TAI DO "PATCHWORK"

O PATCHWORK É UNHA TÉCNICA DE COSTURA QUE NOS PERMITE UNIR DIFERENTES ANACOS DE TEAS PARA FORMAR UN PROXECTO COMÚN.

PARA REALIZAR ESTA TAREFA CADA FAMILIA E PROFESORADO APORTOU UN ANAQUIÑO DE TEA DALGUNHA PRENDA OU TECIDO QUE EVOCASE UN RECORDO OU EMOCIÓN ESPECIAL PARA ELAS. 

AO LONGO DOS TRIMESTRES CADA AULA TECEU DIFERENTES PARTES PARA CHEGAR A FACER UNHA BONITA MANTA CHEA DE SENTIMENTO.

GRAZAS FAMILIAS POLA VOSA COLABORACIÓN!

VIII OBRADOIRO: GRAXA MALA, GRAXA BOA

HOXE TIVEMOS O DERRADEIRO OBRADOIRO DA ESCOLA DE NAIS E PAIS. DÚAS FAMILIAS DA ESCOLA DA CHOEIRA FIXÉRONOS REFLEXIONAR SOBRE ALIMENTACIÓN SAUDABLE E REMATAMOS CUN BO SABOR DE BOCA, GRAZAS A UNHA DEGUSTACIÓN DE AOVE E RECEITAS SAUDABLES.

TAI DO TRAXE DA MOUCHA

A NOSA QUERIDA MOUCHA LOCE NAS FESTAS UNHA VESTIMENTA MOI CARACTERÍSTICA E CREATIVA. O ANO PASADO PUIDEMOS COMPROBALO NA ROMARÍA DA TORRE DE CELAS.

NESTA TAREFA ESCRIBÍSMOLLE UNHA MENSAXE, ACOMPAÑADA DUN PEQUENO RECLAMO A MODO DE AGASALLO, PARA QUE NOS DEIXARA VER O SEU TRAXE. SE MIRADES O VÍDEO COMPROBAREDES QUE PASOU...

VISITAMOS A ASOCIACIÓN DONAIRE

HOXE DOCUMENTAMOS O NOSO PROXECTO CUNHA VISITA Á ASOCIACIÓN DONAIRE. NELA GOZAMOS COS CINCO SENTIDOS DO TRAXE TRADICIONAL GALEGO, ENTRE OUTRAS COUSAS. 

QUE BEN O PASAMOS E CANTO APRENDEMOS!!

OBRADOIRO DE CREATIVA CON FELTRO

AO LONGO DE DÚAS TARDES ANA, AVOA DUN NENO DA ESCOLA DE SÉSAMO, ENSINOUNOS A REALIZAR UN PRECIOSO BONECO EN FELTRO. RECORTAR, COSER, CREAR... PERO SOBRE TODO COMPARTIR MOMENTOS COAS FAMILIAS.

GRAZAS ANA!!

PURA A TARTARUGA, MISIÓN 8

MANOLA A CARACOLA É AMIGA DE PURA PROTAGONISTA DESTA NOVA MISIÓN.

ELA É MOI CURIOSA E ENTEROUSE DE QUE VISITAMOS O AQUARIUM FINISTERRAE O PASADO 20 DE MARZO, ONDE ESTABAN MOITAS ESPECIES AMIGAS.

MANOLA É MOI AVENTUREIRA, INVESTIGADORA E COÑECE TODOS OS SONS MARIÑOS, PERO TEN MOITA CURIOSIDADE POR DESCUBRIR ALGUNHA ONOMATOPEIA DE FÓRA DO MAR.

PARA SUPERAR ESTA MISIÓN TIVEMOS QUE MEDITAR EN EQUIPO QUE SONS DO EXTERIOR SERÍAN OS MÁIS IMPORTANTES PARA ENSINARLLE E DOCUMENTAMOS A NOSA PROPOSTA CON DOUS FONDOS BIBLIOGRÁFICOS E ALGÚN XOGO:

GRAVAMOS EN AUDIO OS ELIXIDOS E CREAMOS UN DOCUMENTO DIXITAL CON TODOS ELES:

XA TEMOS A PEGATINA DE MANOLA!! AGARDAMOS QUE SEXA QUEN DE APRENDELAS O ANTES POSIBLE!!

OBRADOIRO DE CREATIVA CON DLONAS

HOXE VISITAMOS UN DOS CENTROS OCUPACIONAIS DA FUNDACIÓN ADCOR DA CORUÑA, QUE INTEGRA E REEMPREGA A PERSOAS CON DISCAPACIDADE INTELECTUAL. SON OS CREADORES DO PROXECTO #dlonas E COA SÚA AXUDA RECICLAMOS LONAS PUBLICITARIAS E ELABORAMOS EN FAMILIA UNHAS BOLSAS DO MÁIS CREATIVAS!

VISITA Á EXPOSICIÓN FOTOGRÁFICA DE STEVEN MEISEL

HOXE VISITAMOS A EXPOSICIÓN FOTOGRÁFICA DE STEVEN MEISEL NA CORUÑA ENMARCADA DENTRO DO NOSO PDI. 

