MISIÓN 1: A GRAVIDADE

MARTIÑO E TESTA ERAN COÑECEDORES DE QUE NOVEMBRO ERA O MES DA CIENCIA EN GALEGO NAS NOSAS BIBLIOTECAS:

DE AHÍ, QUE A PRIMEIRA MISIÓN TIVERA QUE VER COA EXPERIMENTACIÓN DA GRAVIDADE, SEGUINDO OS DIFERENTES PASOS DO MÉTODO CIENTÍFICO. 

NO ARQUIVO QUE NOS ENVIARON APARECÍAN UNHA SERIE DE PREGUNTAS, FIXEMOS AS NOSAS HIPÓTESES, EXPERIMENTAMOS E SACAMOS UNHAS CONCLUSIÓNS, QUE AGORA MESMO COMPARTIMOS CON VÓS:

POIS XA NOS QUEDA TODO UN POUCO MÁIS CLARO: O MAGNETISMO É SIMILAR Á FORZA INVISIBLE DA GRAVIDADE DA TERRA CON NÓS E CON TODAS AS COUSAS, E MOI PARECIDA A DO SOL QUE FAI COA TERRA E TODOS OS CORPOS QUE O RODEAN. 

PRIMEIRA COMUNICACIÓN E MISIÓN DE MARTIÑO E TESTA

XA É UNHA REALIDADE!! MARTIÑO E TESTA ESTÁN NA ESTACIÓN ESPACIAL INTERNACIONAL!! AS COUSAS ALÍ NON SON IGUAL QUE NA TERRA, PERO GRAZAS AOS ENTRENAMENTOS ESTÁN SUPERANDO TODAS AS SITUACIÓNS ADVERSAS.

COMO NOVEMBRO É O MES DA CIENCIA EN GALEGO, POIS INVESTIGAREMOS DURANTE ESTAS SEMANAS TODAS AS PROPOSTAS QUE NOS ENVÍAN NO ARQUIVO DESDE O ESPAZO.

ATA PRONTO!!!

II OBRADOIRO: NUTRICIÓN SALUDABLE

HOXE, ROCÍO E GONZALO COMPARTIRON CON NÓS OS SEUS COÑECEMENTOS SOBRE NUTRICIÓN SALUDABLE. FOI O SEGUNDO OBRADOIRO DA ESCOLA DE NAIS E PAIS E O PRIMEIRO IMPARTIDO INTEGRAMENTE POR FAMILIAS. MOITAS GRAZAS FAMILIAS, APRENDEMOS UN MONTÓN!!

NOVIDADES NAS CARPETAS VIAXEIRAS I

ESTA SEMANA VIAXARON ÁS PRIMEIRAS NOVIDADES ÁS AULAS DO CRA: FONDOS DA PEPATECA PARA A "HORA DE LER". AO LONGO DESTAS SEMANAS LEREMOS ESTES 25 LIBROS:

DESPEGUE EN DIRECTO

INFORMACIÓNS IMPORTANTES DE MARTIÑO E TESTA

ESTA SEMANA RECIBIMOS NOVAS DOS ENTRENAMENTOS QUE FIXERON MARTIÑO E TESTA PARA IR Á ESTACIÓN ESPACIAL INTERNACIONAL. ASOMBRÁRONNOS MOITAS DAS COUSAS QUE FIXERON, PERO REFLEXIONÁNDOAS TEÑEN MOITO SENTIDO:

RECIBIMOS OS MATERIAIS NAS AULAS: UN CALENDARIO PARA VISUALIZAR AS DATAS MÁIS RELEVANTES DA MISIÓN "MORRIÑA 21" E UNHA TARXETA ONDE REXISTRAREMOS AS 7 MISIÓNS DE COLABORACIÓN, PARA COMPLETAR A OSA MAIOR:

COMO VEDES, XA TEMOS O XOVES 11 DE NOVEMBRO MARCADO, PARA VER O DESPEGUE EN DIRECTO DO COHETE NO QUE VIAXARÁ MARTIÑO E TESTA... QUE NERVIOS!!!

INICIO DO PRÉSTAMO DE ADULTOS

HOXE COMEZAMOS A RODAR O PRÉSTAMO DE ADULTOS NO CRA DE CULLEREDO. DESDE HOXE ATA O MES DE XUÑO AS FAMILIAS RECIBIRÁN OS FONDOS SOLICITADOS NAS SÚAS PETICIÓNS DE INICIO DE CURSO. TEMOS A SORTE DE CONTAR CON 27 FAMILIAS LECTORAS!!!

ADEMAIS, NESTE CURSO ESTREAMOS BOLSAS NOVAS; MIRADE QUE CHULAS SON!!

UN SAMAÍN DE CONTO

POR SE NON O SABEDES, LEVAMOS UNS DÍAS MIRANDO PARA O TEITO DAS NOSAS BIBLIOTECAS DE AULA:

ALGÚN TRASNO DO SAMAÍN DEIXOUNOS UNS PAQUETES E UNHA NOTA MISTERIOSA QUE DICÍA:

FILOSOFAMOS MOITO SOBRE A AUTORÍA, A HORA, O CONTIDO E MOTIVO  DESTA ESTRAÑA APARACIÓN. O DÍA DO SAMAÍN CHEGOU E CON IMPACIENCIA E INTERESE ABRIMOS OS PAQUETES QUE ALÍ HABÍA:

CONTOS DE TERROR, UN BOTE SENSORIAL TERRORÍFICO CHEO DE RATAS, MORCEGOS, SERPES, ESQUELETOS E ARAÑAS, E UN TABOLEIRO PARA XOGAR CO ESCORNABOT. SEMPRE NOS PASA IGUAL, DESFRUTAMOS DO MEDO NO SAMAÍN!

