viernes, 18 de diciembre de 2020

GUÍA DE LECTURA - NADAL 2020 "LER NO NADAL É FENOMENAL"

5ª TAREFA DE APRENDIZAXE INTEGRADA 20-21 (LITE)

CADA UN DOS CINCO DÍAS DA SEMANA QUE ESTAMOS NA ESCOLA APRENDEMOS COUSAS DIFERENTES E TODOS DESTACAN POR ALGO ESPECIAL.

CADA AULA ELIXIU UN DÍA DA SEMANA AO AZAR E COMPUXO UNHA PEQUENA RIMA CONTANDO O MOTIVO POLO CAL É ESPECIAL ESE DÍA. 

COA PROFE LORE ENCAIXÁMOLAS NUNHA MELODÍA E CREAMOS A CANCIÓN DOS DÍAS DA SEMANA DO CRA DE CULLEREDO:


4ª TAREFA DE APRENDIZAXE INTEGRADA 20-21 (LÓXICA)

CONTAMOS ATA CINCO GRAZAS AO LIBRO "¡CONTEMOS 5 RANAS! 

O NÚMERO 5 VÉMOLO ESCRITO EN NUMEROSOS SITIOS, DESDE QUE NOS LEVANTAMOS ATA QUE NOS DEITAMOS... PEDÍMOSLLE AXUDA ÁS FAMILIAS PARA QUE FIXERAN DE DETECTIVES CO NOSO ALUMNADO E NOS MANDARAN FOTOS DO CINCO. 

NAS AULAS CATEGORIZAMOS AS IMAXES NAS 5 FUNCIÓNS DO NÚMERO:

3ª TAREFA DE APRENDIZAXE INTEGRADA 20-21 (TIC)

NA ESCOLA DESCUBRIMOS UN MUNDO NOVO DA MAN DO PROFESORADO E O RESTO DE COMPAÑEIRAS E COMPAÑEIROS. 

O CRA DE CULLEREDO ESTÁ FORMADO POR 5 AULAS E ESTAMOS DISTANCIADOS AO LONGO DO CONCELLO. ESTE ANO NON PODEREMOS COMPARTIR MOMENTOS PRESENCIAIS XUNTOS, PERO FARÉMOLOS DE XEITO DIXITAL.

QUEREDES COÑECER TODAS AS AULAS, OS BAÑOS, OS PATIOS... E INCLUSO A NÓS?

2ª TAREFA DE APRENDIZAXE INTEGRADA 20-21 (ARTE)

EMPREGAMOS AS MANS PARA ESCRIBIR, DEBUXAR, PINTAR, CONTAR, COMER, SENTIR... GRAZAS ÁS MANS APRENDEMOS INFINIDADE DE COUSAS, POR ISO, DEBÉMOLAS COIDAR CUNHA ADECUADA HIXIENE.
ESCOITAMOS A CANCIÓN "AS MANS" DE PABLO DÍAZ E FIXÉMOSLLE UNHA HOMENAXE ARTÍSTICA AS NOSAS MANS, REIVINDICANDO O SEU IMPORTANTE VALOR:

1ª TAREFA DE APRENDIZAXE INTEGRADA 20-21 (FILOSOFÍA)

GRAZAS Á LECTURA DO LIBRO "TODOS JUNTOS" PODÉMONOS SENTIR ÚNICOS E ESPECIAIS, PERO COÑECEDORES DE QUE XUNTOS FORMAMOS UN EQUIPO XENIAL E PODEMOS SUPERAR TODAS AS DIFICULTADES. 

CADA AULA MEDITOU 5 NORMAS PARA FACER UNHA ESCOLA E UN MUNDO MELLOR, NORMAS ESCRITAS EN POSITIVO. ENTRE TODAS FIXEMOS O REGRAMENTO DO CRA, CON 25 (5X5) NORMAS SINXELAS:

SABELA CHEGA A ESTAMBUL (TURQUÍA)

DESPOIS DE VARIOS DÍAS DE SINGRADURA POLO MEDITERRÁNEO, SABELA MANDOUNOS UN AUDIO E UN PEQUENO PAQUETE DESDE TURQUÍA:


BUSCAMOS A CIDADE DE ESTAMBUL, NAVEGAMOS POLO LO ESTREITO DO BÓSFORO, VISITAMOS O GRAN BAZAR E COÑECIMOS OS AMULETOS NAZAR BUNCUBU... PUXÉMONOS MANS Á OBRA. ABRIMOS A CAIXA E DESCUBRIMOS TODAS AS COUSAS QUE NOS MANDOU SABELA PARA FACER OS NOSOS TALISMÁNS: PEDRAS, ROTULADORES E CÓDIGO DE CORES. 


SABELA AGARDA A NOSA PEQUENA INVESTIGACIÓN... ELA PASARÁ AS VACACIÓNS DE NADAL DE VOLUNTARIA EN TURQUÍA, AXUDANDO ÁS REFUXIADAS E REFUXIADOS QUE FOXEN DAS GUERRAS DOS SEUS PAISES. 

ATA O 2021 SABELA, BOAS FESTAS!!

jueves, 17 de diciembre de 2020

INICIAMOS O PRÉSTAMO EN FAMILIA

 HOXE INICIAMOS O PRÉSTAMO EN FAMILIA!!!

AS FAMILIAS PARTICIPANTES RECIBIREDES AO LONGO DESTE CURSO 3 BOLSAS CON 5 FONDOS DAS VOSAS TEMÁTICAS ESCOLLIDAS: ARTE, VALORES, XOGOS, EMOCIÓNS, UNIVERSO, NATURA, ANIMAIS, CORPO, LÓXICA E ENGLISH.


