DIA DAS BIBLIOTECAS 2023

O PASADO MARTES 24 DE OUTUBRO CELEBROUSE O DÍA DAS BIBLIOTECAS, ENTRE ELAS AS ESCOLARES. 

PARA CONMEMORAR ESTE DÍA, COMPARTIMOS UNHA PROPOSTA DO EQUIPO DE DINAMIZACIÓN DA LINGUA GALEGA E XUNTÁMOLA CO LEMA DESTE ANO "TECENDO COMUNIDADES":

ENTÓN, SE UNHA CASTAÑA É CADA UN O UNHA DE NÓS..

COSÉMOLAS E FORMAMOS A NOSA AULA, QUE SERÍA O CASTIÑEIRO...

E FINALMENTE ATÁMOLAS TODAS, POUCO A POUCO, E FORMAMOS UN SOUTO: O CRA DE CULLEREDO, A NOSA COMUNIDADE LECTORA.

INICIO DO PRÉSTAMO DA FIN DE SEMANA E MOCHILAS VIAXEIRAS

ESTA FIN DE SEMANA COMEZAMOS O PRÉSTAMO DA FIN DE SEMANA DE FONDOS DAS NOSAS BIBLIOTECAS DE AULA E A ANDANZA DAS MOCHILAS VIAXEIRAS. PREVIAMENTE TIVEMOS NAS AULAS UNHA PEQUENA FORMACIÓN DE PERSOAS USUARIAS E ELIXIMOS UN FONDO PARA LEVAR A CASA.

BOAS LECTURAS!!!

AS FAMILIAS NA BIBLIOTECA 23-24

ESTA SEMANA ENVIAMOS ÁS FAMILIAS A NOSA PROPOSTA PARA A SÚA PARTICPACIÓN NA NOSA BIBLIOTECA. SERÁN 4 ACTIVIDADES DIFERENTES: O PRÉSTAMO EN FAMILIA, O PRÉSTAMO DE ADULTOS, O CLUB DE LECTURA E OS OBRADOIROS DA ESCOLA DE NAIS E PAIS.

RECIBIMOS UNHA MARABILLOSA ACOLLIDA ATA O MOMENTO, TEDES ATA O 1 DE NOVEMBRO PARA ENCHELO FORMULARIO E ENVIALO.

MOITAS GRAZAS, FAMILIAS!

NOVIDADES DOS MALETÍNS VIAXEIROS I

INICIAMOS O CURSO COA PROPOSTA DOS MALETÍNS VIAXEIROS DE ANIMACIÓN Á LECTURA. NELES VIAXAN NOVOS FONDOS PARA AS VINDEIRAS SEMANAS NA "HORA DE LER":

BOAS LECTURAS!!

A VIAXE DE BREOGÁN

ESTA SEMANA RECIBIMOS NAS AULAS UNHA MENSAXE DE BREOGÁN FERREIRO, UN MOZO QUE ESTÁ A REMATAR OS SEUS ESTUDOS DE HISTORIA DA ARTE. COMO TRABALLO DE FIN DE GRAO, LEVARÁ A CABO UNHA VIAXE POR EUROPA PARA COÑECER A SÚA DIVERSIDADE CULTURAL, SOCIAL...

PURA A TARTARUGA, QUE O ESCOITOU FALAR COAS SÚAS AMIZADES, RECOMÉNDALLE DÚAS COUSAS: 

• QUE VIAXE EN TREN, PARA DISMINUIR OS AXENTES CONTAMINADORES E,
• QUE SE POÑA EN CONTACTO CON NÓS, PARA COLABORAR NO SEU PROXECTO:

NESTE CENTRO CONTAMOS CO ALUMNADO MÁIS SOLIDARIO E PARTICIPATIVO. EN NINGÚN MOMENTO DUBIDARON EN AXUDAR A BREOGÁN NO SEU TRABALLO FIN DE CARREIRA. DESTE XEITO, SELAMOS O NOSO COMPROMISO:

AGARDAMOS MÁIS INFORMACIÓN, BREOGÁN!!

