14 FEBREIRO, DÍA DO AMOR

ENCÁNTANOS QUE O AMOR ESTEA PRESENTE NAS NOSAS AULAS COMO EMOCIÓN E SENTIMENTO QUE NOS PROPORCIONA BENESTAR, POR ISO NON QUIXEMOS ESQUECER ESTE DÍA E O CELEBRAMOS CUN PEQUENO ROBOT CHAMADO OZOBOT. IDENTIFICAMOS MOVEMENTOS E CORES PARA DESPOIS OBSERVAR O PERCORRIDO FEITO.

5ª MISIÓN DE CARPIÑO

SABEDES CAL É A PRIMEIRA FONTE DE LIXO MUNDIAL? AS CABICHAS... UN AMIGO DE CARPIÑO, QUICO O GOLFIÑO, PÍDENOS AXUDA PARA LIMPAR AS PRAIAS DESTE COMPOÑENTE TAN PERXUDICIAL. ESCRIBIMOS UNHA NOTA E AGASALLAMOS A ALGÚN FAMILIAR OU AMISTADE DO NOSO CÍRCULO PRÓXIMO CUN CINCEIRO PARA CABICHAS. 

QUEREMOS QUE QUICO VOLVA A BRINCAR NAS PRAIAS DA NOSA CONTORNA MOI PRONTO. GRAZAS A TODAS E TODOS!!!

*Agradecemos a Medio Ambiente do Concello de Arteixo pola aportación dos cinceiros para a realización desta actividade.

4ª MISIÓN DE CARPIÑO

A TARTARUGA PURA É A ECOPODER AMIGA DE CARPIÑO QUE COÑECIMOS NESTA MISIÓN E SABEMOS QUE É MOI COMELLONA. GÚSTALLE COMER CORAIS, ALGAS, PEQUENOS POLBOS E MEDUSAS, PERO HAI DÚAS ECOAMEAZAS QUE ESTÁN PERXUDICANDO A SÚA CALIDADE DE VIDA: OS ENVOLTORIOS E AS BOLSAS DE PLÁSTICO. O SEU PARECIDO COAS MEDUSAS, TRÁELLE GRAVES PROBLEMAS DE SAÚDE.

FACER UNHA TARTARUGA CO ROBOT MIND DESIGNER, PEGARLLE OS ENVOLTORIOS DAS NOSAS MERENDAS, DECORALA E RECORDAR A IMPORTANCIA DO BO USO DOS MESMOS NA SOCIEDADE, FOI UNHA MISIÓN MOI CONCIENZADORA PARA NÓS E AS NOSAS FAMILIAS.