BOAS LECTURAS, FAMILIAS!!!

miércoles, 16 de diciembre de 2020

OBRADOIRO DE XOGOS DE TABOLEIRO

ESTA SEMANA LEVOUSE A CABO O SEGUNDO OBRADOIRO TELEMÁTICO DA ESCOLA DE NAIS E PAIS. OS XOGOS DE TABOLEIRO FORON OS PROTAGONISTAS. MOITAS GRAZAS A TODAS AS FAMILIAS PARTICIPANTES!!

miércoles, 9 de diciembre de 2020

SABELA NO TEATRO DI MARCELLO

CANTAS SORPRESAS TIVEMOS ESTA SEMANA!! RECIBIMOS UNHA NOVA POSTAL DE SABELA NA SÚA VIAXE NA PROCURA DO TESOURO... NESTA OCASIÓN DESDE A FONTE MÁIS FERMOSA DO MUNDO, A FONTANA DI TREVI:


CONFIRMOUNOS QUE AS NOSAS INVESTIGACIÓNS EN FAMILIA ESTABAN NO CERTO; O TEATRO ONDE TRABALLA NICOLETTA E IRMÁN MAIOR DO COLOSSEO É O TEATRO DI MARCELLO. MANDOUNOS ESTE VIDEO CARGADIÑO DE INFORMACIÓN MOI INTERESANTE PARA NÓS:


BUSCAMOS NO NOSO MAPA ONDE ESTÁ TURQUÍA E PUXEMOS A CONTA ATRÁS PARA CHEGAR AO PORTO DE ESTAMBUL:


DA VOZ DE SABELA, ESCOITAMOS PINOCCHIO, O CONTO TRADICIONAL ITALIANO MÁIS IMPORTANTE:


E PARA REMATAR ESTA SEGUNDA VIAXE DA NOSA BUSCA DO TESOURO, CUBRIMOS A FICHA RESUMO DE ITALIA:

lunes, 30 de noviembre de 2020

SABELA CHEGA A FIUMICINO (ITALIA)

TIVEMOS VARIAS NOVIDADES ESTA SEMANA... CHEGOUNOS UNHA POSTAL DE SABELA DESDE AS MONTAÑAS DO ATLAS, EN MARROCOS:


E UN AUDIO DA SÚA CHEGADA A FIUMICINO, ITALIA:


DESPOIS DE ESCOITAR ESTE AUDIO PUXÉMONOS MANS Á OBRA. DENTRO DO PAQUETE, PROCEDENTE DE ITALIA, TIÑAMOS TODO O NECESARIO PARA FACER A RECEITA DO CHEF VALENTINO: "GIRELLE DI PANE CON CREMA DI NOCCIOLE E CIOCCOLATO". 


QUÉDANOS A PARTE DE INVESTIGACIÓN EN FAMILIA... NICOLETTA, UNHA COÑECIDA DO CHEF VALENTINO E HISTORIADORA DE MOITA SONA, TRABALLA NO TEATRO ROMANO INSPIRADOR DO COLOSSEO DE ROMA, CAL É ESE TEATRO? SABELA NECESITA FALAR CON ELA PARA TER MÁIS PISTAS DO TESOURO!!
GRAZAS FAMILIAS!!!

lunes, 23 de noviembre de 2020

SABELA NO SAHARA

TEMOS MOITAS NOVAS DE SABELA!! QUAD, DROMEDARIO, ABDUL, TÉ CON MENTA, ENCANTADORES DE SERPES, TESOURO... O VIDEO QUE NOS MANDA NON TEN DESPERCIO:


PROBAMOS A POÑERNOS A HIYAD... BUSCAMOS INFORMACIÓN SOBRE TODAS AS PALABRAS QUE NON COÑECIAMOS E O MÁIS IMPORTANTE, BUSCAMOS ONDE ESTABA ITALIA, POÑENDO 7 DÍAS DE CONTA ATRÁS PARA CHEGAR AO PORTO DE FIUMICINO.


SABELA CONTOUNOS UN CONTO INFANTIL DE MARROCOS MOI PARECIDO A UN TRADICIONAL NOSO... SABEDES CAL É?


PARA REMATAR ESTA PRIMEIRA VIAXE DA NOSA BUSCA DO TESOURO, CUBRIMOS UNHA FICHA RESUMO DE MARROCOS. 


AGORA AGÁRDANOS ITALIA!!!

OBRADOIRO TIC EN FAMILIA

HOXE INICIAMOS A ESCOLA DE NAIS E PAIS CO OBRADOIRO TIC DE RAQUEL. APRENDEREDES E DISFRUTAREDES MOITO DESTA EXPERIENCIA TELEMÁTICA. 

jueves, 19 de noviembre de 2020

INICIO PRÉSTAMO DE ADULTOS

HOXE COMEZA O PRÉSTAMO DE ADULTOS DO CRA DE CULLEREDO. DESDE HOXE ATA O MES DE MAIO AS NOSAS FAMILIAS RECIBIRÁN OS FONDOS SOLICITADOS NAS SÚAS PETICIÓNS. NESTE CURSO CONTAMOS CUN TOTAL DE 21 FAMILIAS LECTORAS. TEREDES OS FONDOS 18 DÍAS NAS VOSAS CASAS E DESPOIS PASARÁN A CORENTENA ATA VIAXAR Á CASA DOUTRA FAMILIA.

