PROTOCOLO DE ACTUACIÓN ANTE A COVID19

DESPOIS DE DARLLE VARIAS VOLTAS... XA TEMOS PREPARADO O PROTOCOLO DA BIBLIOTECA DO CRA DE CULLEREDO PARA ESTA NOVA SITUACIÓN. 

(PICADE NA IMAXE E LEDE CON ATENCIÓN)

GUÍA DE LECTURA VERÁN 2020: "LER AO SOL, SENTA MELLOR"

AQUÍ TEDES A NOSA GUÍA DE LECTURA PARA ESTE VERÁN:

O EQUIPO DA BIBLIOTECA ESCOLAR DO CRA DE CULLEREDO DESÉXAVOS UN BO VERÁN A TODAS E TODOS!

IV ECOEXPOSICIÓN FOTOGRÁFICA

FAI UNHAS SEMANAS SOLICITAMOS A VOSA COLABORACIÓN PARA FACER UNHA ECOEXPOSICIÓN FOTOGRÁFICA. AS FOTOGRAFÍAS REPRESENTARÍAN DE FORMA ECOLÓXICA E ARTÍSTICA O LEMA "PENSA EN VERDE", CON ELEMENTOS NATURAIS E/OU DE REFUGALLO. AQUÍ PODEDES VER O RESULTADO:

MOITAS GRAZAS POR PARTICIPAR, FAMILIAS!!

DESPEDIDA DE CARPIÑO...

NO FONDO DO MAR ESTÁN MOI CONTENTAS E CONTENTOS PORQUE NAS VOSAS VOTACIÓNS DO FORMULARIO "QUEN CHE GUSTA MÁIS? TODAS E TODOS TIVERON ALGÚN VOTO, AÍNDA QUE QUICO, PURA E CARPIÑO DESTACAN SOBRE O RESTO. MIRADE A GRÁFICA COS RESULTADOS:

COA ECOMISIÓN 12 ELABORADA XA TEMOS COMPLETA A CREDENCIAL QUE CERTIFICA O VOSO COMPROMISO ECOLOXISTA. NESTE CASO A COR DO DERRADEIRO CRUÑO ERA...

A COR LARANXA!!!!!

MOITOS PARABÉNS!! ESTAMOS SEGUROS QUE FAREDES BO USO DOS PLÁSTICOS DUN SÓ USO, DAS PILAS, DAS LATAS E DUNHA NOVA ECOAMEAZA QUE XURDIU FAI UNS MESES: AS MASCARILLAS E AS LUVAS PARA PROTEXERVOS. É MOI IMPORTANTE DEPOSITALAS NOS COLECTORES ADECUADOS.

EN BREVE, DA MAN DAS TITORAS RECIBIREDES UN DIPLOMA XUNTO CUN PEQUENO AGASALLO... UN AGASALLO QUE ESTÁ NUN ARQUIVO PARA IMPRIMIR NA IMPRESORA 3D DO CRA. QUE SERÁ? MIRADE CON ATENCIÓN:

NUNS DÍAS ESTAREMOS DE VACACIÓNS DE VERÁN E CHEGA O MOMENTO DE DESPEDIR ESTE ENTRAÑABLE CONTACTO COAS AMIGAS E AMIGOS DE CARPIÑO. DEIXÁMOSVOS UN PEQUENO LIBRO CON IDEAS PARA CREAL@S CON PLASTILINA, SE É CASEIRA MOITO MELLOR!

(PICADE NA IMAXE E DESCARGADE O LIBRO)

FOI UN PLACER COÑECERVOS CARPIÑO, MANOLA, LARA, PAZ, PURA, XEILA, TOMÁS, QUICO, RODOLFO, SUSA, TAREIXA E ALEXO.

12ª MISIÓN DE CARPIÑO

O 5 DE XUÑO DE 2020 CELEBRAMOS O DÍA MUNDIAL DO MEDIO AMBIENTE. UNHA DATA MOI IMPORTANTE NO NOSO CALENDARIO, PORQUE RECLAMAMOS A NECESIDADE DE QUE AS PERSOAS SE CONVERTAN EN AXENTES ACTIVOS DO DESENVOLVEMENTO SOSTIBLE E DUN CAMBIO DE ACTITUDE EN TEMAS AMBIENTAIS.

