8º TRUCO DE MAXIA DO MAGO FIZ

 RECIBIMOS NAS AULAS O DERRADEIRO VÍDEO DO MAGO FIZ:

PEGAMOS O 7 DE ROMBOS NA NOSA LISTAXE DE CONTROL E ENGADIMOS A CARTA Á NOSA BARALLA:

FOI MOI EMOCIONANTE SEGUIR O BREAKOUT DO AVÓ MAXÍN E O JOKER. ESTA ERA A CAIXA:

E AQUÍ ESTABAN AS DIFERENTES PROBAS A SUPERAR PARA ABRIR O CADEADO:

NA PRIMEIRA PROBA TIVEMOS QUE ACORDARNOS DE CAL ERA O VALOR MÁIS IMPORTANTE PARA A VIDA E CONTAR A SÚAS LETRAS:

NA SEGUNDA TIVEMOS QUE COLLER UNHA LANTERNA E AVERIGUAR O NÚMERO AGOCHADO POLO JOKER:

NA TERCEIRA PROBA SEGUIMOS O PERCORRIDO DE PATA NÉBOA ATA CHEGAR A UNHA CARTA:

E O DERRADEIRO NÚMERO FOI COUSA DE CONSTRUÍR UN PUZZLE:

ABRIMOS A CAIXA E VIMOS TODO O QUE CONTIÑA: UN CÓDIGO QR, UNS DIPLOMAS, UN XOGO DE MAXIA PARA A AULA E MOITAS PATAS NÉBOAS!!

E COMPLETAMOS, COAS NOVAS PEGATINAS DO 8 DE TRÉBOLES, A NOSA LISTAXE DE CONTROL:

QUE GRAN SORPRESA TIVEMOS TODAS E TODOS CANDO ABRIMOS O QR...

ATA PRONTO FIZ E NÉBOA!!

MICRA, O PRODUTO FINAL

QUEREMOS COMPARTIR CON VÓS UN VÍDEO QUE RECOLLE OS MELLORES MOMENTOS DO MICRA, O MUSEO DE INVENTOS DO CRA DE CULLEREDO.

A SÚA ACOLLIDA ENTRE A COMUNIDADE EDUCATIVA FOI MAGNÍFICA, E SENTIMOS UN GRAN ORGULLO AO VER O ENTUSIASMO CO QUE FOI RECIBIDO POR TODAS E TODOS. 

A TEMÁTICA DOS INVENTOS RESULTOU SER MOI MOTIVADORA PARA O NOSO ALUMNADO. DURANTE TODO O CURSO ESTIVEMOS INVESTIGANDO, CREANDO E APRENDENDO ARREDOR DAS INNOVACIÓNS, A CIENCIA E OS DESCUBRIMENTOS. O MUSEO É, SEN DÚBIDA, O FROITO DUN ANO CHEO DE APRENDIZAXES E ILUSIÓN COMPARTIDA. 

GRAZAS A TODAS AS FAMILIAS POR FACELO POSIBLE E ACOMPAÑARNOS NESTA AVENTURA. COA VOSA IMPLICACIÓN FIXÉMOLO POSIBLE...

O NOSO MICRA FOI UN ÉXITO!!

7º TRUCO DE MAXIA DO MAGO FIZ

RECIBIMOS NAS AULAS UN NOVO VÍDEO DO MAGO FIZ:

PEGAMOS O 6 DE PICAS NA NOSA LISTAXE DE CONTROL E ENGADIMOS A CARTA Á NOSA BARALLA DE MAXIA:

INVITAMOS ÁS FAMILIAS AO MICRA (MUSEO DE INVENTOS DO CRA DE CULLEREDO), PARA QUE SOBRE AS 18:00 HORAS FIXERAN MAXIA PARA TODA A COMUNIDADE EDUCATIVA.

A CONVOCATORIA FOI UN ÉXITO...

PARA FINALIZAR, CONSEGUIMOS FACER O 7º TRUCO DE MAXIA!!

AGARDAMOS O 7 DE ROMBOS, FIZ!!