MOITAS GRAZAS A TODAS POR PARTICIPAR!!

lunes, 16 de noviembre de 2020

MENSAXE E PAQUETE DESDE MARROCOS

A NOSA CONTA ATRÁS CHEGOU AO CERO E SABELA CHEGOU AO PORTO DE ESSAOUIRA!!! RECIBIMOS NAS NOSAS AULAS UNHA MENSAXE E UN PAQUETE DELA DESDE MARROCOS. O AUDIO TEN MOITÍSIMA INFORMACIÓN, DÚBIDAS E UNHA MISIÓN DO MÁIS ARTÍSTICA PARA NÓS.


VIMOS IMAXES NA AULA DO QUE ERA O COUS COUS, UNHA KASBAH E O ZOCO DE MARRAKECH. INVESTIGAMOS CAL ERA A KASBAH MÁIS IMPORTANTE DE MARROCOS... E TIVEMOS A MESMA RESPOSTA EN TODAS AS AULAS:


ABRIMOS A CAIXA A DESCUBRIMOS A HIYAB, ULIMOS DIFERENTES ESPECIAS DO ZOCO E OS AZULEXOS BRANCOS PARA DECORAR, COMO TROCO POLA INFORMACIÓN DE ABDUL.


PUXÉMONOS MANS Á OBRA E, CON MOITO COIDADO, DECORAMOS OS AZULEXOS.  QUEDARON XENIAIS!!


AGARDAMOS NOVAS TÚAS, SABELA!! ATA PRONTO.

lunes, 9 de noviembre de 2020

SABELA RUMBO Á AVENTURA

RECIBIMOS NOVAS DE SABELA!! 

DESPOIS DA NOSA ACEPTACIÓN PARA FORMAR EQUIPO NESTA AVENTURA, ENVIOUNOS ÁS AULAS UN MAPA DO MUNDO XIGANTE, UN CALENDARIO DA CONTA ATRÁS ATA CHEGAR A PORTO E UN MAPA PARA CADA UN DE NÓS.


PARA A NOSA SORPRESA, SABELA XA ESTABA NO SEU BARCO NO PORTO PARA COMEZAR A SÚA PARTIDA A UN PAÍS LONXANO. TEDES CURIOSIDADE POR SABER CAL É?


PUXÉMONOS MANS Á OBRA... BUSCAMOS EN GOOGLE MAPS ONDE ESTABA ESPAÑA, GALICIA E A CORUÑA. SITUAMOS A CORUÑA, BUSCAMOS ONDE ESTABA MARROCOS E DEBUXAMOS O CAMIÑO QUE SEGUIRÁ SABELA POLO OCÉANO ATA CHEGAR ATA O NOSO TESOURO!! TARDARÁ UNHA SEMANA, SI... 7 DÍAS!!

domingo, 1 de noviembre de 2020

AVENTUREIRA SABELA

QUE SORPRESA!! ESTA SEMANA CANDO CHEGAMOS ÁS AULAS RECIBIMOS UNHA VISITA INESPERADA: CARPIÑO!! 

CHEGOU DUNHA EMPRESA QUE TRANSPORTA ANIMAIS QUE VIVEN NO MAR. PEDIUNOS MOITA COLABORACIÓN E AXUDA PARA MANTER LIMPA A ZONA ONDEN VIVEN E PRESENTOUNOS ALGUÉN MOI ESPECIAL A TRAVÉS DUN CÓDIGO QR. MIRADE CON MOITA ATENCIÓN:  

A AVENTUREIRA SABELA É UNHA GRAN NAVEGADORA E PRECISA DA NOSA AXUDA EN TERRA FIRME. PUXÉMONOS MANS Á OBRA E GRABAMOS O NOSO VIDEO DE CONFIRMACIÓN PARA MANDARLLE AO SEU ENDEREZO ELECTRÓNICO...

AGARDAMOS UNHA RESPOSTA DE SABELA PARA COMEZAR ESTA AVENTURA, NA BUSCA DESE PREZADO TESOURO... QUE SERÁ?

AO FINAL DO DÍA TIVÉMONOS QUE DESPEDIR DE CARPIÑO, PERO ANTES DÉMOSLLE DE COMER, CANTAMOS A SÚA CANCIÓN E FIXÉMOSLLE UNS BONITOS DEBUXOS DE RECORDO. ATA PRONTO, CARPIÑO!!

viernes, 30 de octubre de 2020

CONTICRÁ DE SAMAÍN

HOXE CELEBRAMOS A FESTA DO SAMAÍN CON DISFRACES CREATIVOS E TERRORÍFICOS, PERO TAMÉN RECIBIMOS UNHA MENSAXE CUN VIDEO NOS CORREOS ELECTRÓNICOS DAS ESCOLAS. QUEREDES VELO? TEDES CURIOSIDADE?

 

TODAS E TODOS MIRAMOS CORRENDO O QUE SE AGOCHABA EN CADA AULA NESE LUGAR SECRETO...



E ABRIUSE UN PEQUENO DEBATE: 
QUEN SERÍA? COMO FIXO PARA IR TAN RÁPIDO ENTRE ESCOLAS? ERA ALGUÉN BO OU MALO? BRUXAS, LOBOS, MORCEGOS, ESQUELETES... 
CHEGAMOS A PEQUENAS CONCLUSIÓNS: NA FESTA DO SAMAÍN ALGUÉN QUIXO QUE DISFRUTARAMOS MOITO CON 2 LECTURAS DE MEDO E UNHAS MÁSCARAS CON BONITOS DEBUXOS DE SAMAÍN.
FELIZ SAMAÍN, FAMILIAS!!

martes, 27 de octubre de 2020

AS FAMILIAS NA BIBLIOTECA DO CRA DE CULLEREDO

XA CHEGOU O MOMENTO!!!!!

