ESPAZOS FEDELLO

COAS NOSAS BIBLIOTECAS DE AULA COMEZAN A ROTAR OS ESPAZOS FEDELLO. 

AO LONGO DO CURSO ESTAS SERÁN AS 5 PROPOSTAS PARA AS 5 ESCOLAS.

A FEDELLAR!!!!

NOVO CURSO, NOVO PDI

COMEZAMOS UN NOVO CURSO CHEO DE EMOCIÓNS, APRENDIZAXES E MOITA ILUSIÓN. 

O CENTRO DE INTERESE DO PROXECTO DOCUMENTAL INTEGRADO (PDI) SERÁN OS HÁBITOS SAUDABLES, CUNHA PROPOSTA DE PRODUTO FINAL COMPARTIDA EN COMUNIDADE. 

AS FAMILIAS XOGAREDES UN PAPEL FUNDAMENTAL NO DESENVOLVEMENTO DO PDI "SEMENTANDO SAÚDE... MOITAS GRAZAS DE ANTEMÁN!

DESPEDIDA DE PURA: O XOGO FINAL

PURA PÚXOSE EN CONTACTO CON NÓS POR DERRADEIRA VEZ E DÍXONOS QUE O SEU ADHESIVO ESTABA MOI PRETO. 

TIÑAMOS QUE BUSCAR UNHA CAIXA FORTE DE COR AZUL CUN CADEADO NUMÉRICO PECHADO, PARA ABRILA HABERÍA QUE AVERIGUAR O CÓDIGO DE CATRO NÚMEROS.  

COMEZAMOS A TRABALLAR NAS CATRO PROBAS.

A PRIMERA UN CREBACABEZAS QUE AGOCHA O PRIMEIRO NÚMERO:

NA SEGUNDA TIVEMOS QUE DESCUBRIR QUE AMIZADE DE PURA FALTABA DENTRO DUN SOBRE E CONTAR AS LETRAS DO SEU NOME:

SEGUNDO RESOLVEMOS O BREAK OUT, ANOTAMOS OS RESULTADOS NA FOLLA DE REXISTRO. É IMPORTANTE PARA ORGANIZAR E LEMBRAR O CÓDIGO:

NA TERCEIRA PROBA, BUSCAMOS DIFERENZAS NAS IMAXES DE PURA. O NÚMERO DE DIFERENZAS É O TERCEIRO NÚMERO DO CÓDIGO:

POR ÚLTIMO, O NÚMERO DA CUARTA PROBA ESTÁ NUNHA MENSAXE SECRETA:

CON TODOS OS NÚMEROS, DESBLOQUEAMOS O CADEADO:

UN ÉXITO!! O CÓDIGO FUNCIONOU Á PERFECIÓN E, TAL E COMO NOS DIXO PURA, DENTRO ESTABAN OS SEUS ADHESIVOS E PEGÁMOLO NA NOSA CREDENCIAL. TAMÉN HABÍA UNHA CARTA DE DESPEDIDA:

COMO SORPRESA FINAL, PURA E AS SÚAS AMIZADES TIÑAN UN PEQUENO AGASALLO PARA TODAS E TODOS NÓS! UN XOGO ARTÍSTICO-CREATIVO CO MAR COMO PROTAGONISTA E OS DIPLOMAS QUE CERTIFICAN O NOSO COMPROMISO ECOLOXISTA.

ASÍ, DESPEDÍMONOS DESTA AVENTURA TAN ESPECIAL. 

ATA PRONTO, PURA!!

AS NOVAS DE PEPA 22-23

XA TEMOS PUBLICADA A REVISTA AS NOVAS DE PEPA DESTE CURSO. TEN MOITOS ARTIGOS E CURIOSIDADES DUN ANO REPLETO DE INVESTIGACIÓNS E TRABALLO DA NOSA COMUNIDADE EDUCATIVA... QUEREDES BOTARLLE UN OLLO?

GUÍA DE LECTURA: VERÁN 2023

AQUÍ TEDES A NOSA GUÍA DE LECTURA.

OBRADOIRO DE ANIMACIÓN Á LECTURA CON SANDRA PEÑASCO

HOXE REMATAMOS OS OBRADOIROS DE ANIMACIÓN Á LECTURA CON SANDRA, UNHA PROFESIONAL DA ENSINANZA DO MUNDO DAS LETRAS. 