CARPIÑO QUE É COÑECEDOR DE TODO ISTO ACHEGÁNOS A DERRADEIRA ECOMISIÓN DA CREDENCIAL NESTE DÍA SINALADO.

ECOLOXISTAS LIMPARON O VERQUIDO. AS AMIGAS, AMIGOS E CARPIÑO PUIDERON VOLVER A SÚA CASA, QUE COA CHEGADA DO BO TEMPO ESTÁ PRETO DA PRAIA DE RIAZOR. ESTADES PREPARADAS E PREPARADOS PARA COÑECER QUEN SERÁ O DERRADEIRO ECOPODER?

QUE SORPRESA! IMAXINO QUE ESTAREDES ESTRAÑADAS E ESTRAÑADOS DE QUE SEXA CARPIÑO!! PERO TODO ISTO TEN UN SENTIDO: O SEU AVÓ DON CARPÓN, UNHA DAS CARPAS MÁIS SABIAS E REIVINDICATIVAS COS DEREITOS DOS ANIMAIS MARIÑOS, CONTOULLE UNHA HISTORIA MOI TRISTE QUE ACONTECEU FAI MOITOS ANOS NAS NOSAS AUGAS GALEGAS.

É COÑECIDO QUE, POLA COSTA DA CORUÑA, NAVEGAN BARCOS PETROLEIROS QUE LEVAN LITROS E LITROS DE PETRÓLEO ÁS FÁBRICAS PARA CONVERTELO EN GASOLINA, PLÁSTICO, XOGUETES OU INCLUSO EN ASFALTO PARA FACER CALZADAS.

ANOS ATRÁS, UN PETROLEIRO CHAMADO "MAR EXEO" ENCALLOU CONTRA AS ROCHAS DA TORRE DE HÉRCULES, A CARÓN DA CASA DE CARPIÑO, VERTEU TODO O COMBUSTIBLE E ARDEU NO MAR. O BARCO AFUNDIU ALÍ MESMO. 

ANOS DESPOIS, PASOU UN DESASTRE MOITÍSIMO PEOR. O BUQUE PETROLEIRO "PRESTIGE" TIVO UNHA BRECHA NO CASCO PROVOCADA POR UN TEMPORAL, PARTIUSE EN DOUS, AFUNDIU E O PETRÓLEO VERTEUSE NO MAR. FOI UN GRANDE DESASTRE PARA TODOS OS SERES VIVOS QUE VIVEN NEL. O SEU VERQUIDO, COÑECIDO COMO MAREA NEGRA, MANCHOU CENTOS DE KILÓMETROS DE COSTA.

MILLEIROS DE PERSOAS, CHEGADAS DE TODAS AS PARTES DO MUNDO, AXUDARON A LIMPALA. GRAZAS A ESTA XENTE VOLUNTARIA E COMPROMETIDA CO MEDIO AMBIENTE, PODEMOS DISFRUTAR DOS NOSOS MARES E PRAIAS A DÍA DE HOXE.

CARPIÑO RECORDA CON MOITA EMOCIÓN ESE MOMENTO NO QUE O SEU AVÓ LLE CONTABA ESTA HISTORIA. DENDE AQUELA, INTENTÁRONSE FACER AS COUSAS UN POUCO MELLOR, PERO PRECISAMOS O VOSO COMPROMISO PARA QUE RECORDEDES SEMPRE A CARPIÑO, AMIGAS E AMIGOS, E ISTO NUNCA MÁIS SE VOLVA A REPETIR: 

ESE COMPROMISO POR COIDAR O MAR, FAVORECERÁ QUE TAMÉN COIDEN DE NÓS.

CAMBIAMOS A UN TEMA MÁIS FELIZ? AGORA QUE XA COÑECEDES A MANOLA, A PURA, A RODOLFO, A CARPIÑO, A TOMÁS... CAL VOS GUSTA MÁIS? VOTÁDEOS NA ENQUISA PULSANDO NA IMAXE E ELIXIDE ATA UN MÁXIMO DE 5!! ESTÁN DESEXANDO SABELO E CON ISO, RECIBIREDES O DERRADEIRO CRUÑO DA CREDENCIAL QUE CERTIFICARÁ O VOSO COMPROMISO ECOLOXISTA!!!