DESPOIS DA DARLLE MOITAS VOLTAS, TEMOS RECÉN SAÍDAS DO FORNO: O PRÉSTAMO DE ADULTOS, O PRÉSTAMO EN FAMILIA E A ESCOLA DE NAIS E PAIS. 

SON 3 PROPOSTAS DA BIBLIOTECA DESEÑADAS ESPECIALMENTE PARA VÓS. ESTE ANO, POLA SITUACIÓN COÑECIDA SUBSTITUÍMOS OS TRÍPTICOS E INFORMACIÓN EN PAPEL POR UN SISTEMA DIXITAL INTERACTIVO. AGARDAMOS QUE VOS SEXA COMPRENSIBLE E ÚTIL.

BOTÁDELLE UNHA OLLADA E MEDITADE BEN AS VOSAS SELECCIÓNS, PORQUE TEDES ATA O 6 DE NOVEMBRO PARA ENVIARNOS OS VOSOS FORMULARIOS DE SOLICITUDE.

AGARDAMOS CON ENTUSIAMO A VOSA PARTICIPACIÓN!!

lunes, 26 de octubre de 2020

DÍA DAS BIBLIOTECAS

O 24 DE OUTUBRO CELEBROUSE O DÍA DAS BIBLIOTECAS E ESTE CURSO O CARTEL ESTÁ ILUSTRADO POR BEA LEMA: "XEOGRAFÍAS LECTORAS NA BIBLIOTECA ESCOLAR".

PARA CELEBRALO OS ESCORNABOTS PERCORRERON O NOSO CONCELLO E PROPUXÉRONNOS RETOS MOI DIVERTIDOS PARA CHEGAR A SITIOS SIGNIFICATIVOS DE CULLEREDO.

domingo, 18 de octubre de 2020

INICIO DO PRÉSTAMO

DESPOIS DE VARIAS SEMANAS FACENDO FORMACIÓN DE USUARIOS, COÑECENDO AS PEPAS DA NOSA BIBLIOTECA, AS NORMAS DO PRÉSTAMO, APRENDENDO A COLOCAR OS FONDOS, AS FUNCIÓNS DAS GARDIÁS E DOS GARDIÁNS DA BIBLIOTECA, COÑECEMOS A IMPORTANCIA DA CAIXA DA CORENTENA... 

INÍCIASE O PRÉSTAMO DA FIN DE SEMANA COAS MOCHILAS VIAXEIRAS!!

MOCHILAS VIAXEIRAS PREPARADAS!!

AS MOCHILAS VIAXEIRAS BOTAN A ANDAR UN ANO MÁIS NO CRA DE CULLEREDO. ESTAS MOCHILAS OFRECÉMOLAS ÁS FAMILIAS E ESTARÁN NAS VOSAS CASAS 14 DÍAS... RECORDADE CUMPRIR OS PRAZOS PARA PASAR A CORENTENA!!


A MOCHILA VIAXEIRA 1 LÉVAA OLIVIA, A MOCHILA 2 IRIA, A MOCHILA VIAXEIRA 3 CLAUDIA, A 4 VEGA E A MOCHILA VIAXEIRA 5 BRUNO... 
BOAS LECTURAS, FAMILIAS!!!

lunes, 5 de octubre de 2020

TAREFAS DE APRENDIZAXE INTEGRADAS I

DAMOS POR INAUGURADO O INICIO DAS TAREFAS DE APRENDIZAXE INTEGRADAS DESTE CURSO. NESTE PRIMEIRO TRIMESTRE COMPOÑEREMOS A CANCIÓN PARA OS 5 DÍAS DA SEMANA QUE APRENDEMOS NAS AULAS DO CRA, FAREMOS DE DETECTIVES DO NÚMERO 5 EN FAMILIA, CREAREMOS 5 OBRAS ARTÍSTICAS COAS NOSAS MANS, ESTABLECEREMOS O REGULAMENTO DAS 25 NORMAS (5X5) PARA SER UN EQUIPO XENIAL, E GRAVAREMOS EN VÍDEO COMO SON AS NOSASAULAS, PATIOS E ACTIVIDADES... PARA QUE AS POIDAMOS COÑECER NESTE MOMENTO DE CONFINAMENTO.
OS FONDOS ELIXIDOS PARA ACADAR TAL FIN SON OS SEGUINTES:

NOVO CURSO, NOVO PDI

COMEZAMOS UN NOVO CURSO 2020-2021 CHEO DE INCERTEZA, PROTOCOLOS, HIXIENE E COIDADO POLA NOSA SEGURIDADE... PERO TAMÉN CHEO DE ILUSIÓN, EMOCIÓNS E APRENDIZAXE.

O PROXECTO DOCUMENTAL INTEGRADO (PDI) DESTE CURSO CÉNTRASE NA IMPORTANCIA DO INDIVIDUO, DA PERSOA, DO SER HUMANO QUE CONVIVE E SOCIALIZA NUN EQUIPO, NUNHA COMUNIDADE, NUNHA ESCOLA... COMO OS DEDOS FORMAN PARTE DA NOSA MAN E XUNTOS CONSEGUEN COUSAS MARABILLOSAS. 

