GUÍA DE LECTURA VERÁN 2020: "LER AO SOL, SENTA MELLOR"

AQUÍ TEDES A NOSA GUÍA DE LECTURA PARA ESTE VERÁN:

O EQUIPO DA BIBLIOTECA ESCOLAR DO CRA DE CULLEREDO DESÉXAVOS UN BO VERÁN A TODAS E TODOS!

IV ECOEXPOSICIÓN FOTOGRÁFICA

FAI UNHAS SEMANAS SOLICITAMOS A VOSA COLABORACIÓN PARA FACER UNHA ECOEXPOSICIÓN FOTOGRÁFICA. AS FOTOGRAFÍAS REPRESENTARÍAN DE FORMA ECOLÓXICA E ARTÍSTICA O LEMA "PENSA EN VERDE", CON ELEMENTOS NATURAIS E/OU DE REFUGALLO. AQUÍ PODEDES VER O RESULTADO:

MOITAS GRAZAS POR PARTICIPAR, FAMILIAS!!

PRODUTOS DAS TAREFAS INTEGRADAS III

DESPOIS DUNS DÍAS DE INVESTIGACIÓN, INXENIO, CREATIVIDADE E MOITA ACTITUDE CRÍTICA... PODEMOS ENSINARVOS GRANDES RESULTADOS!

• TAREFA INTEGRADA TIC

ORGULLO É O QUE SENTE CARPIÑO DESPOIS DE VER OS VOSOS RESULTADOS NO XOGO DO QUIZIZZ. SE RECORDADES TAN BEN ÁS AMIGAS E AMIGOS DE CARPIÑO, NON ESQUECEREDES NUNCA AS SÚAS ECOAMEAZAS E, POLO TANTO, SEREDES @S MELLORES ECOLOXISTAS QUE PRECISA O NOSO PLANETA NESTES MOMENTOS.

• TAREFA INTEGRADA FILOSOFÍA

O PLÁSTICO DUN SÓ USO QUIZÁS AUMENTOU NAS NOSAS CASAS NESTAS DATAS DE CONFINAMENTO... PERO HAI MOITÍSIMOS COMPROMISOS PARA QUE ESTA SITUACIÓN MELLORE ENTRE TODAS E TODOS, OLLADE:

• TAREFA INTEGRADA LÓXICA-ARTE

CREMOS QUE O ESPAZO FEDELLO, VINCULADO ÁS BIBLIOTECAS DE AULA DO CRA DE CULLEREDO, TAMÉN ESTARÁ PRESENTE NAS VOSAS CASAS DESPOIS DA PROPOSTA DESTA TAREFA INTEGRADA. SAÍRON MOITÍSIMAS BOAS IDEAS... QUE SATISFACCIÓN PODER CONTAR NO CRA CON ESTA COMUNIDADE EDUCATIVA TAN CREATIVA!! MIRADE O VIDEO:

TAREFAS INTEGRADAS III

NESTE TERCEIRO TRIMESTRE AS TAREFAS INTEGRADAS SON COUSA DAS FAMILIAS. ESTAS PROPOSTAS XIRARÍAN DURANTE TODO O TRIMESTRE POLAS ESCOLAS; TODO O ALUMNADO CREARÍA UN PRODUTO FINAL DE CADA UNHA DELAS E UNIFICARÍA A VISIÓN DO NOSO PDI.

NESTE TRIMESTRE FINAL ANALIZAREMOS, INVESTIGAREMOS, CREAREMOS E XOGAREMOS COA MENTE NA REDUCIÓN DO PLÁSTICO NAS NOSAS VIDAS.