ATA PRONTO, NENAS E NENOS!!

SOMBRAS DE MANS PARA A MISIÓN 11

MANOLA, A CARACOLA, ENTEROUSE DE QUE O GRUPO DE ECOLOXISTAS ESTÁ A REVISAR QUE O MAR ESTEA TOTALMENTE LIMPO DO VERQUIDO DA FÁBRICA. ENTRE TANTO, ESTÁN A ESCURAS PORQUE NESTE MOMENTO TAREIXA, A PEIXE LANTERNA, ESTÁ BOTANDO UNHA SESTA. DAR LUZ É MOI CANSO.

ATENDEDE Á FOTO... SODES QUEN DE RECOÑECELOS?

ESTÁN SÚPER IMPACIENTES, XA QUE RECIBIRON UNHA MOREA DE ANIMAIS CON SOMBRAS DAS VOSAS MANS. NON PERDADES OLLO AO SEGUINTE VÍDEO:

RODOLFO, XA AS ESTÁ PRACTICANDO PARA FACER COS SEUS TENTÁCULOS. MOITAS GRAZAS A TODAS E TODOS POR COLABORAR!!!

MISIÓN 11 SUPERADA E NOVO CRUÑO PARA A VOSA CREDENCIAL. ESTA VEZ É DE COR...

DOURADA!!!!!

AO LONGO DESTA SEMANA, RECIBIRIDES A MISIÓN 12, DERRADEIRA MISIÓN DA VOSA CREDENCIAL... ESTADE MOI ATENTAS E ATENTOS!!!

11ª MISIÓN DE CARPIÑO

MANOLA A CARACOLA FOI Á BEIRA DO MAR A TOMAR UN POUCO O SOL, AGORA QUE EMPEZA A VIR O BO TEMPO. ESCOITOU FALAR A OUTRAS CARACOLAS, QUE UNHA FÁBRICA DE METAIS ESTABA BOTANDO UN VERQUIDO VERDE VISCOSO NO MAR, POÑENDO EN PERIGO A TODOS OS SERES VIVOS QUE VIVEN DENTRO OU PRETO DEL.

MANOLA, PREOCUPADÍSIMA, COLLEU A PRIMEIRA CORRENTE MARIÑA QUE VEU, E AVISOU A TODAS E TODOS PARA BUSCAR UN LUGAR ONDE POÑERSE A SALVO. RAPIDAMENTE, COMEZARON A PENSAR QUE PODÍAN FACER. QUICO O GOLFIÑO, QUE É UN MAMÍFERO MOI INTELIXENTE E TEN REMEDIO PARA TODO, ESTABA TAN ENFADADO CO QUE ESTABA OCORRENDO QUE NON ERA QUEN DE ATOPAR UNHA SOLUCIÓN.

DE SÚPETO, RECORDARON QUE A UNHAS DEZ MILLAS DA TORRE DE HÉRCULES, HABÍA UN ANTIGO BARCO PIRATA "BUSCATESOUROS" AFUNDIDO. PODERÍALLES SERVER DE REFUXIO MENTRES AS DONAS E DONOS DA FÁBRICA, COA AXUDA DE ECOLOXISTAS, LIMPABAN TODO O VERQUIDO DO MAR.

PURA A TARTARUGA, QUE SABEDES QUE É MOI COMELLONA, APRESUROUSE EN RECOLECTAR VÍVERES PARA 3 OU 4 DÍAS... E TIVÉRONLLE QUE RECORDAR QUE NON PODERÍA NIN TOCAR A SUSA A MEDUSA.

DESPOIS DE MOITO NADAR... CHEGARON ATA O BARCO:

CANDO ENTRARON Á VELLA FRAGATA PIRATA, ESTABA TODO TAN ESCURO QUE TAREIXA TIVO QUE PRENDER A SÚA LUZ PARA QUE PUIDESEN VER. TAREIXA É UNHA PEIXE LANTERNA... INCRIBLE, VERDADE?