ESTE ANO POLA SITUACIÓN QUE TODAS E TODOS COÑECEDES NON PODEREMOS COMPARTIR EXPERIENCIAS FÓRA DAS AULAS, NIN DENTRO CON AXENTES EXPERTOS EXTERNOS... PERO COMPARTIREMOS ENTRE NÓS GRANDES APRENDIZAXES, CONTIDOS QUE SE ENMARCAR AO REDOR DO NÚMERO 5, COMO AS AULAS QUE CONFORMAN O NOSO CENTRO: O CRA DE CULLEREDO. 

NON O OLVIDEMOS, PORQUE...

domingo, 6 de septiembre de 2020

PROTOCOLO DE ACTUACIÓN ANTE A COVID19

DESPOIS DE DARLLE VARIAS VOLTAS... XA TEMOS PREPARADO O PROTOCOLO DA BIBLIOTECA DO CRA DE CULLEREDO PARA ESTA NOVA SITUACIÓN. 

(PICADE NA IMAXE E LEDE CON ATENCIÓN)

martes, 16 de junio de 2020

GUÍA DE LECTURA VERÁN 2020: "LER AO SOL, SENTA MELLOR"

AQUÍ TEDES A NOSA GUÍA DE LECTURA PARA ESTE VERÁN:
O EQUIPO DA BIBLIOTECA ESCOLAR DO CRA DE CULLEREDO DESÉXAVOS UN BO VERÁN A TODAS E TODOS!

IV ECOEXPOSICIÓN FOTOGRÁFICA

FAI UNHAS SEMANAS SOLICITAMOS A VOSA COLABORACIÓN PARA FACER UNHA ECOEXPOSICIÓN FOTOGRÁFICA. AS FOTOGRAFÍAS REPRESENTARÍAN DE FORMA ECOLÓXICA E ARTÍSTICA O LEMA "PENSA EN VERDE", CON ELEMENTOS NATURAIS E/OU DE REFUGALLO. AQUÍ PODEDES VER O RESULTADO:
MOITAS GRAZAS POR PARTICIPAR, FAMILIAS!!

jueves, 11 de junio de 2020

DESPEDIDA DE CARPIÑO...

NO FONDO DO MAR ESTÁN MOI CONTENTAS E CONTENTOS PORQUE NAS VOSAS VOTACIÓNS DO FORMULARIO "QUEN CHE GUSTA MÁIS? TODAS E TODOS TIVERON ALGÚN VOTO, AÍNDA QUE QUICO, PURA E CARPIÑO DESTACAN SOBRE O RESTO. MIRADE A GRÁFICA COS RESULTADOS:


COA ECOMISIÓN 12 ELABORADA XA TEMOS COMPLETA A CREDENCIAL QUE CERTIFICA O VOSO COMPROMISO ECOLOXISTA. NESTE CASO A COR DO DERRADEIRO CRUÑO ERA...
A COR LARANXA!!!!!

MOITOS PARABÉNS!! ESTAMOS SEGUROS QUE FAREDES BO USO DOS PLÁSTICOS DUN SÓ USO, DAS PILAS, DAS LATAS E DUNHA NOVA ECOAMEAZA QUE XURDIU FAI UNS MESES: AS MASCARILLAS E AS LUVAS PARA PROTEXERVOS. É MOI IMPORTANTE DEPOSITALAS NOS COLECTORES ADECUADOS.

EN BREVE, DA MAN DAS TITORAS RECIBIREDES UN DIPLOMA XUNTO CUN PEQUENO AGASALLO... UN AGASALLO QUE ESTÁ NUN ARQUIVO PARA IMPRIMIR NA IMPRESORA 3D DO CRA. QUE SERÁ? MIRADE CON ATENCIÓN:

NUNS DÍAS ESTAREMOS DE VACACIÓNS DE VERÁN E CHEGA O MOMENTO DE DESPEDIR ESTE ENTRAÑABLE CONTACTO COAS AMIGAS E AMIGOS DE CARPIÑO. DEIXÁMOSVOS UN PEQUENO LIBRO CON IDEAS PARA CREAL@S CON PLASTILINA, SE É CASEIRA MOITO MELLOR!
(PICADE NA IMAXE E DESCARGADE O LIBRO)

FOI UN PLACER COÑECERVOS
CARPIÑO, MANOLA, LARA, PAZ, PURA, XEILA, TOMÁS, QUICO, RODOLFO, SUSA, TAREIXA E ALEXO.

jueves, 4 de junio de 2020

12ª MISIÓN DE CARPIÑO

O 5 DE XUÑO DE 2020 CELEBRAMOS O DÍA MUNDIAL DO MEDIO AMBIENTE. UNHA DATA MOI IMPORTANTE NO NOSO CALENDARIO, PORQUE RECLAMAMOS A NECESIDADE DE QUE AS PERSOAS SE CONVERTAN EN AXENTES ACTIVOS DO DESENVOLVEMENTO SOSTIBLE E DUN CAMBIO DE ACTITUDE EN TEMAS AMBIENTAIS.
CARPIÑO QUE É COÑECEDOR DE TODO ISTO ACHEGÁNOS A DERRADEIRA ECOMISIÓN DA CREDENCIAL NESTE DÍA SINALADO.

