NOVIDADES NAS CARPETAS VIAXEIRAS I

ESTA SEMANA VIAXARON AS PRIMEIRAS NOVIDADES ÁS AULAS DO CRA: FONDOS DA PEPATECA PARA A "HORA DE LER". AO LONGO DESTAS SEMANAS LEREMOS ESTES 25 LIBROS:

NOVO CURSO, NOVO PDI

COMEZAMOS UN NOVO CURSO 2022-23 CHEO DE EMOCIÓNS, APRENDIZAXES COMPARTIDAS E MOITA ILUSIÓN. 

OS CENTROS DE INTERESE DO PROXECTO DOCUMENTAL INTEGRADO (PDI) SERÁN A MODA, A ROUPA, OS TECIDOS E OS ESTEREOTIPOS, CUNHA PROPOSTA DE PRODUTO FINAL CREATIVA E MOI SORPRENDENTE. 

AS FAMILIAS XOGAREDES UN PAPEL FUNDAMENTAL NO DESENVOLVEMENTO DO PROXECTO D´XASTRES PARA QUE NON SEXA UN DESASTRE....

MOITAS GRAZAS DE ANTEMÁN!

GUÍA DE LECTURA VERÁN 2022: "LER AO SOL, SENTA MELLOR"

 AQUÍ TEDES A NOSA GUÍA DE LECTURA. FELIZ VERÁN!

MARTIÑO E TESTA ESTÁN NA CASA DE NOVO!

TIVEMOS A DERRADEIRA COMUNICACIÓN CON MARTIÑO E TESTA DESTE CURSO. FOI EMOCIONANTE VELOS TAN BEN E MOI DIVERTIDA A SORPRESA FINAL QUE TIÑAN PARA NÓS...

PUXÉMONOS A BUSCAR POR TODAS PARTES A MALETA DE MARTIÑO E TESTA, RESOLVEMOS AS MENSAXES DOS CÓDIGOS QR E DESCIFRAMOS O CONTRASINAL PARA ABRIR A MALETA...

MOITAS GRAZAS, MARTIÑO E TESTA.

FOI UNHA VIAXE ESPÆCIAL QUE NUNCA OLVIDAREMOS!

AMARAXE DE MARTIÑO E TESTA (DIRECTO)

DESPEDIDA DA ESTACIÓN ESPACIAL

MARTIÑO E TESTA ENVIÁRONNOS A DERRADEIRA COMUNICACIÓN DESDE A ESTACIÓN ESPACIAL EUROPEA. HAI UNHA DATA MOI IMPORTANTE PARA NÓS:

XA A TEMOS MARCADA NO NOSO CALENDARIO:

7ª MISIÓN DE MARTIÑO E TESTA

A SEMANA PASADO CHEGOUNOS UN VÍDEO DE MARTIÑO E TESTA DESDE A ESTACIÓN ESPACIAL EUROPEA:

DESPOIS DE VELO, PUXÉMOS A TRABALLAR: PEGAR ESTRELAS, UNILAS DUN XEITO ESPÆCIAL, POÑERLLE UN NOME Á CONSTELACIÓN RESULTANTE E PICÁNDOAS, ASÍ DURANTE TODA A SEMANA. 

O RESULTADO FOI MOI LUMINISTA, XA PODEMOS DICIR QUE TEMOS UNHA CREATIVIDADE FÓRA DE SERIE!!

COA MISIÓN 7 REMATADA... COMPLETAMOS A CONSTELACIÓN DA MISIÓN DE MORRIÑA21:

CLUB DE LECTURA

HOXE TIVEMOS A NOSA PRIMEIRA EXPERIENCIA DE CLUB DE LECTURA ENTRE FAMILIAS E PROFESORADO DO CRA. 

DESDE LOGO, PODEMOS DICIR QUE FOI ASOMBROSA!! GRAZAS POR PARTICIPAR!!

A ROMARÍA DO NOROESTE: O PRODUTO FINAL

O NOSO PDI CHEGOU AO SEU FIN, DESPOIS DE MESES DE INVESTIGACIÓNS E UN INTERESANTE TRABALLO EN EQUIPO.

PARA O RECORDO DEIXÁMOSVOS UN VÍDEO QUE RESUME O ACONTECIDO, AINDA QUE NON FAI NADA DE XUSTIZA AO VIVIDO:

MOITAS GRAZAS A TODAS E TODOS POR FACER REALIDADE ESTE SOÑO!!

