CONTICRA DE NADAL

HOXE CELEBRAMOS NA SEDE DO CRA O FESTIVAL DE NADAL. VISITOUNOS PAPÁ NOEL, CANTAMOS, BAILAMOS E MERENDAMOS TODAS E TODOS XUNTOS.

PASÁMOLO XENIAL ESCOITANDO A HISTORIA DE "O HOME PAU", UNHA APAPTACIÓN DA OBRA DE JULIA DONALDSON.

A PARTIR DE AGORA, CANDO VEXAMOS UN PAU NO BOSQUE OU NO NOSO CAMIÑO TEREMOS UN POUCO MÁIS DE RESPECTO, PORQUE AINDA QUE SEXA UN PAU, SEGURO TEN UN HISTORIA IMPORTANTE DETRÁS DEL...

BO NADAL A TODAS E TODOS!!

GUÍA DE LECTURA - NADAL 2019 "LER NO NADAL É FENOMENAL"

O EQUIPO DA BIBLIOTECA DO CRA DE CULLEREDO DESÉXAVOS BO NADAL E FELIZ ANO NOVO 2020!

IMPORTANCIA DOS DEREITOS

O 20 DE NOVEMBRO CONMEMORAMOS O DÍA DOS DEREITOS DAS NENAS E DOS NENOS, E O 10 DE DECEMBRO OS DEREITOS HUMANOS.

ESTAS SEMANAS ESTIVEMOS COÑECÉNDOOS NA AULA, COA LECTURA DO LIBRO:

O NOSO MEDIO NATURAL PRECISABA UNS DEREITOS COMO OS NOSOS E ENTRE TODO O ALUMNADO FIXEMOS UN DECÁLOGO PARA AS ÁRBORES. NON SERÍA FABULOSO QUE TODAS E TODOS AS TIVERAMOS MÁIS EN CONTA???

DECÁLOGO AMBIENTAL

COAS ACHEGAS QUE AS FAMILIAS NOS FIXERON CHEGAR AO COLE, ELABORAMOS UN "DECÁLOGO AMBIENTAL", E ASÍ AXUDAR AO NOSO PLANETA:

NAS AULAS, COA AXUDA DOS ESCORNABOTS, FOMOS ANALIZANDO E DESCuBRINDO CADA PUNTO DOS 10 DO QUE SE CONFORMA.

ESPERAMOS AS VOSAS FOTOS PARA SEGUIR TRABALLANDO EN TORNO AO DECÁLOGO QUE VÓS MESMOS FIXÉCHEDES POSIBLE.

CARPIÑO NO AQUARIUM

NA VISITA Á LONXA E AO AQUARIUM FINISTERRAE DESCUBRIMOS MOITAS COUSAS INTERESANTES, PERO SE TEMOS QUE RESALTAR ALGUNHA É VER A GASTÓN EN NAUTILUS E COÑECER AO NOSO AMIGO CARPIÑO... MIRADE QUE EMOCIONANTE FOI:

2ª MISIÓN DE CARPIÑO

CHEGOU A 2º MISIÓN AO CRA DE CULLEREDO. NESTA OCASIÓN CARPIÑO MANDOUNOS UNHAS PINZAS DE MADEIRA PARA DECORAR E UNHA REDE PANTASMA* PARA CONSTRUIR UN ESPAZO A FAVOR DO MEDIO AMBIENTE NAS AULAS.

AS REDES PANTASMA AMEAZAN A VIDA NO FONDO DO MAR, DIVERSOS ANIMAIS QUEDAN ATRAPADOS NELAS E PRECISAN DA AXUDA DO ECOPODER DE LARA, A PEIXE ESPADA.

TRABALLAMOS EN EQUIPO E O RESULTADO FOI MOI CREATIVO; AS REDES PANTASMA TEÑEN UNHA SEGUNDA VIDA DE VALOR ARTÍSTICO:

*Agradecemos ao barco OLNADI de Sada pola aportación das redes pantasma que temos nesta actividade.
AGARDAMOS CON ILUSIÓN A 3ª MISIÓN!!

1ª MISIÓN DE CARPIÑO

RECIBIMOS NAS AULAS A 1ª MISIÓN DE CARPIÑO E A 1ª CARTA DO XOGO: A ECOAMEAZA DO RUIDO. CARPIÑO DÍXONOS QUE ERA UNHA CONTAMINACIÓN ACÚSTICA PERXUDICAL E, NOS SONARES E RADARES, ALTERA A MIGRACIÓN, A COMUNICACIÓN E A CAZA DE ESPECIES MARIÑAS.

NA BOLSA DE TEA ENVIOUNOS UN MEGÁFONO E A MISIÓN QUE NOS ENCOMENDOU FOI CREAR MENSAXES ECOLÓXICAS E GRITALAS AOS CATRO VENTOS, PARA QUE TODAS E TODOS SEXAMOS CONSCIENTES DA IMPORTANCIA DO MEDIO.

AXUDÁMONOS DO LIBRO "EL GRAN LIBRO DE LA ECOLOGÍA" PARA CREAR AS NOSAS MENSAXES. MIRADE E ESCOITADE CON MOITA ATENCIÓN:

CONTICRA DE SAMAIN

O MÉRCORES 29 DE OUTUBRO CELEBRAMOS NA TORRE DE CELAS O SAMAÍN E O MAGOSTO. PARA CELEBRAR ESTA TRADICIONAL CONMEMORACIÓN VISITÁRONNOS TRES ESQUELETES, UNHA BRUXA, UNHA PANTASMA E UN VAMPIRO... CUNHA HUMILDE ADAPTACIÓN DO CONTO "OS ESQUELETOS DIVERTIDOS" DE KALANDRAKA.