ECOLOXISTAS LIMPARON O VERQUIDO. AS AMIGAS, AMIGOS E CARPIÑO PUIDERON VOLVER A SÚA CASA, QUE COA CHEGADA DO BO TEMPO ESTÁ PRETO DA PRAIA DE RIAZOR. ESTADES PREPARADAS E PREPARADOS PARA COÑECER QUEN SERÁ O DERRADEIRO ECOPODER?
QUE SORPRESA! IMAXINO QUE ESTAREDES ESTRAÑADAS E ESTRAÑADOS DE QUE SEXA CARPIÑO!! PERO TODO ISTO TEN UN SENTIDO: O SEU AVÓ DON CARPÓN, UNHA DAS CARPAS MÁIS SABIAS E REIVINDICATIVAS COS DEREITOS DOS ANIMAIS MARIÑOS, CONTOULLE UNHA HISTORIA MOI TRISTE QUE ACONTECEU FAI MOITOS ANOS NAS NOSAS AUGAS GALEGAS.
É COÑECIDO QUE, POLA COSTA DA CORUÑA, NAVEGAN BARCOS PETROLEIROS QUE LEVAN LITROS E LITROS DE PETRÓLEO ÁS FÁBRICAS PARA CONVERTELO EN GASOLINA, PLÁSTICO, XOGUETES OU INCLUSO EN ASFALTO PARA FACER CALZADAS.

ANOS ATRÁS, UN PETROLEIRO CHAMADO "MAR EXEO" ENCALLOU CONTRA AS ROCHAS DA TORRE DE HÉRCULES, A CARÓN DA CASA DE CARPIÑO, VERTEU TODO O COMBUSTIBLE E ARDEU NO MAR. O BARCO AFUNDIU ALÍ MESMO. 
ANOS DESPOIS, PASOU UN DESASTRE MOITÍSIMO PEOR. O BUQUE PETROLEIRO "PRESTIGE" TIVO UNHA BRECHA NO CASCO PROVOCADA POR UN TEMPORAL, PARTIUSE EN DOUS, AFUNDIU E O PETRÓLEO VERTEUSE NO MAR. FOI UN GRANDE DESASTRE PARA TODOS OS SERES VIVOS QUE VIVEN NEL. O SEU VERQUIDO, COÑECIDO COMO MAREA NEGRA, MANCHOU CENTOS DE KILÓMETROS DE COSTA.
MILLEIROS DE PERSOAS, CHEGADAS DE TODAS AS PARTES DO MUNDO, AXUDARON A LIMPALA. GRAZAS A ESTA XENTE VOLUNTARIA E COMPROMETIDA CO MEDIO AMBIENTE, PODEMOS DISFRUTAR DOS NOSOS MARES E PRAIAS A DÍA DE HOXE.

CARPIÑO RECORDA CON MOITA EMOCIÓN ESE MOMENTO NO QUE O SEU AVÓ LLE CONTABA ESTA HISTORIA. DENDE AQUELA, INTENTÁRONSE FACER AS COUSAS UN POUCO MELLOR, PERO PRECISAMOS O VOSO COMPROMISO PARA QUE RECORDEDES SEMPRE A CARPIÑO, AMIGAS E AMIGOS, E ISTO NUNCA MÁIS SE VOLVA A REPETIR: 
ESE COMPROMISO POR COIDAR O MAR, FAVORECERÁ QUE TAMÉN COIDEN DE NÓS.

CAMBIAMOS A UN TEMA MÁIS FELIZ? AGORA QUE XA COÑECEDES A MANOLA, A PURA, A RODOLFO, A CARPIÑO, A TOMÁS... CAL VOS GUSTA MÁIS? VOTÁDEOS NA ENQUISA PULSANDO NA IMAXE E ELIXIDE ATA UN MÁXIMO DE 5!! ESTÁN DESEXANDO SABELO E CON ISO, RECIBIREDES O DERRADEIRO CRUÑO DA CREDENCIAL QUE CERTIFICARÁ O VOSO COMPROMISO ECOLOXISTA!!!
ATA PRONTO, NENAS E NENOS!!

martes, 2 de junio de 2020

SOMBRAS DE MANS PARA A MISIÓN 11

MANOLA, A CARACOLA, ENTEROUSE DE QUE O GRUPO DE ECOLOXISTAS ESTÁ A REVISAR QUE O MAR ESTEA TOTALMENTE LIMPO DO VERQUIDO DA FÁBRICA. ENTRE TANTO, ESTÁN A ESCURAS PORQUE NESTE MOMENTO TAREIXA, A PEIXE LANTERNA, ESTÁ BOTANDO UNHA SESTA. DAR LUZ É MOI CANSO.
ATENDEDE Á FOTO... SODES QUEN DE RECOÑECELOS?
ESTÁN SÚPER IMPACIENTES, XA QUE RECIBIRON UNHA MOREA DE ANIMAIS CON SOMBRAS DAS VOSAS MANS. NON PERDADES OLLO AO SEGUINTE VÍDEO:
RODOLFO, XA AS ESTÁ PRACTICANDO PARA FACER COS SEUS TENTÁCULOS. MOITAS GRAZAS A TODAS E TODOS POR COLABORAR!!!