6º TRUCO DE MAXIA DO MAGO FIZ

RECIBIMOS NAS AULAS UN NOVO VÍDEO DO MAGO FIZ:

PEGAMOS O 5 DE CORAZÓNS NA NOSA LISTAXE DE CONTROL E ENGADIMOS A CARTA Á NOSA BARALLA DE MAXIA:

LEMOS EN GRAN GRUPO O CONTO "HOTEL PARA BICHITOS" E PUXÉMONOS MANS Á OBRA CO HOTEL QUE NOS AGASALLOU FIZ: ONDE POÑELO NO PATIO, QUE BECHIÑOS NOS VISITARÍAN, NORMAS E COIDADOS...

E AO FINAL FIXEMOS O TRUCO DE MAXIA PARA REMATAR ESTA MISIÓN:

AGARDAMOS O SEIS DE PICAS, FIZ!!

TAI DO ABECEDARIO

AS LETRAS DO ABECEDARIO SEGUEN UNHA ORDE ESTABLECIDA. TODAS SON DIFERENTES, SOAN DISTINTO E TEÑEN UN TRAZO PROPIO.

EN RELACIÓN AO NOSO PDI DESTE CURSO, OS INVENTOS E DESCUBRIMENTOS TAMÉN SON MOITOS, TODOS DIFERENTES, CADA UN COAS SÚAS PROPIAS CARACTERÍSTICAS.

EN GRUPO CREAMOS UN ABECEDARIO CON INVENTOS E DESCUBRIMENTOS; ESTE FOI O RESULTADO:

2ª FALADOIRO DO PDI

HOXE PUBLICAMOS O SEGUNDO FALADOIRO SOBRE O NOSO PDI. NESTA OCASIÓN FOMOS VISIONARIOS NA TEMÁTICA ELIXIDA: COMO ERA A VIDA DOS NOSOS ANTEPASADOS SEN OS INVENTOS DA NOSA VIDA ACTUAL, MOITOS DELES ELÉCTRICOS. 

MABARABÍLLADEVOS COA SÚA ESCOITA:

LECTURAS COMPARTIDAS

PARA CONMEMORAR A SEMANA DO LIBRO CONVIDAMOS ÁS FAMILIAS A QUE VIÑERAN ÁS AULAS A AGASALLARNOS COA LECTURA DUN CONTO. 

AS LECTURAS COMPARTIDAS CONSTITÚEN UNHA PONTE PODEROSA ENTRE A FAMILIA E A ESCOLA. CANDO O NOSO ALUMNADO VE QUE, TANTO O SEU PROFESORADO COMO OS SEUS REFERENTES FAMILIARES VALORAN OS LIBROS, MEDRA NEL O INTERESE POLA LECTURA, POTENCIANDO AO MESMO TEMPO O SEU DESENVOLVEMENTO LINGÜÍSTICO, EMOCIONAL E SOCIAL.

QUE MARABILLA CONTAR CON TANTAS FAMILIAS PARTICIPANTES!!

5º TRUCO DE MAXIA DO MAGO FIZ

RECIBIMOS NAS AULAS UN NOVO VÍDEO DO MAGO FIZ:

PEGAMOS O 4 DE TRÉBOLES NA LISTAXE DE CONTROL E ENGADIMOS A CARTA Á NOSA BARALLA DE CARTAS:

FOI MOI INTERESANTE ESTA PROPOSTA, XA QUE LLE PREGUNTAMOS Á INTELIXENCIA ARTIFICIAL (IA) DO ORDENADOR DO MESTRE IVÁN UNHA MOREA DE COUSAS: COR FAVORITA, NOME DA SÚA NAI E PAI, COMIDA E CONTO FAVORITO, ONDE VIVE... APROVEITAMOS ESTE ACERCAMENTO PARA MEDITAR CAL SERÍA A NOSA PALABRA ELIXIDA NO CONTO PARA AGASALLAR AO MAGO FIZ. 