AOS DEZ MINUTOS DE ESTAR ALÍ, ESTABAN MOI ABURRIDAS E ABURRIDOS. O POLBO RODOLFO, QUE É MOI CINÉFILO, OCORRÉUSELLE O SEGUINTE XOGO ARTÍSTICO. ATENTAS E ATENTOS:

QUE FASCINANTE! PERO... RODOLFO QUEDOU SEN NOVAS IDEAS PARA PASAR ESTES DÍAS PECHADOS. XEILA PENSOU QUE ERA UNHA GRAN IDEA PEDIRVOS AXUDA A VÓS E QUE MANDEDES SOMBRAS DE MANS, PARA SEGUIR XOGANDO CON RODOLFO A ADIVIÑAR MOITOS MÁIS ANIMAIS.

ESTA SERÁ A VOSA 11ª ECOMISIÓN: INVESTIGADE, COA AXUDA DAS VOSAS FAMILIAS, COMO FACER DIFERENTES SOMBRAS DE ANIMAIS COAS MANS.

COA AXUDA DUN FOCO, OU DA LUZ DO SOL, E DA FAMILIA FACEDE FOTOS SÓ DA FIGURA DO ANIMAL CREADO, E MANDÁDEAS A pepateca5@gmail.com

COA ECOMISIÓN COMPLETADA, CONSEGUIREMOS UN NOVO CRUÑO PARA A NOSA CREDENCIAL. XA QUEDAN POUCOS... DE QUE COR SERÁ ESTA VEZ?

ATA PRONTO, NENAS E NENOS!!

PRODUTOS DAS TAREFAS INTEGRADAS III

DESPOIS DUNS DÍAS DE INVESTIGACIÓN, INXENIO, CREATIVIDADE E MOITA ACTITUDE CRÍTICA... PODEMOS ENSINARVOS GRANDES RESULTADOS!

• TAREFA INTEGRADA TIC

ORGULLO É O QUE SENTE CARPIÑO DESPOIS DE VER OS VOSOS RESULTADOS NO XOGO DO QUIZIZZ. SE RECORDADES TAN BEN ÁS AMIGAS E AMIGOS DE CARPIÑO, NON ESQUECEREDES NUNCA AS SÚAS ECOAMEAZAS E, POLO TANTO, SEREDES @S MELLORES ECOLOXISTAS QUE PRECISA O NOSO PLANETA NESTES MOMENTOS.

• TAREFA INTEGRADA FILOSOFÍA

O PLÁSTICO DUN SÓ USO QUIZÁS AUMENTOU NAS NOSAS CASAS NESTAS DATAS DE CONFINAMENTO... PERO HAI MOITÍSIMOS COMPROMISOS PARA QUE ESTA SITUACIÓN MELLORE ENTRE TODAS E TODOS, OLLADE:

• TAREFA INTEGRADA LÓXICA-ARTE

CREMOS QUE O ESPAZO FEDELLO, VINCULADO ÁS BIBLIOTECAS DE AULA DO CRA DE CULLEREDO, TAMÉN ESTARÁ PRESENTE NAS VOSAS CASAS DESPOIS DA PROPOSTA DESTA TAREFA INTEGRADA. SAÍRON MOITÍSIMAS BOAS IDEAS... QUE SATISFACCIÓN PODER CONTAR NO CRA CON ESTA COMUNIDADE EDUCATIVA TAN CREATIVA!! MIRADE O VIDEO:

SOLUCIÓN DA MISIÓN 10...

DESPOIS DE DARLLE MOITAS VOLTAS Á CABEZA E INVESTIGAR EN FAMILIA... TEDES UN ALIMENTO FAVORITO PARA CONSEGUIR LUZ COMO ALTERNATIVA AO USO DAS PILAS:

O OVO TIVO 1 VOTO, MAZÁ E PEMENTO 2 E A PATACA 34 VOTOS!!! ESTAREDES NO CERTO? A VER QUE NOS DI O DOUTOR:

COMO A MISIÓN 10 ESTÁ SUPERADA... CARPIÑO MÁNDANOS UN NOVO CRUÑO. BUSCADE O NÚMERO 10 NA CREDENCIAL E O SABEREDES. 

ATA PRONTO, NENAS E NENOS!!

TAREFAS INTEGRADAS III

NESTE TERCEIRO TRIMESTRE AS TAREFAS INTEGRADAS SON COUSA DAS FAMILIAS. ESTAS PROPOSTAS XIRARÍAN DURANTE TODO O TRIMESTRE POLAS ESCOLAS; TODO O ALUMNADO CREARÍA UN PRODUTO FINAL DE CADA UNHA DELAS E UNIFICARÍA A VISIÓN DO NOSO PDI.

NESTE TRIMESTRE FINAL ANALIZAREMOS, INVESTIGAREMOS, CREAREMOS E XOGAREMOS COA MENTE NA REDUCIÓN DO PLÁSTICO NAS NOSAS VIDAS.

ESTAS TRES TAREFAS ESTÁN INSPIRADAS NESTES LIBROS:

A CONTINUACIÓN, VEREDES UNHA BREVE DESCRICIÓN DO FONDO SELECCIONADO E UNHA PEQUENA TAREFA A REALIZAR CON CADA UN DELES. PODEDES ENVIARNOS TEXTOS, FOTOS E VIDEOS DAS PROPOSTAS QUE REALICEDES AO CORREO DA PEPATECA pepateca5@gmail.com 

• 1ª TAREFA INTEGRADA LÓXICA-ARTE

OS ESPAZOS FEDELLOS OU MAKERSPACES POSIBILITAN AO ALUMNADO MÚLTIPLES OPORTUNIDADES DE APRENDIZAXE, DE EXPRESIÓN E CREACIÓN. O OBXECTIVO PRINCIPAL É CONFECCIONAR UN ESPAZO DENTRO DA BIBLIOTECA ONDE SE POIDAN FACER E CREAR COUSAS BASEADAS NA EXPERIENCIA E NA APRENDIZAXE.

NÓS APOSTAMOS POLA CREACIÓN DESTES ESPAZOS CON MATERIAIS SOSTIBLES E QUE REDUZAN O IMPACTO AMBIENTAL: ELEMENTOS NATURAIS, BIODEGRADABLES E REUTILIZAR PLÁSTICOS DUN SÓ USO.

👉TAREFA A REALIZAR: CONFECCIONADE UN ESPAZO FEDELLO NAS VOSAS CASAS, CON MATERIAL SOSTIBLE E FACEDE UNHA CREACIÓN CON EL. PODEDES PICAR NA AVIONETA FEDELLA PARA VER OS QUE TEMOS NAS ESCOLAS:

• 2ª TAREFA INTEGRADA FILOSOFÍA

VÉÑENNOS Á CABEZA GRAN CANTIDADE DE PRODUTOS ENVASADOS SEN OS QUE NON PODERIAMOS VIVIR E AOS QUE RESULTA DIFÍCIL ATOPAR UNHA ALTERNATIVA. O MELLOR É NON DARLLE MOITAS VOLTAS E EMPEZAR... REDUCIR O USO DO PLÁSTICO DUN SÓ USO PODE SER UN XOGO MOI DIVERTIDO.

👉TAREFA A REALIZAR: RECOLLEDE NUNHA CAIXA O PLÁSTICO DUN SÓ USO QUE XENEREDES AO LONGO DE 5 DÍAS DE CONSUMO. PASADOS ESES 5 DÍAS, MEDITADE CAL DELES SERÍA DOADO DE ELIMINAR DA VOSA COMPRA.

MANDÁDENOS NUN TEXTO QUÉ PLÁSTICO/S DUN SÓ USO REDUCÍCHEDES NO CONSUMO... A VOSA PROPOSTA SERÁ ANÓNIMA E XUNT@S FAREMOS UN GRAN FAVOR AO PLANETA.

• 3ª TAREFA INTEGRADA TIC

CERCA DO 10% DE TODO O PLÁSTICO QUE SE FABRICA NO MUNDO ACABA NO MAR. ESTES PLÁSTICOS TEÑEN UN ASPECTO APETECIBLE, O QUE FAI QUE CARPIÑO E AMIG@S POIDAN COMELO E SUFRIR DANOS IRREPARABLES.