QUE MOMENTOS MÁXICOS E DIVERTIDOS COMPARTIMOS EN COMUNIDADE!

GRAZAS SANDRA!!

PURA A TARTARUGA, MISIÓN 10

QUICO, O GOLFIÑO, É O PROTAGONISTA DA DERRADEIRA MISIÓN DE PURA A TARTARUGA. AMA BAÑARSE NAS PRAIAS AO REDOR DA TORRE DE HÉRCULES, PERO ULTIMAMENTE ESTÁ UN POUCO ENFADADO E TRISTE PORQUE XA NON ESTÁN TAN LIMPAS COMO LLE GUSTARÍA.

SABES CAL É A PRIMEIRA FONTE DE LIXO MUNDIAL, O RESÍDUO CONTAMINANTE MÁIS ABUNDANTE NAS PRAIAS? AS CABICHAS. ALGÚNS SERES HUMANOS ADULTOS QUE FUMAN ENTÉRRANAS NA AREA; ESTAS PODERÁN VIAXAR MILES DE KILÓMETROS CONTAMINANDO A AUGA E SERVINDO DE FALSO ALIMENTO PARA TODAS E TODOS NÓS. 

TEMOS QUE CAMBIAR ESTA SITUACIÓN!! MANOLA A CARACOLA CONTOUNOS QUE VIU A UNHAS PERSOAS DEPOSITAR AS SÚAS CABICHAS NUN CONO, QUE DESPOIS TIRABAN NO LIXO. 

SOLICITÁMOLOS AO CONCELLO DE ARTEIXO E AGASALLÁMOLOS A ALGUNHA PERSOA ESPECIAL PARA NÓS E ASÍ, CONSEGUIREMOS QUE QUICO E AS SÚAS AMIZADES POIDAN NADAR TRANQUILAMENTE NAS NOSAS PRAIAS ESTE VERÁN.

ESCRIBIMOS O NOSO NOME E O DA PERSOA ESPECIAL NUNHA TARXETA:

COLOCÁMOSLLE UNHA CORDA UNIDA AO CONO...

E LEVÁMOLOS PARA A CASA. 

FEITA A MISIÓN, RECIBIMOS A PEGATINA DE QUICO O GOLFIÑO. AGARDAMOS QUE ESTE FEITO AXUDE A MELLORAR O MEDIO AMBIENTE!

OBRADOIRO DE XOGOS DE MESA EN FAMILIA

O MÉRCORES 7 E O XOVES 8 DE XUÑO COMPARTIMOS UNS OBRADOIROS DE XOGOS DE MESA EN FAMILIA. SABIAMOS QUE TIÑAMOS UN ALUMNADO AMANTE DOS XOGOS DE MESA... PERO AS FAMILIAS NON SE QUEDAN ATRÁS.

QUE BEN O PASAMOS!!!

III CLUB DE LECTURA: A XUNTANZA

HOXE TIVEMOS A XUNTANZA DUN NOVO CLUB DE LECTURA DE FAMILIAS E PROFESORADO DESTE CURSO. XOGAMOS, REFLEXIONAMOS E COMPARTIMOS UN MOMENTO ESPECIAL EN COMUNIDADE.

GRAZAS POR FACELO POSIBLE!

OBRADOIROS DE LECTURA E FAMILIAS CON CARLOS SANTE

HOXE REMATAMOS OS OBRADOIROS CO ACTOR CARLOS SANTE. ESTIVEMOS CATRO TARDES TRABALLANDO A EXPRESIVIDADE E AS EMOCIÓNS A TRAVÉS DO CORPO, EXPLORANDO TODAS AS SÚAS POSIBILIDADES INTERPRETATIVAS. MOITAS GRAZAS, CARLOS!!

PURA A TARTARUGA, MISIÓN 9

SABIADES QUE NOS MARES HAI PANTASMAS? POIS HAI, MÁIS NON SON COMO PENSAMOS. SON AS REDES QUE QUEDAN SOLTAS E AFÚNDENSE NO MAR. ESTAS SON MOI PERIGOSAS PORQUE ATRAPAN AOS ANIMAIS MARIÑOS, PROVOCÁNDOLLES GRANDES DANOS. ASÍ COMEZA A MISIÓN 9 DE PURA A TARTARUGA. 

