS COA LUZ, COS SENTIDOS, CO PROCESO DIXESTIVO, COAS SEMENTES E ATA TRANSPLANTAMOS... DENTRO DO NOSO PDI "SEMENTANDO SAÚDE".

III OBRADOIRO: PROPOSTAS CONTRA O SEDENTARISMO

HOXE TIVEMOS O III OBRADOIRO DA ESCOLA DE NAIS E PAIS. DESCUBRIMOS DIFERENTES PROPOSTAS PARA COMBATER O SEDENTARISMO E REMATAMOS CUNHA SESIÓN DE IOGA E MEDITACIÓN:

INICIO DO PRÉSTAMO DE FAMILIAS

HOXE INICIAMOS O PRÉSTAMO DE FAMILIAS NO BANCO DE RECURSOS DA SEDE DO CRA. ELAS SON AS VERDADEIRAS PROTAGONISTAS E AGRADECEMOS A XESTIÓN DO MESMO ÁS 7 FAMILIAS VOLUNTARIAS.

BOAS LECTURAS, FAMILIAS!!

II OBRADOIRO: XOGOS PARA DESPOIS DA INFANCIA

HOXE TIVEMOS O II OBRADOIRO DA ESCOLA DE NAIS E PAIS. A PROPOSTA DE XOGOS DE MESA GUSTOU MOITO ÁS FAMILIAS. QUE PRACER COMPARTIR ESTE TIPO DE EXPERIENCIAS CON VÓS. 

IV CLUB DE LECTURA: ENTREGA DE LIBROS

ENTRE ONTE E HOXE FIXEMOS ENTREGA DA NOVELA "UNA FAMILIA NORMAL" DE MATTIAS EDVARDSSON PARA O CLUB DE LECTURA ENTRE FAMILIAS E PROFESORADO. PARTICIPAREMOS UN TOTAL DE 24 PERSOAS, ENTRE ELAS 16 FAMILIAS. 

A XUNTANZA DO CLUB SERÁ O LUNS 15 DE XANEIRO ÁS 17:30 HORAS NA SEDE DO CRA. AGRADECEMOS A BUFOLECTOR, Á BIBLIOTECA DO CEIP SOFÍA CASANOVA DE CULLEREDO, O PRÉSTAMO DA MAIORÍA DOS FONDOS. GRAZAS POR FACER COMUNIDADE!!!

INICIO PRÉSTAMO DE ADULTOS

HOXE INICIAMOS O PRÉSTAMO DE ADULTOS E, ATA O MES DE XUÑO, 34 FAMILIAS RECIBIREDES OS FONDOS ELIXIDOS NO FORMULARIO DE INICIO DE CURSO. 

BOAS LECTURAS, FAMILIAS!!

O INICIO DA VIAXE

BREOGÁN MANDOUNOS UN PENDRIVE CUN VÍDEO SOBRE O INICIO DA SÚA VIAXE Á PRIMEIRA CIDADE EUROPEA.

O INICIO DA SÚA VIAXE COMEZABA NA ESTACIÓN DE TREN DA CORUÑA:

MOITAS E MOITOS DE NÓS ESCOITARAMOS FALAR DE BARCELONA E POR ISO, TRATAMOS DE SITUALA NOS MAPAS DE ESPAÑA E EUROPA.

I OBRADOIRO: FORMACIÓN DAS FAMILIAS VOLUNTARIAS

HOXE INICIAMOS OS OBRADOIROS DA ESCOLA DE NAIS E PAIS 23-24 COA FORMACIÓN DAS FAMILIAS VOLUNTARIAS QUE XESTIONARÁN O PRÉSTAMO EN FAMILIA.

UN TOTAL DE 7 FAMILIAS COLABORARÁN CON NÓS!!

MOITAS GRAZAS!!

OS MATERIAIS DE BREOGÁN

BREOGÁN COMPARTE A SÚA LEDICIA CON NÓS POLO NOSO COMPROMISO DE ACOMPAÑALO NA SÚA VIAXE POR EUROPA.