👉TAREFA A REALIZAR: COÑECEMOS INFINIDADE DE COUSAS DE CARPIÑO E AMIG@S... QUEREDES DESCUBRIR CANTO SABEDES DELES? 

PULSADE NO DEBUXO DE QUIZIZZ, DESPOIS PULSADE EN "JUGAR CUESTIONARIO" E CONTESTADE ÁS PREGUNTAS DO XOGO... DISFRUTADE FAMILIA!!

PREMIO VII CERTAME LITERARIO

PARA O CERTAME LITERARIO DESTE ANO, TIVEMOS A SORTE DE LER 6 RELATOS CURTOS BAIXO A TEMÁTICA "CANDO SEXA MAIOR... UN PLANETA MELLOR". A DECISIÓN DA MAN DA RESPONSABLE DO EQUIPO DE DINAMIZACIÓN DA LINGUA GALEGA E DO RESPONSABLE DA BIBLIOTECA ESCOLAR ESTIVO COMPLICADA, PERO XA TEMOS UNHA FAMILIA GAÑADORA:

PARABÉNS, FAMILIA!

LETRAS GALEGAS 2020

TODOS OS ANOS, NO CRA DE CULLEREDO, FACEMOS UNHA ROMARÍA PARA LEMBRAR QUE A LINGUA E A CULTURA GALEGA TEÑEN QUE MEDRAR CON NÓS. FIXEMOS A SEGUINTE PROPOSTA TELEMÁTICA PARA AS FAMILIAS:

AS

AS FAMILIAS E O PROFESORADO PARTICIPARON NOS DIFERENTES OBRADOIROS DUN XEITO EXEMPLAR:

O PROFESORADO AGRADECE ÁS FAMILIAS O SEU TRABALLO NESTE MOMENTO INCERTO, CUN VIDEO CANTANDO AOS MAIOS DE XEITO CONFINADO, MIRADE:

10ª MISIÓN DE CARPIÑO

QUE SORPRESA TAN GRANDE! XA TEMOS NOTICIAS DE CARPIÑO! 

AS SÚAS AMIGAS E AMIGOS MANDÁRONNOS UNHA FOTO SELFIE MENTRES CANTABAN O ÉXITO DESTA TEMPADA: A CANCIÓN DE CARPIÑO!

AHHH! PERO QUE PASA? NESTA FOTO APARECE UNHA NOVA AMIGA. FIXÁDEVOS, TEDES UNS SEGUNDIÑOS A VER SE A ATOPADES...

EFECTIVAMENTE... É SUSA A MEDUSA! AS MEDUSAS ATACAN COAS SÚAS CÉLULAS URTICANTES AO NOSO SISTEMA NERVIOSO PARA DEFENDERSE. A PICADURA DÁ UNHA SENSACIÓN DE DESCARGA ELÉCTRICA, PERO ELAS POR SI MESMAS NON PRODUCEN ELECTRICIDADE. SUSA PERTENCE Á FAMILIA DAS MEDUSAS LUMINISCENTES... E ISO QUE QUERE DICIR? SUSA É CAPAZ DE BRILLAR NA OSCURIDADE E ASÍ ATRAEN AS SÚAS PRESAS.

NO MAR NON ENTENDEN: POR QUE A XENTE USA PILAS E DESPOIS DO USO AS TIRAN AO MAR, SE SUSA PODE ALUMEAR DUN XEITO NATURAL POR SI MESMA? O MAL USO DAS PILAS ESTÁ APAGANDO A SÚA LUZ E A VIDA MARIÑA EN XERAL.

QUE VOS PARECE SE LLE PEDIMOS AXUDA A UN CIENTÍFICO DE MOITA SONA NA NOSA CONTORNA, E LLE PREGUNTAMOS SE É POSIBLE CONSEGUIR LUZ DUN XEITO NATURAL SEN EMPREGAR PILAS? ATENTAS E ATENTOS:

INVESTIGADE EN FAMILIA E ELIXIDE A RESPOSTA CORRECTA Á PREGUNTA E DÁDELLE A ENVIAR... A SEMANA PRÓXIMA SABEREMOS A SOLUCIÓN! ATA PRONTO!

MISIÓN 9... SUPERADA?

NON VOS PODEDES IMAXINAR QUE CONTENTAS E CONTENTOS SE PUXERON NO FONDO DO MAR CO VOSO KARAOKE DA CANCIÓN DE CARPIÑO!!!

MANOLA A CARACOLA NON PARA DE CANTALA E ALEXO O CANGREXO ACOMPÁÑAA AOS METAIS... É UN FESTÍN!!!

MARABILLOSA CREACIÓN, EQUIPO!!!

MISIÓN 9 SUPERADA E, POR SUPOSTO, UN NOVO CRUÑO PARA A VOSA CREDENCIAL!! MIRADE DE QUE COR É:

NUNS DÍAS RECIBIREDES A MISIÓN 10... ATA PRONTO!!

(MOITAS GRAZAS FAMILIAS!!)

9ª MISIÓN DE CARPIÑO

CARPIÑO NON PARA DE DARLLE VOLTAS A SÚA CABECIÑA, PARA QUE RESOLVAMOS O RESTO DAS MISIÓNS E COÑEZAMOS AOS AMIGOS E ÁS AMIGAS QUE QUEDAN. NON PARA DE NADAR... MIRADE:

NA MISIÓN 9 PRESÉNTANOS AO SEU AMIGO ALEXO, O CANGREXO. É UN CRUSTÁCEO MOI MARCHOSO QUE ESTÁ TODO O DÍA CANTARUXEANDO. NOS SEUS PASEOS DE COSTADO PERCORRE AS PROFUNDIDADES DO MAR E COAS SÚAS 10 PATIÑAS CHOCA CON TODAS AS COUSAS QUE ESTÁN SOMERXIDAS.

DE AQUÍ A UNS ANOS, NOS DIFERENTES MARES E OCÉANOS HAI MOITAS COUSAS METÁLICAS QUE FORON ABANDONADAS POR ESTAR EN MAL ESTADO OU SER INSERVIBLES: XOGUETES, ELECTRODOMÉSTICOS, CARRIÑOS DE COMPRA... ALEXO NON SABE MOI BEN QUE FAN ESAS COUSAS AÍ.

ALEXO É UN DOS POUCOS ANIMAIS DO MUNDO QUE É CARACTERÍSTICO POLA SÚA FORMA DE CAMIÑAR DE LADO... QUE VOS PARECE SE CAMIÑAMOS DE LADO NO TEMPO E LLE DAMOS UNHA SEGUNDA UTILIDADE AOS METAIS QUE TEMOS NA CASA? BUSCADE COUSAS QUE SEXAN METÁLICAS AO VOSO ARREDOR, PORQUE CONVERTIRASEN EN INSTRUMENTOS MUSICAIS: CULLERES, GARFOS, TAPAS DAS POTAS, PATAS DAS MESAS... 

PRACTICADE UN POUCO PORQUE... HAI SORPRESA!!!! 

USAREMOS A NOSA VOZ E O ACOMPAÑAMENTO METÁLICO PARA CANTAR NUN KARAOKE ESPECIAL A CANCIÓN OFICIAL DE CARPIÑO!!!

TEDES DÚAS PISTAS PARA PRACTICAR:

PISTA 1: COÑECEREMOS E APRENDEMOS A CANCIÓN DE CARPIÑO

PISTA 2: KARAOKE DA CANCIÓN DE CARPIÑO; O VOSO TURNO!!

GRAVADE EN AUDIO E/OU EN VÍDEO AS VOSAS VOCES E FACEDE SOAR METAIS, COMO APORTACIÓN Á CANCIÓN DE CARPIÑO. MANDÁDEO AO CORREO DA PEPATECA pepateca5@gmail.com ANTES DO 8 DE MAIO. O RESULTADO SERÁ UNHA OBRA DE ARTE PARA OS NOSOS OÍDOS, VEREDES COMO SIIIII.

CANDO CARPIÑO A POIDA ESCOITAR, MANDARANOS UN NOVO SELO DE MISIÓN SUPERADA PARA A NOSA CREDENCIAL. DE QUE COR SERÁ ESTA VEZ?

ATA PRONTO, NENAS E NENOS!!!