PASÁMOLO DE MEDO... HOUBO MOITAS EMOCIÓNS!!

PODEDES VER O VIDEO DA FESTA SE PULSADES NA IMAXE.

AS CREDENCIAIS DE CARPIÑO

CARPIÑO ENVÍANOS UNHA MENSAXE NA SÚA BOTELLA E FAINOS ENTREGA DAS CREDENCIAIS DAS ECOMISIÓNS; ESTAS CREDENCIAIS CERTIFICARÁN O NOSO COMPROMISO CO MEDIO AMBIENTE, CO MAR E COS SERES VIVOS QUE NEL VIVEN. AO LONGO DAS SEMANAS RECIBIREMOS 12 MISIÓNS CON DOUS TIPOS DE CARTAS: ECOPODERES E ECOAMEAZAS.

EN EQUIPO CONSEGUIREMOS AXUDARTE, CARPIÑO!!

DÍA DAS BIBLIOTECAS ESCOLARES

ESTE ANO PARA FESTEXAR O DÍA DAS BIBLIOTECAS ESCOLARES REFLEXIONAMOS SOBRE O CARTEL QUE NOS ILUSTRA ÓSCAR VILLÁN, QUE EVOCA DIVERSAS SITUACIÓNS QUE UNHA BIBLIOTECA ESCOLAR PODE FACILITAR. ESTE "VIVEIRO DE CIDADANÍA" TRABALLÁMOLO CO NOSO ALUMNADO, COA REFLEXIÓN, O DIÁLOGO E OS ESCORNABOTS. MIRADE CON ATENCIÓN:

PRÉSTAMO DE ADULTOS

HOXE COMEZA O PRÉSTAMO DE ADULTOS DO CRA DE CULLEREDO. DESDE HOXE ATA O MES DE MAIO AS NOSAS FAMILIAS RECIBIRÁN OS FONDOS SOLICITADOS NAS SÚAS PETICIÓNS. NESTE CURSO CONTAMOS CUN TOTAL DE 17 FAMILIAS LECTORAS. GRAZAS A TODAS POR PARTICIPAR!!

ESCOLA DE NAIS E PAIS I

INICIAMOS A ESCOLA DE NAIS E PAIS CO OBRADOIRO DE FONDOS DA PEPATECA. AS FAMILIAS PARTICIPARON DUNHA FORMACIÓN DE USUARIOS EXPRÉS E COÑECERON XOGANDO OS FONDOS FAVORITOS DO NOSO ALUMNADO. FOI UNHA EXPERENCIA COMPARTIDA E XA ESPERAMOS A SEGUINTE.

ESPAZO FEDELLO

XA ESTÁN NAS ESCOLAS E A PLENO RENDEMENTO OS NOSOS ESPAZOS FEDELLO CREADOS DURANTE O CURSO PASADO. 

OS NENOS E NENAS PODERÁN "FEDELLAR" NAS SÚAS AULAS BEN CON PARAFUSOS, IMANES, TEAS, ABALORIOS OU CIRCUITOS.

RECORDAMOS QUE ESTES ESPAZOS ROTAN CADA TREMESTRE COAS BIBLIOTECAS DE AULA.

AQUÍ TEDES ALGUNHAS DAS CREACIÓNS DESTES PRIMEIROS DÍAS!!!

CARPIÑO, A CARPA PEQUENA

ESTA SEMANA NAS NOSAS ESCOLAS OCORRERON COUSAS FANTÁSTICAS. 

PRIMEIRO, RECIBIMOS UNHA MENSAXE DO CACO DE PEPA NO NOSO CORREO DA PEPATECA... ESCOITADE CON ATENCIÓN:

NESTA MENSAXE INVITÁBANOS A AXUDAR A ALGUÉN QUE NON COÑECIAMOS.  TODAS E TODOS DECIDIMOS COLABORAR!!! O CACO PREPAROUNOS UN BREAKOUT PARA QUE SOUBERAMOS DE QUEN SE TRABABA: BOLIS LANTERNA, MENSAXES SEGREDAS, ACRÓSTICOS...

ASÍ FOI COMO COÑECIMOS A CARPIÑO, UNHA CARPA PEQUENA... EMOCIONOUNOS MOITO, EMPATIZAMOS CON ELA E COMEZAMOS A DAR ALTERNATIVAS POSITIVAS PARA AXUDALA:

TAREFAS INTEGRADAS I

DAMOS POR INAUGURADO O INICIO DAS TAREFAS INTEGRADAS DESTE CURSO. NESTE PRIMEIRO TRIMESTE, O NOSO ALUMNADO VALORARÁ A IMPORTANCIA DOS ALIMENTOS, DAS ARBORES E DA RESPIRACIÓN PARA A VIDA; TAMÉN NOS FIXAREMOS NAS VIAXES AO REDOR DO MUNDO PARA COÑECER O PLANETA NO QUE VIVIMOS E FAREMOS ARTE NATURAL CON COUSAS RECOLLIDAS NA CONTORNA.

OS FONDOS ELIXIDOS PARA ACADAR TAL FIN SON OS SEGUINTES: