MERCADO SOLIDARIO: O PRODUTO FINAL DO NOSO PDI

O VENRES 15 DE MAIO LEVAMOS A CABO O PRODUTO FINAL DO NOSO PDI "RAÍCES COMPARTIDAS" CUN MERCADO SOLIDARIO QUE TIVO UNHA ACOLLIDA EXTRAORDINARIA POR PAR DE TODA A COMUNIDADE ESDUCATIVA.

GRAZAS Á SOLIDARIDADE E IMPLICACIÓN DE TODOS E TODAS CONSEGUIMOS RECOLLER MÁIS DE 400 KG DE COMIDA NON PERECEDERA.

ESTE PROXECTO PERMITIUNOS APRENDER, COMPARTIR E REFLEXIONAR SOBRE A IMPORTANCIA DAS NOSAS RAÍCES, DA COOPERACIÓN E DO COMPROMISO SOCIAL, SEN ESQUECER O COIDADO DO MEDIO AMBIENTE E A NECESIDADE DE CONSTRUÍR HÁBITOS MÁIS SOSTIBLES PARA O FUTURO.

QUEREMOS AGRADECER DE CORAZÓN TODA A COLABORACIÓN, PARTICIPACIÓN E XENEROSIDADE DEMOSTRADA AO LONGO DESTA INICIATIVA. ENTRE TODOS E TODAS SEGUIMOS SEMENTANDO VALORAS NA NOSA SOCIEDADE.

AQUÍ TEDES UN PEQUENO VIDEO SOBRE ESTE DÍA!!!!

SEMILLEIROS

O LIBRO "SEMILLAS" CÓNTANOS UNHA HISTORIA CHEA DE AMOR E COIDADOS, OS QUE PRECISAN AS SEMENTES PARA CONVERTERSE EN PLANTAS E DAR OS SEUS FROITOS OU FLORES.

OS SEMILLEIROS PERMÍTENOS VER COMO DESDE UNHA PEQUENA SEMENTE PODEMOS OBTER UNHA PLANTA OU ÁRBORE. PERO DEBEMOS TER EN CONTA QUE É PRECISO DARLLE OS COIDADOS NECESARIOS E MOITO CARIÑO PARA PODER OBTER DELAS ALIMENTOS PARA ELABORAR DELICIOSAS RECEITAS, OU BONITAS PLANTAS E FLORES PARA DECORAR O NOSO FOGAR OU A ESCOLA.

NAS NOSAS ESCOLAS SOMOS MOI RESPONSABLES E GRANDES GARDIÁNS DA NATUREZA POLO QUE TIVEMOS UNHA MISIÓN MOI IMPORTANTE: FACER SEMILLEIROS QUE SERÁN INTERCAMBIADOS POR ALIMENTOS O DÍA DO NOSO MERCADO SOLIDARIO.

PERO PARA ELO INVESTIGAMOS SOBRE OS SEUS COIDADOS PARA QUE A SEMENTE BROTE, MEDRE E SE CONVERTA NUHHA PRECIOSA PLANTA. E PARA QUE O RESTO DA NOSA COMUNIDADE ESDUCATIVA SAIBA SOBRE OS SEUS COIDADOS O NOSO ALUMNADO ELABOROU UNHA PEQUENA RESEÑA QUE PODEDES CONSULTAR CANDO PRECISEDES.

CERTAME FOTOGRÁFICO

O LIBRO "ZERO WASTE PARA SALVER EL MUNDO" OFRÉCENOS UNHA GUÍA PARA UNHA VIDA SOSTIBLE E DESTA FORMA REDUCIR O NOSO IMPACTO MEDIOAMBIENTAL. 

ESTE CURSO O PROXECTO VOZ NATURA IMPULSA AS INICIATIVAS PARA ACTUAR FRONTE Á CRISE CLIMÁTICA.

POR ISO É IMPORTANTE QUE TODOS E TODAS SEXAMOS CONSCIENTES DO VALOR DE PEQUENOS XESTOS DA VIDA COTIÁ QUE AXUDAN A PROTEXER O MEDIOAMBIENTE E FREAR A CRISE CLIMÁTICA: USAR BOTELLAS REUTILIZABLES, USAR BOLSAS DE TEA, USAR O TRANSPORTE PÚBLICO.