MISIÓN 11 SUPERADA E NOVO CRUÑO PARA A VOSA CREDENCIAL. ESTA VEZ É DE COR...
DOURADA!!!!!
AO LONGO DESTA SEMANA, RECIBIRIDES A MISIÓN 12, DERRADEIRA MISIÓN DA VOSA CREDENCIAL... ESTADE MOI ATENTAS E ATENTOS!!!

lunes, 25 de mayo de 2020

11ª MISIÓN DE CARPIÑO

MANOLA A CARACOLA FOI Á BEIRA DO MAR A TOMAR UN POUCO O SOL, AGORA QUE EMPEZA A VIR O BO TEMPO. ESCOITOU FALAR A OUTRAS CARACOLAS, QUE UNHA FÁBRICA DE METAIS ESTABA BOTANDO UN VERQUIDO VERDE VISCOSO NO MAR, POÑENDO EN PERIGO A TODOS OS SERES VIVOS QUE VIVEN DENTRO OU PRETO DEL.
MANOLA, PREOCUPADÍSIMA, COLLEU A PRIMEIRA CORRENTE MARIÑA QUE VEU, E AVISOU A TODAS E TODOS PARA BUSCAR UN LUGAR ONDE POÑERSE A SALVO. RAPIDAMENTE, COMEZARON A PENSAR QUE PODÍAN FACER. QUICO O GOLFIÑO, QUE É UN MAMÍFERO MOI INTELIXENTE E TEN REMEDIO PARA TODO, ESTABA TAN ENFADADO CO QUE ESTABA OCORRENDO QUE NON ERA QUEN DE ATOPAR UNHA SOLUCIÓN.
DE SÚPETO, RECORDARON QUE A UNHAS DEZ MILLAS DA TORRE DE HÉRCULES, HABÍA UN ANTIGO BARCO PIRATA "BUSCATESOUROS" AFUNDIDO. PODERÍALLES SERVER DE REFUXIO MENTRES AS DONAS E DONOS DA FÁBRICA, COA AXUDA DE ECOLOXISTAS, LIMPABAN TODO O VERQUIDO DO MAR.

PURA A TARTARUGA, QUE SABEDES QUE É MOI COMELLONA, APRESUROUSE EN RECOLECTAR VÍVERES PARA 3 OU 4 DÍAS... E TIVÉRONLLE QUE RECORDAR QUE NON PODERÍA NIN TOCAR A SUSA A MEDUSA.
DESPOIS DE MOITO NADAR... CHEGARON ATA O BARCO:

CANDO ENTRARON Á VELLA FRAGATA PIRATA, ESTABA TODO TAN ESCURO QUE TAREIXA TIVO QUE PRENDER A SÚA LUZ PARA QUE PUIDESEN VER. TAREIXA É UNHA PEIXE LANTERNA... INCRIBLE, VERDADE?
AOS DEZ MINUTOS DE ESTAR ALÍ, ESTABAN MOI ABURRIDAS E ABURRIDOS. O POLBO RODOLFO, QUE É MOI CINÉFILO, OCORRÉUSELLE O SEGUINTE XOGO ARTÍSTICO. ATENTAS E ATENTOS:


QUE FASCINANTE! PERO... RODOLFO QUEDOU SEN NOVAS IDEAS PARA PASAR ESTES DÍAS PECHADOS. XEILA PENSOU QUE ERA UNHA GRAN IDEA PEDIRVOS AXUDA A VÓS E QUE MANDEDES SOMBRAS DE MANS, PARA SEGUIR XOGANDO CON RODOLFO A ADIVIÑAR MOITOS MÁIS ANIMAIS.

ESTA SERÁ A VOSA 11ª ECOMISIÓN: INVESTIGADE, COA AXUDA DAS VOSAS FAMILIAS, COMO FACER DIFERENTES SOMBRAS DE ANIMAIS COAS MANS.
COA AXUDA DUN FOCO, OU DA LUZ DO SOL, E DA FAMILIA FACEDE FOTOS SÓ DA FIGURA DO ANIMAL CREADO, E MANDÁDEAS A pepateca5@gmail.com

COA ECOMISIÓN COMPLETADA, CONSEGUIREMOS UN NOVO CRUÑO PARA A NOSA CREDENCIAL. XA QUEDAN POUCOS... DE QUE COR SERÁ ESTA VEZ?

ATA PRONTO, NENAS E NENOS!!

domingo, 24 de mayo de 2020

PRODUTOS DAS TAREFAS INTEGRADAS III

DESPOIS DUNS DÍAS DE INVESTIGACIÓN, INXENIO, CREATIVIDADE E MOITA ACTITUDE CRÍTICA... PODEMOS ENSINARVOS GRANDES RESULTADOS!

  • TAREFA INTEGRADA TIC
ORGULLO É O QUE SENTE CARPIÑO DESPOIS DE VER OS VOSOS RESULTADOS NO XOGO DO QUIZIZZ. SE RECORDADES TAN BEN ÁS AMIGAS E AMIGOS DE CARPIÑO, NON ESQUECEREDES NUNCA AS SÚAS ECOAMEAZAS E, POLO TANTO, SEREDES @S MELLORES ECOLOXISTAS QUE PRECISA O NOSO PLANETA NESTES MOMENTOS.

  • TAREFA INTEGRADA FILOSOFÍA
O PLÁSTICO DUN SÓ USO QUIZÁS AUMENTOU NAS NOSAS CASAS NESTAS DATAS DE CONFINAMENTO... PERO HAI MOITÍSIMOS COMPROMISOS PARA QUE ESTA SITUACIÓN MELLORE ENTRE TODAS E TODOS, OLLADE:

  • TAREFA INTEGRADA LÓXICA-ARTE
CREMOS QUE O ESPAZO FEDELLO, VINCULADO ÁS BIBLIOTECAS DE AULA DO CRA DE CULLEREDO, TAMÉN ESTARÁ PRESENTE NAS VOSAS CASAS DESPOIS DA PROPOSTA DESTA TAREFA INTEGRADA. SAÍRON MOITÍSIMAS BOAS IDEAS... QUE SATISFACCIÓN PODER CONTAR NO CRA CON ESTA COMUNIDADE EDUCATIVA TAN CREATIVA!! MIRADE O VIDEO:

miércoles, 20 de mayo de 2020

SOLUCIÓN DA MISIÓN 10...