PURA, NUNHA NOVA COMUNICACIÓN, FÁLANOS DESTE PROBLEMA TAN GRAVE E DE COMO LARA, A PEIXE ESPADA, AXUDA A TODAS E TODOS A LIBERALOS CANDO QUEDAN ATRAPADAS E ATRAPADOS NAS REDES.

NESTA MISIÓN, APROVEITANDO A VISITA Á EXPOSICIÓN FOTOGRÁFICA DE STEVEN MEISEL, FAREMOS UNHA COMPOSICIÓN ARTÍSTICA CON REDES E FOTOGRAFÍAS INSTANTÁNEAS. 

SUXEITAREMOS UNHA ENORME REDE EN EQUIPO PARA EVITAR QUE CHEGUEN AO MAR:

COA MISIÓN 9 REMATADA, CONSEGUIMOS A PEGATINA DE LARA, A PEIXE ESPADA:

ROMARÍA 2023, PRODUTO FINAL DO NOSO PDI

O NOSO PDI CHEGOU AO SEU FIN, DESPOIS DE MESES DE INVESTIGACIÓNS E CREACIÓNS EN EQUIPO. 

PARA RECORDALO DEIXÁMOSVOS O VÍDEO RESUMO DO ACONTECIDO NESTA ESPECIAL CONMEMORACIÓN PARA TODA A NOSA COMUNIDADE EDUCATIVA. 

MOITAS GRAZAS A TODAS E TODOS POR FACELA REALIDADE!!

OBRADOIRO DE CREATIVA: TEARES CON MANUEL RODRÍGUEZ

NESTE OBRADOIRO CONTAMOS COA DOCENCIA DE MANUEL RODRÍGUEZ E APRENDEMOS A FACER TEARES CON CAIXAS DE FROITAS. ESTES FORON PROTAGONISTAS NUN OBRADOIRO O DÍA DA ROMARÍA. 

ADEMAIS, ENSINOUNOS:

• LÁ E LIÑO SEN TRANSFORMAR,
• CARDAS MANUAIS DE LÁ, 
• NOBELOS DE LÁ, LIÑO E FARRAPOS,
• TRES ROCAS DE FIAR E TRES USOS PARA FIAR.

FOI UNHA EXPERIENCIA INOLVIDABLE PARA NÓS!

FACEMOS DE XASTRES CON DIEGO VALEIRAS

NO MES DE DECEMBRO FOI CANDO COMEZAMOS A NOSA ANDAINA POLO MUNDO DA XASTRARÍA DA MAN DE DIEGO VALEIRAS. 

O NOSO PRODUTO FINAL INICIOUNO O PROFESORADO APRENDENDO A FACER PATRÓNS DE SAIAS E CHAQUETAS NUN CURSO DO NOSO PLAN DE FORMACIÓN PERMANENTE (PFPP). POSTERIORMENTE, COA AXUDA DA COMUNIDADE EDUCATIVA, CONFECCIONAMOS UNHAS CHAQUETAS CON CÁPSULAS DOS REFUGALLOS DAS PROFESIÓNS E AFECCIÓNS DAS FAMILIAS E ALUMNADO GARDADAS EN PEQUENAS BOLSAS DE PLÁSTICO. 

NA ROMARÍA DE FINAL DE PROXECTO, XOGAMOS A COSER INTERCAMBIANDO AS DIFERENTES PEZAS DAS CHAQUETAS DAS DIFERENTES ESCOLAS.  

FOI ALGO CREATIVO, ORIXINAL E DIFERENTE, NON SI?

TAI DO "PATCHWORK"

O PATCHWORK É UNHA TÉCNICA DE COSTURA QUE NOS PERMITE UNIR DIFERENTES ANACOS DE TEAS PARA FORMAR UN PROXECTO COMÚN.

PARA REALIZAR ESTA TAREFA CADA FAMILIA E PROFESORADO APORTOU UN ANAQUIÑO DE TEA DALGUNHA PRENDA OU TECIDO QUE EVOCASE UN RECORDO OU EMOCIÓN ESPECIAL PARA ELAS. 

AO LONGO DOS TRIMESTRES CADA AULA TECEU DIFERENTES PARTES PARA CHEGAR A FACER UNHA BONITA MANTA CHEA DE SENTIMENTO.

GRAZAS FAMILIAS POLA VOSA COLABORACIÓN!