OBRADOIROS BIBLIOTECA CREATIVA

ESTE É O NOSO CUARTO ANO DENTRO DO PROXECTO BIBLIOTECA CREATIVA, UNHA INICIATIVA DA CONSELLERÍA QUE APOIA A CULTURA DA EXPERIMENTACIÓN, A CREACIÓN E A INVESTIGACIÓN EN ESPAZOS CREATIVOS E COOPERATIVOS NO SEO DAS BIBLIOTECAS ESCOLARES.

NESTE CURSO, DA MAN DO ARTISTA PABLO OTERO, PUIDEMOS DESFRUTAR DUN OBRADOIRO CREATIVO QUE NOS DESCUBRIU O SEGREDO DUNHA OLLADA ARTÍSTICA COA QUE ATOPAR AUTÉNTICOS TESOUROS NAQUELAS COUSAS OU MATERIAIS QUE, APARENTEMENTE, XA NON TIÑAN UTILIDADE.

LENDAS DE TRADICIÓN ORAL DO NOROESTE

DESPOIS DO CHAMAMENTO ÁS FAMILIAS...

RECOMPILAMOS 5 LENDAS DE TRADICIÓN ORAL DA NOSA CONTORNA...

MOITAS GRAZAS, FAMILIAS!!

FIN DA MISIÓN 6

PARA RESOLVER A MISIÓN 6 TIVEMOS QUE PREGUNTAR NAS NOSAS CASAS O MOTIVO DA EXTINCIÓN DOS DINOSAURIOS... MOITOS DE NÓS ESQUECEMOS FACELO, PERO EN EQUIPO LOGRAMOS IMPORTANTES CONCLUSIÓNS...

ANTES DE COMEZAR A MISIÓN 6, VIMOS UN VÍDEO DE MARTIÑO E TESTA DESTE A ESTACIÓN ESPACIAL EUROPEA:

OZOBOT FOI UNHA GRAN SORPRESA NAS AULAS... COMO ERA POSIBLE QUE UN ROBOT TAN PEQUENO PUIDESE FACER TANTO?

MISIÓN FEITA, NOVA ESTRELA ACADADA!

INVITACIÓN Á ROMARÍA DO NOROESTE

UNHA ROMARÍA É UNHA FESTA POPULAR NA QUE A XENTE ACODE E DIVÍRTESE. O PRODUTO FINAL DO NOSO PROXECTO DESTE CURSO "NOROESTE CREACCIÓNS, FEITO POR NÓS" É A CREACIÓN DUNHA ROMARÍA. O VINDEIRO VENRES 20 DE MAIO.

NESTA TAREFA DE APRENDIZAXE INTEGRADA GRAVAMOS UNHA INVITACIÓN, COA COLABORACIÓN DO NOSO ALUMNADO, PARA SUMAR MOITA PARTICIPACIÓN O DÍA DA ROMARÍA.

VIAXE DE OBSERVACIÓN A FINLANDIA

A MESTRA BEA E O MESTRE IVÁN FIXERON UNHA OBSERVACIÓN DE DIFERENTES CENTROS EDUCATIVOS EN FINLANDIA DO LUNS 25 DE ABRIL AO DOMINGO 1 DE MAIO, GRAZAS AO PROGRAMA ERASMUS+. 

GRAZAS A ESTA EXPERIENCIA APRENDEMOS MOITAS COUSAS NOVAS QUE COMPARTIMOS CON VÓS:

LENDA DA MOUCHA DO MONTE XALO

NA RECOLLIDA QUE ESTAMOS A FACER DE LENDAS DE TRADICIÓN ORAL DO NOROESTE, CHEGOU ÁS NOSAS MANS A LENDA DA MOUCHA DO MONTE XALO. É UNHA LENDA MÁXICA, MOI ESPECIAL PARA NÓS E SERÁ A PROTAGONISTA DA ROMARÍA QUE ESTAMOS A PREPARAR PARA TODA A NOSA COMUNIDADE EDUCATIVA.

NON SABEMOS SE É UN ANIMAL, UNHA PERSOA OU UN SER MÁXICO... O QUE SI TEMOS CLARO É QUE NOS ENCANTARÍA QUE SE FIXERA PRESENTE NESE DÍA. 

QUEREDES COÑECER O CONTIDO DA LENDA DA MOUCHA?