DÍA DAS BIBLIOTECAS

O PASADO DOMINGO 24 DE OUTUBRO CELEBROUSE O DÍA DAS BIBLIOTECAS, DE TODAS AS BIBLIOTECAS. DESDE A ASESORÍA DAS BIBLIOTECAS ESCOLARES DE GALICIA ELIXIRON AO ILUSTRADOR PABLO OTERO PARA DESEÑAR O CARTEL DESTE CURSO, QUE LEVA POR LEMA "A BIBLIOTECA ESCOLAR TEN A PALABRA".

É UN CARTEL MOI PRÓXIMO AO NOSO ALUMNADO, Á SÚA CREATIVIDADE, FANTASÍA E INSPIRACIÓN. PERO... QUE PASARÍA SE LLES DEIXAMOS UN CARTEL BRANCO E PEDÍSMOSLLES QUE POÑAN VOZ ÁS NOSAS BIBLIOTECAS DE AULA? QUE DIRÍAN?

CARTEL DA BIBLIOTECA DE AULA DE A CHOEIRA 1

CARTEL DA BIBLIOTECA DE AULA DE A CHOEIRA 2

CARTEL DA BIBLIOTECA DE AULA DA ESCOLA DE LEDOÑO

CARTEL DA BIBLIOTECA DE AULA DA ESCOLA DE SÉSAMO

       CARTEL DA BIBLIOTECA DE AULA DA ESCOLA DE VINSEIRA

MARTIÑO É O GAÑADOR DA PASAXE!!

DESPOIS DE VARIOS DÍAS DE INCERTEZA, XA LLE POÑEMOS NOME AO GAÑADOR DA PASAXE Á ESTACIÓN ESPACIAL INTERNACIONAL. PERO NON IRÁ SÓ, HAI UNHA GRAN SORPRESA NESTE VÍDEO:

QUE SORTE!! PODEREMOS COMPARTIR CON MARTIÑO E TESTA A SÚA EXPERIENCIA NO ESPAZO E AXUDALOS EN TODO O QUE PRECISEN!

O PRIMEIRO QUE FIXEMOS FOI UNHA RUTINA DE PENSAMENTO DE TODO O QUE SABEMOS DESAS DÚBIDAS QUE TEÑEN NA SÚA VIAXE, PREMEDE NA IMAXE E MIRADE CANTO SABEMOS!

FELIZ ADESTRAMENTO, MARTIÑO E TESTA!!

SORTEO EXTRAORDINARIO DUNHA PASAXE ESPÆCIAL

A AXENCIA ESPACIAL EUROPEA ACABA DE FACER EN RIGUROSO DIRECTO O SORTEO DA PASAXE Á ESTACIÓN ESPACIAL INTERNACIONAL ENTRE TODAS AS CANDIDATAS E CANDIDATOS. FORON MOITAS AS SOLICITUDES PRESENTADAS E XA HAI UNHA PERSOA GAÑADORA, QUEN SERÁ? 

PARABÉNS AO GAÑADOR!!

NOVIDADES DE SABELA

ESTA SEMANA RECIBIMOS UNHA MENSAXE DUNHA PERSOA MOI ESPECIAL PARA NÓS: A AVENTUREIRA SABELA.

NESA MENSAXE ENVIOUNOS UN VÍDEO E UNHA PROPOSTA QUE NON PASOU DESAPERCIBIDA PARA NINGUÉN. OLLADE O VÍDEO CON MOITA ATENCIÓN:

SE TEDES INTERESE EN PARTICIPAR NO SORTEO DESA VIAXE Á ESTACIÓN ESPACIAL INTERNACIONAL DO VINDEIRO XOVES 21 DE OUTUBRO, ENVIADE O FORMULARIO ESCANEANDO O CÓDIGO QR DO CARTEL:

MOITA SORTE!!!

I OBRADOIRO: PEPATECA

HOXE INICIAMOS A ESCOLA DE NAIS E PAIS 21-22 CO OBRADOIRO SOBRE A BIBLIOTECA DO CRA DE CULLEREDO. FOI UNHA ALEGRÍA PODER COMPARTIR COAS NOSAS FAMILIAS DE XEITO PRESENCIAL O QUE TANTO NOS ILUSIONA!! 

INICIO DO PRÉSTAMO

COMEZAMOS, DESPOIS DA FORMACIÓN DE USUARIAS E USUARIOS, ONDE COÑECEMOS AS DIFERENTES, AS NORMAS, AS FUNCIÓNS DAS GARDIÁS E GARDIÁNS DA BIBLIOTECA...

AS PRIMEIRAS MOCHILAS VIAXEIRAS VAN DA MAN DE LARA, BREIXO, AARÓN, ALMA E ALDARA... BOAS LECTURAS, FAMILIA!!

AS FAMILIAS NO CRA DE CULLEREDO

DESEÑAMOS DÚAS PROPOSTAS DA BIBLIOTECA ESPECIALMENTE PARA VÓS: PRÉSTAMO DE ADULTOS E A ESCOLA DE NAIS E PAIS.

BOTÁDELLE UNHA OLLADA E MEDITADE BEN AS VOSAS SELECCIÓNS, PORQUE TEDES ATA O 15 DE OUTUBRO PARA ENVIARNOS OS VOSOS FORMULARIOS DE SOLICITUDE.

AGARDAMOS CON ENTUSIAMO A VOSA PARTICIPACIÓN!!