MANDOUNOS UN SEGUNDO VÍDEO COS MATERIAIS NECESARIOS PARA SEGUIR A SÚA RUTA EN TREN:

• UN MAPA INTERACTIVO DE EUROPA E

• UN CARTAFOL ONDE GARDAREMOS TODO O MATERIAL DAS NOSAS INVESTIGACIÓNS QUE SERVIRÁN DE TRABALLO FIN DE GRAO DE BREOGÁN. PUXÉMONOS O NOSO NOME:

DIA DAS BIBLIOTECAS 2023

O PASADO MARTES 24 DE OUTUBRO CELEBROUSE O DÍA DAS BIBLIOTECAS, ENTRE ELAS AS ESCOLARES. 

PARA CONMEMORAR ESTE DÍA, COMPARTIMOS UNHA PROPOSTA DO EQUIPO DE DINAMIZACIÓN DA LINGUA GALEGA E XUNTÁMOLA CO LEMA DESTE ANO "TECENDO COMUNIDADES":

ENTÓN, SE UNHA CASTAÑA É CADA UN O UNHA DE NÓS..

COSÉMOLAS E FORMAMOS A NOSA AULA, QUE SERÍA O CASTIÑEIRO...

E FINALMENTE ATÁMOLAS TODAS, POUCO A POUCO, E FORMAMOS UN SOUTO: O CRA DE CULLEREDO, A NOSA COMUNIDADE LECTORA.

INICIO DO PRÉSTAMO DA FIN DE SEMANA E MOCHILAS VIAXEIRAS

ESTA FIN DE SEMANA COMEZAMOS O PRÉSTAMO DA FIN DE SEMANA DE FONDOS DAS NOSAS BIBLIOTECAS DE AULA E A ANDANZA DAS MOCHILAS VIAXEIRAS. PREVIAMENTE TIVEMOS NAS AULAS UNHA PEQUENA FORMACIÓN DE PERSOAS USUARIAS E ELIXIMOS UN FONDO PARA LEVAR A CASA.

BOAS LECTURAS!!!

AS FAMILIAS NA BIBLIOTECA 23-24

ESTA SEMANA ENVIAMOS ÁS FAMILIAS A NOSA PROPOSTA PARA A SÚA PARTICPACIÓN NA NOSA BIBLIOTECA. SERÁN 4 ACTIVIDADES DIFERENTES: O PRÉSTAMO EN FAMILIA, O PRÉSTAMO DE ADULTOS, O CLUB DE LECTURA E OS OBRADOIROS DA ESCOLA DE NAIS E PAIS.

RECIBIMOS UNHA MARABILLOSA ACOLLIDA ATA O MOMENTO, TEDES ATA O 1 DE NOVEMBRO PARA ENCHELO FORMULARIO E ENVIALO.

MOITAS GRAZAS, FAMILIAS!

NOVIDADES DOS MALETÍNS VIAXEIROS I

INICIAMOS O CURSO COA PROPOSTA DOS MALETÍNS VIAXEIROS DE ANIMACIÓN Á LECTURA. NELES VIAXAN NOVOS FONDOS PARA AS VINDEIRAS SEMANAS NA "HORA DE LER":

BOAS LECTURAS!!

A VIAXE DE BREOGÁN

ESTA SEMANA RECIBIMOS NAS AULAS UNHA MENSAXE DE BREOGÁN FERREIRO, UN MOZO QUE ESTÁ A REMATAR OS SEUS ESTUDOS DE HISTORIA DA ARTE. COMO TRABALLO DE FIN DE GRAO, LEVARÁ A CABO UNHA VIAXE POR EUROPA PARA COÑECER A SÚA DIVERSIDADE CULTURAL, SOCIAL...

PURA A TARTARUGA, QUE O ESCOITOU FALAR COAS SÚAS AMIZADES, RECOMÉNDALLE DÚAS COUSAS: 

• QUE VIAXE EN TREN, PARA DISMINUIR OS AXENTES CONTAMINADORES E,
• QUE SE POÑA EN CONTACTO CON NÓS, PARA COLABORAR NO SEU PROXECTO:

NESTE CENTRO CONTAMOS CO ALUMNADO MÁIS SOLIDARIO E PARTICIPATIVO. EN NINGÚN MOMENTO DUBIDARON EN AXUDAR A BREOGÁN NO SEU TRABALLO FIN DE CARREIRA. DESTE XEITO, SELAMOS O NOSO COMPROMISO:

AGARDAMOS MÁIS INFORMACIÓN, BREOGÁN!!