AS PALABRAS ELIXIDAS POLA CH1 FORON PEDRA, PLANETA TERRA, VARITA, SATURNO, RATO, PANTERA, XOGOS, DRAGÓN, PANTALÓNS, OLLO E VIAXE. O RESULTADO COA VOZ DA IA E AS ILUSTRACIÓNS DO ALUMNADO É ESTE:

AS PALABRAS ELIXIDAS NA CH2 SON: ÁRBORE, PERSOA, XIRAFA, PATO, ELEFANTE, VACA, BOXEADOR, UNICORNIO, ARCO DA VELLA, LILA E TESOURO. O RESULTADO COA VOZ DA IA E AS ILUSTRACIÓNS DO ALUMNADO É ESTE:

EN LEDOÑO ESCOLLERON CARAPUCHIÑA, DRAGÓN, MAMÁ, ROSA, CARACOL, HÁMSTER, UNICORNIO, NEGRO, GATITO, FLOR, NINJA, CARBALLEIRA E TESOURO. O RESULTADO COA VOZ DA IA E AS ILUSTRACIÓNS DO ALUMNADO É ESTE:

O ALUMNADO DE SÉSAMO ELIXIOU VERMELLO, GAFAS, PERSOA, PANTASMA, BRUXA, MONSTRO, UNICORNIO, BICICLETA, AMOR, CÁMARA, ORDENADOR, MANDILÓN, TROMPETA, DINOSAURIO, BOSQUE, TAMBOR E PEDRA. O RESULTADO COA VOZ DA IA E AS ILUSTRACIÓNS DO ALUMNADO É ESTE:

POR ÚLTIMO, AS NENAS E OS NENOS DE VINSEIRA DECATÁRONSE POR TABLETA, CABALOS, TRACTORES, CEN PORCOS, CANS, ESPAGUETIS, CAMIÓNS, TESOURO E AVENTURA. O RESULTADO COA VOZ DA IA E AS ILUSTRACIÓNS DO ALUMNADO É ESTE:

FOI UN MAGNÍFICO AGASALLO PARA O ANIVERSARIO DE FIZ, PERO TAMÉN VALEUNOS PARA CONMEMORAR O DÍA DO LIBRO 2025!

POR ÚLTIMO PRACTICAMOS MOITO O TRUCO DE MAXIA-EXPERIMENTO, SACAMOS HIPOTÉSES, COMPROBAMOS E SACAMOS UNHAS CONCLUSIÓNS SOBRE O MESMO.

AGARDAMOS O CINCO DE CORAZÓNS, FIZ!!

4º TRUCO DE MAXIA DO MAGO FIZ

 RECIBIMOS NAS AULAS UN NOVO VÍDEO DO MAGO FIZ:

PEGAMOS O TRES DE ROMBOS NA NOSA LISTAXE DE CONTROL E ENGADIMOS A CARTA Á NOSA BARALLA DE CARTAS:

QUE FORMOSO FOI PENSAR NAS MULLERES MÁIS IMPORTANTES DA NOSA VIDA. A TOTALIDADE DO NOSO ALUMNADO MENCIONOU AS SÚAS NAIS, PERO TAMÉN ACORDÁRONSE DE AVOAS, TÍAS, MADRIÑAS, MESTRAS, CURMÁS, AMIGAS, BISAVOAS... AGORA FALTABA A PARTE DO AGASALLO, NESTA OCASIÓN INSPIRÁMOSNOS NA ARTISTA JUDITH SCOTT.

FIXEMOS ENTREGA DESTES AGASALLOS E CONSEGUIMOS REALIZAR O 4º TRUCO DE MAXIA!!

AGARDAMOS O CATRO DE TRÉBOLES, FIZ!!

3º TRUCO DE MAXIA DO MAGO FIZ

 RECIBIMOS NAS AULAS UN NOVO VÍDEO DO MAGO FIZ:

PEGAMOS O DOUS DE PICAS NA NOSA LISTAXE DE CONTROL E ENGADIMOS A CARTA Á NOSA BARALLA DE CARTAS:

 

ANTES DE DESCUBRIR CAL ERA O VALOR MÁIS IMPORTANTE PARA A VIDA, INVESTIGAMOS E RESOLVIMOS DIFERENTES ALGORITMOS DA APP PANGO ON ROAD:

A CONTINUACIÓN, DESCUBRIMOS CAL ERA O VALOR MÁIS IMPORTANTE PARA A VIDA NO ARQUIVO EN PDF E VISUALIZAMOS DÚAS CURTAS QUE NOS FIXERON POÑER NO LUGAR DOS DEMAIS.