NESTA TAREFA DOCUMENTAL INTEGRADA, PEDIMOS AXUDA ÁS FAMILIAS PARA CONCIENCIAR DA IMPORTANCIA DE COIDAR O PLANETA PARA ASÍ PROTEXER O NOSO FUTURO.

LEVAMOS A CABO UN CERTAME FOTOGRÁFICO CO LEMA "DALLE VOZ AO PLANETA" NO QUE AS FAMILIAS CREARON VERDADEIRAS OBRAS DE ARTE E QUE EXPUXEMOS POSTERIORMENTE O DÍA DO PRODUTO FINAL DO NOSO PDI E NA NOSA TRADICIONAL ROMARÍA.

GRAZAS FAMILIAS POR DARLLE VOZ AO PLANETA!!!!

OBRADOIRO DE XOGUETES

O LIBRO "JUGUETES DE LA NATURALEZA" AMÓSANOS OS XOGUETES QUE OS NOSOS AVÓS E AVOAS E INCLUSO OS NOSOS BISAVÓS E BISAVOAS ELABORABAN CON ELEMENTOS DA NATUREZA EN CALQUERA MOMENTO E LUGAR PARA DISFRUTAR DUN MOMENTO DE XOGO COS AMIGOS E AMIGAS.

TODAS E TODOS TEMOS NA CASA MOITOS XOGUETES QUE MERCAMOS OU QUE NOS AGASALLAN, E TODOS ELES MÉRCANSE NUNHA TENDA E SON FABRICADOS EN GRANDES FÁBRICAS, PERO A REALIDADE DOS NOSOS ANTEPASADOS ERA OUTRA, ELES E ELAS FABRICABAN OS SEUS PROPIOS XOGUETES CON ELEMENTOS QUE ATOPABAN NA NATUREZA.

ASÍ, NOS PUXEMOS NA SÚA PEL E FABRICAMOS EN EQUIPO DISTINTOS XOGOS E XOGUETES CON ELEMENTOS RECOLLIDOS DA NATUREZA E ELEMENTOS DE REFUGALLO.

AXÓUXERES, TAUMÁTROPOS, SAQUIÑOS AROMÁTICOS, COROAS DE FLORES E PAUS DE CHUVIA FORON OS XOGUETES ESCOLLIDOS POLAS NOSAS ESCOLAS PARA FABRICAR E POSTERIORMENTE LEVAR AO NOSO MERCADO SOLIDARIO.

TODO UN ÉXITO!!!!!

ESPAZOS FEDELLO

ESTE TRIMESTRE COMEZARON A ROTAR POLAS ESCOLAS OS NOVOS ESPAZOS FEDELLO. 

ARTE, CREACIÓN, INCLUSIÓN, LÓXICA, EXPERIMENTACIÓN E DIVERSIÓN MESTURARANSE EN PROPOSTAS E RETOS PENSADOS PARA DESCUBRIR, COMPARTIR, APRENDER E FEDELLAR EN EQUIPO.

UNHA OPORTUNIDADE PARA EXPLORAR, CREAR E DESFRUTAR A TRAVÉS DO XOGO E DA CURIOSIDADE.

GUÍA DE ÁRBORES

NO LIBRO "INVENTARIO DE ÁRBORES" PODEMOS ATOPAR ÁRBORES DE TODO O MUNDO OFRECENDO CERTAS INFORMACIÓNS SOBRE CADA UNHA DELAS.

AS ÁRBORES SON DE GRAN IMPORTANCIA PARA OS SERES VIVOS: LIMPAN O AIRE E PROPORCIONAN OSÍXENO, EVITAN A EROSIÓN, SIRVEN COMO HÁBITAT E ALIMENTO PARA MOITAS ESPECIES...

A CONTORNA DAS NOSAS ESCOLAS ESTÁ CHEA DE MULTITUDE DE ÁRBORES DIFERENTES QUE NOS DAN ALIMENTO, SOMBRA...

O NOSO ALUMNADO OBSERVOU A CONTORNA E INVESTIGOU EN EQUIPO PARA DESCUBRIR QUE TIPO DE ÁRBORES TEMOS NAS ESCOLAS.

CON TODAS ELAS ELABORAMOS UN REXISTRO DA FLORA DAS NOSAS ESCOLAS!