DESPOIS DE DARLLE MOITAS VOLTAS Á CABEZA E INVESTIGAR EN FAMILIA... TEDES UN ALIMENTO FAVORITO PARA CONSEGUIR LUZ COMO ALTERNATIVA AO USO DAS PILAS:

O OVO TIVO 1 VOTO, MAZÁ E PEMENTO 2 E A PATACA 34 VOTOS!!! ESTAREDES NO CERTO? A VER QUE NOS DI O DOUTOR:


COMO A MISIÓN 10 ESTÁ SUPERADA... CARPIÑO MÁNDANOS UN NOVO CRUÑO. BUSCADE O NÚMERO 10 NA CREDENCIAL E O SABEREDES. 


ATA PRONTO, NENAS E NENOS!!

domingo, 17 de mayo de 2020

TAREFAS INTEGRADAS III

NESTE TERCEIRO TRIMESTRE AS TAREFAS INTEGRADAS SON COUSA DAS FAMILIAS. ESTAS PROPOSTAS XIRARÍAN DURANTE TODO O TRIMESTRE POLAS ESCOLAS; TODO O ALUMNADO CREARÍA UN PRODUTO FINAL DE CADA UNHA DELAS E UNIFICARÍA A VISIÓN DO NOSO PDI.
NESTE TRIMESTRE FINAL ANALIZAREMOS, INVESTIGAREMOS, CREAREMOS E XOGAREMOS COA MENTE NA REDUCIÓN DO PLÁSTICO NAS NOSAS VIDAS.
ESTAS TRES TAREFAS ESTÁN INSPIRADAS NESTES LIBROS:
A CONTINUACIÓN, VEREDES UNHA BREVE DESCRICIÓN DO FONDO SELECCIONADO E UNHA PEQUENA TAREFA A REALIZAR CON CADA UN DELES. PODEDES ENVIARNOS TEXTOS, FOTOS E VIDEOS DAS PROPOSTAS QUE REALICEDES AO CORREO DA PEPATECA pepateca5@gmail.com 

  • 1ª TAREFA INTEGRADA LÓXICA-ARTE
OS ESPAZOS FEDELLOS OU MAKERSPACES POSIBILITAN AO ALUMNADO MÚLTIPLES OPORTUNIDADES DE APRENDIZAXE, DE EXPRESIÓN E CREACIÓN. O OBXECTIVO PRINCIPAL É CONFECCIONAR UN ESPAZO DENTRO DA BIBLIOTECA ONDE SE POIDAN FACER E CREAR COUSAS BASEADAS NA EXPERIENCIA E NA APRENDIZAXE.
NÓS APOSTAMOS POLA CREACIÓN DESTES ESPAZOS CON MATERIAIS SOSTIBLES E QUE REDUZAN O IMPACTO AMBIENTAL: ELEMENTOS NATURAIS, BIODEGRADABLES E REUTILIZAR PLÁSTICOS DUN SÓ USO.

👉TAREFA A REALIZAR: CONFECCIONADE UN ESPAZO FEDELLO NAS VOSAS CASAS, CON MATERIAL SOSTIBLE E FACEDE UNHA CREACIÓN CON EL. PODEDES PICAR NA AVIONETA FEDELLA PARA VER OS QUE TEMOS NAS ESCOLAS:

  • 2ª TAREFA INTEGRADA FILOSOFÍA
VÉÑENNOS Á CABEZA GRAN CANTIDADE DE PRODUTOS ENVASADOS SEN OS QUE NON PODERIAMOS VIVIR E AOS QUE RESULTA DIFÍCIL ATOPAR UNHA ALTERNATIVA. O MELLOR É NON DARLLE MOITAS VOLTAS E EMPEZAR... REDUCIR O USO DO PLÁSTICO DUN SÓ USO PODE SER UN XOGO MOI DIVERTIDO.

👉TAREFA A REALIZAR: RECOLLEDE NUNHA CAIXA O PLÁSTICO DUN SÓ USO QUE XENEREDES AO LONGO DE 5 DÍAS DE CONSUMO. PASADOS ESES 5 DÍAS, MEDITADE CAL DELES SERÍA DOADO DE ELIMINAR DA VOSA COMPRA.
MANDÁDENOS NUN TEXTO QUÉ PLÁSTICO/S DUN SÓ USO REDUCÍCHEDES NO CONSUMO... A VOSA PROPOSTA SERÁ ANÓNIMA E XUNT@S FAREMOS UN GRAN FAVOR AO PLANETA.

  • 3ª TAREFA INTEGRADA TIC
CERCA DO 10% DE TODO O PLÁSTICO QUE SE FABRICA NO MUNDO ACABA NO MAR. ESTES PLÁSTICOS TEÑEN UN ASPECTO APETECIBLE, O QUE FAI QUE CARPIÑO E AMIG@S POIDAN COMELO E SUFRIR DANOS IRREPARABLES.

👉TAREFA A REALIZAR: COÑECEMOS INFINIDADE DE COUSAS DE CARPIÑO E AMIG@S... QUEREDES DESCUBRIR CANTO SABEDES DELES? 
PULSADE NO DEBUXO DE QUIZIZZ, DESPOIS PULSADE EN "JUGAR CUESTIONARIO" E CONTESTADE ÁS PREGUNTAS DO XOGO... DISFRUTADE FAMILIA!!