E FOI NA SEGUINTE SESIÓN CANDO RECIBIMOS UN NOVO VÍDEO DE FIZ:

PRACTICAMOS VARIOS DÍAS O TRUCO DE MAXIA, ATA QUE POR FIN... CONSEGUÍMOLO!!

AGARDAMOS O TRES DE ROMBOS, FIZ!!

DÍA MUNDIAL DA RADIO

HOXE, 13 DE FEBREIRO, CELEBRAMOS O DÍA MUNDIAL DA RADIO. UN GRAN INVENTO QUE INFORMA, ENTRETÉN E ACOMPAÑA DESDE FAI MOITOS ANOS ÁS PERSOAS. 

PARA CONMEMORALO PRESENTÁMOSVOS O NOSO FALADOIRO, O PODCAST PRODUTO FINAL DUNHA DAS TAREFAS DE APRENDIZAXE INTEGRADAS (TAIs) DO NOSO PDI "MARABÍLLATE". NELA, O NOSO ALUMMADO COMPARTE CON NÓS OS SEUS COÑECEMENTOS SOBRE O CENTRO DE INTERESE: OS INVENTOS E OS DESCUBRIMENTOS. 

MARABILLÁDEVOS COA SÚA ESCOITA:

2º TRUCO DE MAXIA DO MAGO FIZ

 RECIBIMOS NAS AULAS O 2º TRUCO DE MAXIA:

CON MOITA ILUSIÓN PEGAMOS O AS DE CORAZÓNS NA NOSA LISTAXE DE CONTROL E ENGADIMOS A CARTA Á NOSA BARALLA:

IMPACTOUNOS MOITO A FRUSTACIÓN DO MAGO FIZ AO NON CONSEGUIR FACER O SEU TRUCO DE MAXIA. ENTRE TODO O EQUIPO MEDITAMOS CAL SERÍA UNHA BOA ESTRATEXIA PARA AFRONTAR UNHA DIFICULTADE: TOMAR UN PAUSA, RESPIRAR, PENSAR UN BO PLAN ANTES DE TOMAR ACCIÓN.

ADEMAIS TAMÉN AXUDAMOS AO PEQUENO MONSTRO NA APP RESPIRA, PIENSA Y ACTÚA DE BARRIO SÉSAMO A ATOPAR SOLUCIÓNS PARA ESTAR FELIZ. 

O MAGO FIZ RESPONDEUNOS MOITO MÁIS RELAXADO, AGRADECÉNDONOS OS CONSELLOS CITADOS CON ANTERIORIDADE E DESTA, SI FOI QUEN DE FACER O TRUCO CORRECTAMENTE. 

PRACTICAMOS VARIOS DÍAS O TRUCO DE MAXIA, ATA QUE POR FIN... CONSEGUÍMOLO!!

AGARDAMOS O DOUS DE PICAS, FIZ!!

GUÍA DE LECTURA - NADAL 2024

TAI TARXETA DE NADAL

ESTE CURSO APROVEITAMOS A CELEBRACIÓN DO NADAL PARA COÑECER OS CIRCUÍTOS ELÉCTRICOS.

COA AXUDA DO RECURSO DA BIBLIOTECA CREATIVA: "ELECTROKIT" COÑECEMOS OS CIRCUÍTOS ELÉCTRICOS E APLICAMOS OS COÑECEMENTOS PARA FACER A NOSA PROPIA POSTAL DE NADAL.

BO NADAL FAMILIAS!

1º TRUCO DO MAGO FIZ

RECIBIMOS NAS AULAS O 1º TRUCO DE MAXIA PARA RECUPERAR UHHA DAS OITO CARTAS DA BARALLA: O AS DE CORAZÓNS.

PRACTICAMOS DURANTE SEMANAS ESTE COMPLICADO TRUCO DE MAXIA DE DADOS, ATA QUE O CONSEGUIMOS!!

ADEMAIS, XOGAMOS A IMAXINAR COMO PODE SER O AVÓ MAXÍN E RESPECTAMOS AS CREACIÓNS DAS NOSAS COMPAÑEIRAS E COMPAÑEIROS:

A CHOEIRA 1

A CHOEIRA 2

LEDOÑO

LEDOÑO

SÉSAMO

SÉSAMO

VINSEIRA

AGARDAMOS O AS DE CORAZÓNS, FIZ!!