APRENDEMOS DE MODA E REVIVIMOS UNHA FESTA DOS ANOS 90...

FOI SENSACIONAL!!

DÍA DO LIBRO 2023

ESTE ANO CELEBRAMOS O DÍA DO LIBRO FACENDO PROTAGONISTAS ÁS FAMILIAS NA HORA DE LER. 

MOITAS GRAZAS POR COMPARTIR AS VOSAS LECTURAS CON NÓS. ADEMAIS, AO LONGO DA SEMANA, FIXEMOS UNS MARCAPÁXINAS CON TEAS DE REFUGALLO ENMARCADOS NO NOSO PDI.

NOVIDADES DOS MALETÍNS VIAXEIROS III

ESTA SEMANA VIAXAN NOVOS FONDOS NOS MALETÍNS VIAXEIROS PARA A "HORA DE LER". NAS AULAS LEREMOS ESTES 25 LIBROS:

VII OBRADOIRO: ESCAPE ROOM RURAL

HOXE TIVEMOS O VII OBRADOIRO DA ESCOLA DE NAIS E PAIS CON DAVID, UN PAI DA ESCOLA DE LEDOÑO. A SÚA PROPOSTA DUN ESCAPE ROOM RURAL ESPERTOUNOS MOI BOAS SENSACIÓNS: 

PURA A TARTARUGA, MISIÓN 7

PURA A TARTARUGA DESCRÍBENOS A UN NOVO AMIGO SEU QUE PRECISA DA NOSA AXUDA: RODOLFO. É MOI INTELIXENTE, TEN 8 BRAZOS CON VENTOSAS, 3 CORAZÓNS E 1 CEREBRO, DESPLÁZASE EXPULSANDO AUGA, POSÚE UN DEPÓSITO DE TINTA PARA FUXIR DE AMEAZAS, E CÉLULAS PIGMENTARIAS E MÚSCULOS ESPECIALIZADOS QUE FAN QUE COINCIDA EN COR E TEXTURA COA CONTORNA... AO MOMENTO, SABÍAMOS DE QUE ANIMAL SE TRATABA... DUN POLBO!!

PURA MANDOUNOS UN VÍDEO DEL:

E TAMÉN DESCUBRIMOS A HISTORIA DE OCTAVIO, UN POLBO MOI ESPECIAL:

RODOLFO ESTÁ MOI ORGULLOSO DE SER UN POLBO. COS SEUS TENTÁCULOS AXUDA MOITO NO FONDO MARIÑO, DETECTANDO E RECOLLENDO GRAN CANTIDADE DE METAIS CONTAMINANTES; MOITAS VECES EMPREGA AS SÚAS VENTOSAS COMO IMÁNS PARA CAPTURAR E TRATAR DE ELIMINAR ESTES RESÍDUOS MARIÑOS.

PERO TEN UNHA GRAN ILUSIÓN, GUSTARÍALLE APRENDER A TOCAR O PIANO. ESTA É A NOSA MISIÓN: RECOMPILAR PAPEL DE ALUMINIO DAS MERENDAS, CONSTRUÍR UN PIANO E, COA AXUDA DO EBOTIC E DUN ORDENADOR, COMPOÑER UNHA PECIÑA DE MÚSICA. 

ESTE FOI O RESULTADO:

APROVEITAMOS OS RECURSOS E TAMÉN FIXEMOS COMPOSICIÓNS CON GRAFITO E CON CULLERES:

XA TEMOS A TÚA PEGATINA, RODOLFO!!

III CLUB DE LECTURA: O LIBRO

ESTA SEMANA, FIXEMOS ENTREGA DO SEGUNDO LIBRO "CEREBRO, INFANCIA Y JUEGO" DE MARÍA COUSO, PARA O CLUB DE LECTURA ENTRE FAMILIAS E PROFESORADO.

A XUNTANZA SERÁ O LUNS 5 DE XUÑO ÁS 17:30 HORAS NA ESCOLA DE A CHOEIRA. 

VI OBRADOIRO: BIBLIOTECA CREATIVA

NO VI OBRADOIRO DA ESCOLA DE NAIS E PAIS MEDITAMOS, DESEÑAMOS E CREAMOS COAS TÉCNICAS AUDIOVISUAIS DO CROMA E STOP MOTION. 

QUE ARTISTAS TEMOS NO CRA!!

TAI DO 8M: DÍA INTERNACIONAL DA MULLER

AS PALABRAS TEÑEN O PODER DE CAMBIAR O MUNDO NO QUE VIVIMOS, POR ISO NESTA CONMEMORACIÓN TODA A COMUNIDADE EDUCATIVA ESCRIBIU PALABRAS FERMOSAS EN TEAS E COLGÁMOLAS NUN TENDAL, CO FIN DE RECORDALAS TAL E COMO FIXO LUNA NO LIBRO "LA COLECCIONISTA DE PALABRAS".

O CAMBIO ESTÁ NAS NOSAS MANS!!