ESTAS TRES TAREFAS ESTÁN INSPIRADAS NESTES LIBROS:

A CONTINUACIÓN, VEREDES UNHA BREVE DESCRICIÓN DO FONDO SELECCIONADO E UNHA PEQUENA TAREFA A REALIZAR CON CADA UN DELES. PODEDES ENVIARNOS TEXTOS, FOTOS E VIDEOS DAS PROPOSTAS QUE REALICEDES AO CORREO DA PEPATECA pepateca5@gmail.com 

• 1ª TAREFA INTEGRADA LÓXICA-ARTE

OS ESPAZOS FEDELLOS OU MAKERSPACES POSIBILITAN AO ALUMNADO MÚLTIPLES OPORTUNIDADES DE APRENDIZAXE, DE EXPRESIÓN E CREACIÓN. O OBXECTIVO PRINCIPAL É CONFECCIONAR UN ESPAZO DENTRO DA BIBLIOTECA ONDE SE POIDAN FACER E CREAR COUSAS BASEADAS NA EXPERIENCIA E NA APRENDIZAXE.

NÓS APOSTAMOS POLA CREACIÓN DESTES ESPAZOS CON MATERIAIS SOSTIBLES E QUE REDUZAN O IMPACTO AMBIENTAL: ELEMENTOS NATURAIS, BIODEGRADABLES E REUTILIZAR PLÁSTICOS DUN SÓ USO.

👉TAREFA A REALIZAR: CONFECCIONADE UN ESPAZO FEDELLO NAS VOSAS CASAS, CON MATERIAL SOSTIBLE E FACEDE UNHA CREACIÓN CON EL. PODEDES PICAR NA AVIONETA FEDELLA PARA VER OS QUE TEMOS NAS ESCOLAS:

• 2ª TAREFA INTEGRADA FILOSOFÍA

VÉÑENNOS Á CABEZA GRAN CANTIDADE DE PRODUTOS ENVASADOS SEN OS QUE NON PODERIAMOS VIVIR E AOS QUE RESULTA DIFÍCIL ATOPAR UNHA ALTERNATIVA. O MELLOR É NON DARLLE MOITAS VOLTAS E EMPEZAR... REDUCIR O USO DO PLÁSTICO DUN SÓ USO PODE SER UN XOGO MOI DIVERTIDO.

👉TAREFA A REALIZAR: RECOLLEDE NUNHA CAIXA O PLÁSTICO DUN SÓ USO QUE XENEREDES AO LONGO DE 5 DÍAS DE CONSUMO. PASADOS ESES 5 DÍAS, MEDITADE CAL DELES SERÍA DOADO DE ELIMINAR DA VOSA COMPRA.

MANDÁDENOS NUN TEXTO QUÉ PLÁSTICO/S DUN SÓ USO REDUCÍCHEDES NO CONSUMO... A VOSA PROPOSTA SERÁ ANÓNIMA E XUNT@S FAREMOS UN GRAN FAVOR AO PLANETA.

• 3ª TAREFA INTEGRADA TIC

CERCA DO 10% DE TODO O PLÁSTICO QUE SE FABRICA NO MUNDO ACABA NO MAR. ESTES PLÁSTICOS TEÑEN UN ASPECTO APETECIBLE, O QUE FAI QUE CARPIÑO E AMIG@S POIDAN COMELO E SUFRIR DANOS IRREPARABLES.

👉TAREFA A REALIZAR: COÑECEMOS INFINIDADE DE COUSAS DE CARPIÑO E AMIG@S... QUEREDES DESCUBRIR CANTO SABEDES DELES? 

PULSADE NO DEBUXO DE QUIZIZZ, DESPOIS PULSADE EN "JUGAR CUESTIONARIO" E CONTESTADE ÁS PREGUNTAS DO XOGO... DISFRUTADE FAMILIA!!

PARTICIPACIÓN DAS FAMILIAS

QUERIDAS FAMILIAS:

QUEREMOS QUE O COIDADO POLO MEDIO AMBIENTE PERSISTA NAS NOSAS VIDAS ALÉN DESTE CURSO ESCOLAR.

UN ANO MÁIS, ANIMÁMOSVOS A PARTICIPAR NO VII CERTAME LITERARIO E NA IV EXPOSICIÓN FOTOGRÁFICA SOBRE O NOSO PROXECTO DOCUMENTAL INTEGRADO.