XORNADAS DE CLUBS DE LECTURA

EN SANTIAGO CELEBRÁRONSE AS XVIII XORNADAS DE CLUBS DE LECTURA, ONDE VANESSA, NAI DUN ALUMNO DE SESÁMO, COMPARTIU A SÚA EXPERIENCIA NO CLUB DE LECTURA ENTRE FAMILIAS E PROFESORADO DO NOSO CENTRO.

FOI UN AUTÉNTICO PRACER ESCOITARTE. 

QUEREMOS AGRADECERCHE ESPECIALMENTE AS TÚAS PALABRAS E A FORMA TAN FERMOSA NA QUE FALACHES DA NOSA INICIATIVA. GRAZAS, VANESSA! 

OBRADOIRO BIBLIOTECA CREATIVA

TIVEMOS O PRACER DE COMPARTIR UN OBRADOIRO CON CARLOS GALLEGO, DENTRO DO PROGRAMA BIBLIOTECA CREATIVA. 

COÑECEMOS A UN ARTISTA E ILUSTRADOR QUE NOS ENSINOU QUE TAMÉN SE PODE PINTAR... RASGANDO PAPEL!!

GRAZAS, CARLOS, POR ACHEGARNOS Á TÉCNICA DO COLLAGE E POR FACER DESTA EXPERIENCIA ALGO ÚNICO.

LECTURAS COMPARTIDAS

O DÍA DO LIBRO É, SEN DÚBIDA, UN DOS NOSOS MOMENTOS FAVORITOS DO ANO.

PO ISO, AO LONGO DESTA SEMANA FIXEMOS LECTURAS COMPARTIDAS COAS FAMILIAS.

COMO PEQUENO AGRADECIMENTO, LEVÁRONSE UN DETALLE CREADO COA NOSA IMPRESORA 3D, INSPIRADO NO NOSO PDI: "RAÍCES COMPARTIDAS"

FOI UN VERDADEIRO PRAZER ENCHER AS AULAS COS VASOS CONTOS PREFERIDOS.

GRAZAS FAMILIAS!!!!

LECTURA E FAMILIAS

HOXE TIVEMOS A SORTE DE CONTAR CON SOLEDAD FELLOZA DENTRO DO PROGRAMA "LECTURA E FAMILIAS".

NO SEU OBRADOIRO, E COA COLABORACIÓN DAS FAMILIAS, PREPARAMOS UN DELICIOSO MENÚ DE LIBROS QUE CONVIDAMOS A DEGUSTAR A TODAS E TODOS. CANTA FAME DE LIBROS!!!

MOITAS GRAZAS SOLE!

VII OBRADOIRO DA ESCOLA DE NAIS E PAIS

HOXE CELEBOROUSE O VII OBRAOIRO DA ESCOLA DE NAIS E PAIS, GUIADO POR RAQUEL, NAI DUNHA ALUMNA DA ESCOLA DE VINSEIRA.

NESTA OCASIÓN APRENDEMOS A CAPTURAR PEQUENOS ANACOS DE NATUREZA EN RESINA, TRANSFORMÁNDOOS EN AUTÉNTICAS XOIAS, AO TEMPO QUE PUXEMOS EN VALOR O TRABALLO ARTESANAL.

MOITAS GRAZAS RAQUEL POR COMPARTIR O TEU TALENTO E COÑECEMENTO CON TODA A NOSA COMUNIDADE.

A NOSA HORTA

O LIBRO "A HORTA DE SIMÓN" CÓNTANOS COMO SIMÓN COA CHEGADA DA PRIMAVERA PUXO EN FUNCIONAMENTO A SÚA HORTA. EL SÓ PRANTOU CENORIAS PERO DESPÓIS COA AXUDA DOS SEUS AMIGOS E AMIGAS FOROS SMENTANDO MÁIS COUSAS E A HORTA DE SIMÓN CONVERTEUSE NA HORTA DE TODOS E TODAS.

A HORTA É XA UNHA PARTE MÁIS DOS NOSOS PATIOS, E COMA SIMÓN E OS SEUS AMIGOS SEMENTAMOS E PRANTAMOS DISTINTOS PRODUTOS QUE, EN OCASIÓNS, DEGUSTAMOS NA ESCOLA. É UN EIXO MARAVILLOSO DE FOMENTAR UNHA ALIMENTACIÓN SAUDABLE, TRABALLAR EN EQUIPO E COIDAR O MEDIO AMBIENTE.