ESPAZOS FEDELLO

COAS NOSAS BIBLIOTECAS DE AULA COMEZAN A ROTAR OS ESPAZOS FEDELLO. 

AO LONGO DO CURSO ESTAS SERÁN AS 5 PROPOSTAS PARA AS 5 ESCOLAS.

A FEDELLAR!!!!

NOVO CURSO, NOVO PDI

COMEZAMOS UN NOVO CURSO CHEO DE EMOCIÓNS, APRENDIZAXES E MOITA ILUSIÓN. 

O CENTRO DE INTERESE DO PROXECTO DOCUMENTAL INTEGRADO (PDI) SERÁN OS HÁBITOS SAUDABLES, CUNHA PROPOSTA DE PRODUTO FINAL COMPARTIDA EN COMUNIDADE. 

AS FAMILIAS XOGAREDES UN PAPEL FUNDAMENTAL NO DESENVOLVEMENTO DO PDI "SEMENTANDO SAÚDE... MOITAS GRAZAS DE ANTEMÁN!

DESPEDIDA DE PURA: O XOGO FINAL

PURA PÚXOSE EN CONTACTO CON NÓS POR DERRADEIRA VEZ E DÍXONOS QUE O SEU ADHESIVO ESTABA MOI PRETO. 

TIÑAMOS QUE BUSCAR UNHA CAIXA FORTE DE COR AZUL CUN CADEADO NUMÉRICO PECHADO, PARA ABRILA HABERÍA QUE AVERIGUAR O CÓDIGO DE CATRO NÚMEROS.  

COMEZAMOS A TRABALLAR NAS CATRO PROBAS.

A PRIMERA UN CREBACABEZAS QUE AGOCHA O PRIMEIRO NÚMERO:

NA SEGUNDA TIVEMOS QUE DESCUBRIR QUE AMIZADE DE PURA FALTABA DENTRO DUN SOBRE E CONTAR AS LETRAS DO SEU NOME:

SEGUNDO RESOLVEMOS O BREAK OUT, ANOTAMOS OS RESULTADOS NA FOLLA DE REXISTRO. É IMPORTANTE PARA ORGANIZAR E LEMBRAR O CÓDIGO:

NA TERCEIRA PROBA, BUSCAMOS DIFERENZAS NAS IMAXES DE PURA. O NÚMERO DE DIFERENZAS É O TERCEIRO NÚMERO DO CÓDIGO:

POR ÚLTIMO, O NÚMERO DA CUARTA PROBA ESTÁ NUNHA MENSAXE SECRETA:

CON TODOS OS NÚMEROS, DESBLOQUEAMOS O CADEADO:

UN ÉXITO!! O CÓDIGO FUNCIONOU Á PERFECIÓN E, TAL E COMO NOS DIXO PURA, DENTRO ESTABAN OS SEUS ADHESIVOS E PEGÁMOLO NA NOSA CREDENCIAL. TAMÉN HABÍA UNHA CARTA DE DESPEDIDA:

COMO SORPRESA FINAL, PURA E AS SÚAS AMIZADES TIÑAN UN PEQUENO AGASALLO PARA TODAS E TODOS NÓS! UN XOGO ARTÍSTICO-CREATIVO CO MAR COMO PROTAGONISTA E OS DIPLOMAS QUE CERTIFICAN O NOSO COMPROMISO ECOLOXISTA.

ASÍ, DESPEDÍMONOS DESTA AVENTURA TAN ESPECIAL. 

ATA PRONTO, PURA!!

AS NOVAS DE PEPA 22-23

XA TEMOS PUBLICADA A REVISTA AS NOVAS DE PEPA DESTE CURSO. TEN MOITOS ARTIGOS E CURIOSIDADES DUN ANO REPLETO DE INVESTIGACIÓNS E TRABALLO DA NOSA COMUNIDADE EDUCATIVA... QUEREDES BOTARLLE UN OLLO?

GUÍA DE LECTURA: VERÁN 2023

AQUÍ TEDES A NOSA GUÍA DE LECTURA.

OBRADOIRO DE ANIMACIÓN Á LECTURA CON SANDRA PEÑASCO

HOXE REMATAMOS OS OBRADOIROS DE ANIMACIÓN Á LECTURA CON SANDRA, UNHA PROFESIONAL DA ENSINANZA DO MUNDO DAS LETRAS. 

QUE MOMENTOS MÁXICOS E DIVERTIDOS COMPARTIMOS EN COMUNIDADE!

GRAZAS SANDRA!!

PURA A TARTARUGA, MISIÓN 10

QUICO, O GOLFIÑO, É O PROTAGONISTA DA DERRADEIRA MISIÓN DE PURA A TARTARUGA. AMA BAÑARSE NAS PRAIAS AO REDOR DA TORRE DE HÉRCULES, PERO ULTIMAMENTE ESTÁ UN POUCO ENFADADO E TRISTE PORQUE XA NON ESTÁN TAN LIMPAS COMO LLE GUSTARÍA.

SABES CAL É A PRIMEIRA FONTE DE LIXO MUNDIAL, O RESÍDUO CONTAMINANTE MÁIS ABUNDANTE NAS PRAIAS? AS CABICHAS. ALGÚNS SERES HUMANOS ADULTOS QUE FUMAN ENTÉRRANAS NA AREA; ESTAS PODERÁN VIAXAR MILES DE KILÓMETROS CONTAMINANDO A AUGA E SERVINDO DE FALSO ALIMENTO PARA TODAS E TODOS NÓS. 

TEMOS QUE CAMBIAR ESTA SITUACIÓN!! MANOLA A CARACOLA CONTOUNOS QUE VIU A UNHAS PERSOAS DEPOSITAR AS SÚAS CABICHAS NUN CONO, QUE DESPOIS TIRABAN NO LIXO. 

SOLICITÁMOLOS AO CONCELLO DE ARTEIXO E AGASALLÁMOLOS A ALGUNHA PERSOA ESPECIAL PARA NÓS E ASÍ, CONSEGUIREMOS QUE QUICO E AS SÚAS AMIZADES POIDAN NADAR TRANQUILAMENTE NAS NOSAS PRAIAS ESTE VERÁN.

ESCRIBIMOS O NOSO NOME E O DA PERSOA ESPECIAL NUNHA TARXETA:

COLOCÁMOSLLE UNHA CORDA UNIDA AO CONO...

E LEVÁMOLOS PARA A CASA. 

FEITA A MISIÓN, RECIBIMOS A PEGATINA DE QUICO O GOLFIÑO. AGARDAMOS QUE ESTE FEITO AXUDE A MELLORAR O MEDIO AMBIENTE!

OBRADOIRO DE XOGOS DE MESA EN FAMILIA

O MÉRCORES 7 E O XOVES 8 DE XUÑO COMPARTIMOS UNS OBRADOIROS DE XOGOS DE MESA EN FAMILIA. SABIAMOS QUE TIÑAMOS UN ALUMNADO AMANTE DOS XOGOS DE MESA... PERO AS FAMILIAS NON SE QUEDAN ATRÁS.

QUE BEN O PASAMOS!!!

III CLUB DE LECTURA: A XUNTANZA

HOXE TIVEMOS A XUNTANZA DUN NOVO CLUB DE LECTURA DE FAMILIAS E PROFESORADO DESTE CURSO. XOGAMOS, REFLEXIONAMOS E COMPARTIMOS UN MOMENTO ESPECIAL EN COMUNIDADE.

GRAZAS POR FACELO POSIBLE!

OBRADOIROS DE LECTURA E FAMILIAS CON CARLOS SANTE

HOXE REMATAMOS OS OBRADOIROS CO ACTOR CARLOS SANTE. ESTIVEMOS CATRO TARDES TRABALLANDO A EXPRESIVIDADE E AS EMOCIÓNS A TRAVÉS DO CORPO, EXPLORANDO TODAS AS SÚAS POSIBILIDADES INTERPRETATIVAS. MOITAS GRAZAS, CARLOS!!