LEDE CON MOITA ATENCIÓN E PARTICIPADE!!!

10ª TAREFA INTEGRADA 19-20 (ARTE)

COA LECTURA DO LIBRO "¿QUÉ LE PASA AL PLANETA?" APRENDEMOS QUE O PLANETA TERRA SE QUEIXA DE MULTITUDE DE SÍNTOMAS: CONTAMINACIÓN, QUENCEMENTO GLOBAL, EXTINCIÓN DE ESPECIES, ESGOTAMENTO DOS RECURSOS NATURAIS... E A CANCIÓN "ECOLOXISTAS" DO LIBRO "A FRAGA DO MEU AVÓ" AMOSOUNOS A FORMA DE FACER BEN AS COUSAS.

QUEREDES VER A NOSA INTERPRETACIÓN ARTÍSTICA DESTA OBRA DE MAMACABRA? OLLADE:

9ª TAREFA INTEGRADA 19-20 (TIC)

OS SERES HUMANOS NECESITAMOS ENERXÍA PARA FACER COUSAS NA NOSA VIDA DIARIA OU ALMACENALA PARA FACELAS MÁIS ADIANTE, PERO OCASIONAMOS UN ENORME IMPACTO AMBIENTAL SE XERAMOS ENERXÍA A PARTIR DE FONTES CONVENCIONAIS, POR ESTE MOTIVO AS ENERXÍAS RENOVABLES SUPOÑEN UNHA ALTERNATIVA SOSTIBLE E ECOLÓXICA.

NESTA TAREFA DESCUBRIMOS ESTAS ENERXÍAS COA APP "HOW IT WORKS", MANIPULAMOS UNHA CALCULADORA E UNHA LUZ SOLAR. 

REMATAMOS CREANDO UN MUIÑO DE VENTO PARA PROTEXER DOS BECHOS OS NOSOS HORTOS... MIRADE:

8ª TAREFA INTEGRADA 19-20 (FILOSOFÍA)

A CANTIDADE DE LIXO QUE PRODUCIMOS ESTÁ POÑENDO EN PERIGO AO NOSO PLANETA TERRA. RECICLAR É UNHA BOA FORMA DE COIDAR O MEDIO AMBIENTE E A NATUREZA.

NESTA TAREFA AFONDAMOS UN POUQUIÑO NO: 

• COÑECEMENTO DE CALES SON OS DIFERENTES TIPOS DE RESIDUOS, QUE É ISO DA RECICLAXE E PARA QUE SERVE. 
• XOGO "IMOS RECICLAR! CADA RESTO AO SEU LUGAR!", ONDE SITUAMOS O NOSO LIXO NAS PAPELEIRAS APROPIADAS DA AULA.
• MONTAXE O NOSO RECANTO DA RECICLAXE, COA AXUDA DA AVIONETA PEPA QUE NOS LEMBRABA A COR DE CADA PAPELEIRA.
  

7ª TAREFA INTEGRADA 19-20 (LÓXICA)

CO LIBRO "ESTE ES MI PLANETA: AGUA" VALORAMOS A IMPORTANCIA DA AUGA QUE BEBEMOS, COA QUE REGAMOS OS NOSOS CULTIVOS, QUE APAGA OS LUMES, QUE NOS LIMPA, NA QUE FACEMOS DEPORTES... DEBÉMOLA COIDAR E NON MALGASTAR.

NESTA TAREFA O NOSO ALUMNADO EXPERIMENTOU NA CREACIÓN E ANÁLISE DUN PLUVIÓMETRO, UNHA REGADEIRA E UN ESTANQUE NO NOSO PATIO; MIRADE:

8M: 8 MULLERES

HOXE CELEBRAMOS O DÍA DA MULLER CON 8 MULLERES QUE FIXERON UNHA GRAN LABOR POLO COIDADO DO NOSO PLANETA: BERTA CÁCERES, WANGARI MAATHAI, SHEILA WATT-CLOUTIER, SEVERN SUZUKI, JANE GOODAL, ALETA BAUN E MARÍA TERESA MARTELO.