CON ESTA TAREFA PUXÉRONSE EN FUNCIONAMENTO A HORTA E OS SEMILLEIROS DAS NOSAS ESCOLAS. IDENTIFICAMOS E REXISTRAMOS OS DISTINTOS PRODUTOS QUE PLANTÁRONSE E RECOLECTÁRONSE NA HORTA E ASÍ ELABORAMOS UN CALENDARIO DE CULTIVOS QUE SE IRÁ COMPLETANDO NOS PRÓXIMOS MESES.

CLUB LECTURA: "LECCIONES DE QUÍMICA"

HOXE ENTREGAMOS OS EXEMPLARES DE "LECCIONES DE QUÍMICA" DE BONNIE GARMUS PARA O NOSO CLUB DE LECTURA DE FAMILIAS E PROFESORADO.

PARTICIPAMOS 27 PERSOAS, ENTRE ELAS 19 FAMILIAS, O QUE ENCHE DE VIDA E ILUSIÓN ESTE PROXECTO COMPARTIDO.

QUEREMOS AGRADECER ESPECIALMENTE A BUFOLECTOR, A BIBLIOTECA DO CIEP PLURILINGÜE SOFÍA CASANOVA DE CULLEREDO, POLO PRÉSTAMO DA MAIOR PARTE DOS FONDOS.

GRAZAS POR FORMAR PARTE DESTA AVENTURA LECTORA. VÉMONOS O 1 DE XUÑO.

RECICLAXE DE PAPEL

NO LIBRO "PAPEL ARTESANAL CON MATERIALES NATURALES" ATOPAMOS 25 RECEITAS PARA ELABORAR PAPEL A PARTIR DE MATERIAIS NATURAIS, RECICLABES E EMPREGANDO PLANTAS E 21 PROXECTOS QUE SE PODEN LEVAR A CABO CON ESTE PAPEL NATURAL.

CANDO APARECERON OS ORDENADORES PENSOUSE QUE NAS OFICINAS E NAS ESCOLAS XA NON SE USARÍA O PAPEL E OS LIBROS DESAPARECERÍAN; PERO POR SORTE NON FOI ASÍ, E CONTINUAMOS A DISFRUTAR DE LIBROS CHEOS DE HISTORIAS QUE TANTO NOS GUNSTAN E DEBUXANDO E ESCRIBINDO DE FORMA CREATIVA. PERO EN OCASIÓNS AOS REMATAR ALGUNHA ACTIVIDADE TIRAMOS O PAPEL AO LIXO OU NON APROVEITAMOS AS DÚAS CARAS DO FOLIO DESPERDICIANDO GRAN CANTIDADE DE PAPEL O QUE CONTRIBUE A XERAR MÁIS RESIDUOS E A AUMENTAR A CONTAMINACIÓN DO PLANETA, PODEMOS FACER ALGO PARA EVITAR ISTO?

NESTA TAREFA DE APRENDIZAXE INTEGRADA INVESTIGAMOS A RECICLAXE DE PAPEL E COMO PODER FACELO NÓS MESMAS E NÓS MESMOS. 

PUXÉMONOS MANS Á OBRA E ELABORAMOS FOLLAS DE PAPEL DECORADAS QUE DEPÓIS USAMOS PARA CREAR MARCAPÁXINAS E QUE INTERCAMBIAMOS NO NOSO MERCADO SOLIDARIO.

TODO UN ÉXITO!!!!

VI OBRADOIRO DA ESCOLA DE NAIS E PAIS

HOXE FEDELLAMOS NO VI OBRADOIRO DA ESCOLA DE NAIS E PAIS COA MESTRA RAQUEL.

EXPERIMENTAMOS CON MATERIAIS DA BIBLIOTECA CREATIVA QUE FOMENTAN A CREACIÓN, A EXPERIMENTACIÓN, A INCLUSIÓN E A INVESTIGACIÓN... E QUE MOI PRONTO ESTARÁN TAMÉN NAS SECCIÓNS DAS BIBLIOTECAS DAS NOSAS ESCOLAS.

GRAZAS RAQUEL!!