OS SEUS LABORES OS FOMOS DESCUBRINDO GRAZAS AOS ESCORNABOTS QUE NOS FORON GUIANDO ATA AS SÚAS FOTOS E UNHA FRASE SIGNIFICATIVA QUE REFLICTE OS SEUS TRABALLOS.

6ª TAREFA INTEGRADA 19-20 (LITERATURA)

GRAZAS AO LIBRO "PEQUEÑOS GRANDES GESTOS POR EL PLANETA" COÑECIMOS A PERSOAS RELEVANTES NA LOITA POLO MEDIO AMBIENTE, ENTRES ELAS 7 IMPORTANTÍSIMAS MULLERES.

QUEREMOS CONMEMORAR O DÍA DA MULLER RECORDANDO ALGUNHAS DESTAS MULLERES E A SÚA LABOR TAN IMPORTANTE POLO PLANETA E, EN CONSECUENCIA, PARA NÓS.

EN BREVE TEREMOS AS INVESTIGACIÓNS FEITAS POLA ESCOLA DE LEDOÑO E SÉSAMO, XA QUE A DURACIÓN DESTA TAREFA É TODO O SEGUNDO TRIMESTRE. 

FELIZ DÍA DA MULLER!!

TAREFAS INTEGRADAS II

NESTE SEGUNDO TRIMESTRE ANALIZAREMOS O TRATAMENTO DO LIXO, A IMPORTANCIA DOS ELEMENTOS NATURAIS NA CREACIÓN DE ENERXÍA, VALORAREMOS O PAPEL ESENCIAL DA AUGA, COÑECEREMOS PERSOAS QUE FIXERON COUSAS IMPORTANTES POLO PLANETA E TRATAREMOS ENTRE TODAS E TODOS DE SER @S MELLORES ECOLOXISTAS!!

CONTICRA DA PAZ

NO CRA DE CULLEREDO CELEBRAMOS O DÍA DA PAZ VALORANDO E DESTACANDO O TRABALLO TAN IMPORTANTE QUE FAN OS CAMIÓNS DO LIXO:

COMO ACONTECE NA HISTORIA A XENTE QUEREMOS QUE NON FAGA RUIDO, QUE DEIXE TODO LIMPO, QUE TRABALLE SÓ POLA NOITE... NA ESCOLA PUXÉMONOS MANS Á OBRA E FIXEMOS UNS CAMIÓNS DO LIXO PARA HOMENAXEALO!!

5ª TAREFA INTEGRADA 19-20 (LÓXICA)

NESTA TAREFA COÑECIMOS "EL MUSEO DE TRONQUITO" E QUIXEMOS FACER ALGO PARECIDO NO CRA.

FIXEMOS UNHA SAÍDA A NOSA CONTORNA, RECOLLIMOS MATERIAS NATURAIS, CLASIFICÁMOLOS E COLOCÁMOLOS NUNHA CAIXA MUSEO NA AULA. DURANTE UNS DÍAS ESTIVEMOS XOGANDO, CREANDO E FEDELLANDO CON ELES.

O PRODUTO FINAL DESTA TAREFA FOI A CREACIÓN DUNHA OBRA COLECTIVA "LAND ART". MIRADE:

4ª TAREFA INTEGRADA 19-20 (LITERATURA)

GRAZAS AO LIBRO "GRAN LIBRO ILUSTRADO: NUESTRO PLANETA" COÑECIMOS ALGÚNS LUGARES MARABILLOSOS QUE HAI NA TERRA.

PODER VIAXAR É UN LUXO, UNHA APRENDIZAXE E UN MOMENTO ESPECIAL, COMPARTIDO EN FAMILIA.

O NOSO ALUMNADO, COA COLABORACIÓN DAS FAMILIAS, AMOSOUNOS O LUGAR MÁIS LONXE ONDE VIAXARON E AS SÚAS PRINCIPAIS ANÉCDOTAS.

BUSCÁMOLOS EN GOOGLE EARTH E MONTAMOS EN GOOGLE MAPS UN MAPA SOBRE AS VIAXES EN FAMILIA DE TODAS AS AULAS. PULSADE NA IMAXE E COTILLEADE:

3ª TAREFA INTEGRADA 19-20 (TIC)

AS ÁRBORES DESEMPEÑAN UNHA FUNCIÓN ECOLÓXICA PRIMORDIAL. ALGÚNS ESTUDIOS FALAN DA EXISTENCIA DE 60.065 ESPECIES DIFERENTES DE ÁRBORES E NO "INVENTARIO DAS ÁRBORES" DESCUBRIMOS 57.

COA AXUDA DO ESCORNABOT E DA SÚA PLANTILLA ASOCIAMOS AS DIFERENTES FOLLAS ÁS ÁRBORES.

DESPOIS DE COÑECELAS, APRENDIMOS A VALORALAS E COIDALAS... 

2ª TAREFA INTEGRADA 19-20 (FILOSOFÍA)

GRAZAS AO LIBRO "RELAJACIONES" COÑECIMOS UNHA SERIE DE EXERCICIOS PARA CONCENTRARNOS E MELLORAR A NOSA SAÚDE.

A RESPIRACIÓN É FUNDAMENTAL PARA OS SERES VIVOS... PODEMOS ESTAR SEN BEBER AUGA UNS DÍAS E SEN COMER UNHAS SEMANAS, PERO SE DEIXAMOS DE RESPIRAR UNS MINUTOS O RESULTADO SERÁ FATAL.

O AIRE E A RESPIRACIÓN PERMÍTENOS FALAR, TANTO A NÓS COMO OS ANIMAIS; SABEREDES AVERIGUAR QUE ANIMAIS FAI O NOSO ALUMNADO?

1ª TAREFA INTEGRADA 19-20 (ARTE)

NESTA TAREFA DE ARTE GASTRONÓMICA TIVEMOS QUE REFLEXIONAR SOBRE A IMPORTANCIA DA NOSA ALIMENTACIÓN, UNHA ARTE QUE TRABALLA COS CINCO SENTIDOS.

CADA ESCOLA ELEXIU UNHA RECEITA DO LIBRO "COCIÑANDO CON BOLBORETAS NO BANDULLO" E O RESULTADO... SÓ O PODEDES VER, LÁSTIMA QUE AS NOVAS TECNOLOXÍAS NON PERMITAN SABOREAR E ULIR OS MANXARES FEITOS POLO NOSO ALUMNADO.

DECÁLOGO AMBIENTAL

COAS ACHEGAS QUE AS FAMILIAS NOS FIXERON CHEGAR AO COLE, ELABORAMOS UN "DECÁLOGO AMBIENTAL", E ASÍ AXUDAR AO NOSO PLANETA:

NAS AULAS, COA AXUDA DOS ESCORNABOTS, FOMOS ANALIZANDO E DESCuBRINDO CADA PUNTO DOS 10 DO QUE SE CONFORMA.

ESPERAMOS AS VOSAS FOTOS PARA SEGUIR TRABALLANDO EN TORNO AO DECÁLOGO QUE VÓS MESMOS FIXÉCHEDES POSIBLE.

TAREFAS INTEGRADAS I

DAMOS POR INAUGURADO O INICIO DAS TAREFAS INTEGRADAS DESTE CURSO. NESTE PRIMEIRO TRIMESTE, O NOSO ALUMNADO VALORARÁ A IMPORTANCIA DOS ALIMENTOS, DAS ARBORES E DA RESPIRACIÓN PARA A VIDA; TAMÉN NOS FIXAREMOS NAS VIAXES AO REDOR DO MUNDO PARA COÑECER O PLANETA NO QUE VIVIMOS E FAREMOS ARTE NATURAL CON COUSAS RECOLLIDAS NA CONTORNA.

OS FONDOS ELIXIDOS PARA ACADAR TAL FIN SON OS SEGUINTES: