OBRADOIRO DE ESPAZOS FEDELLO

POÑEMOS BROCHE FINAL CO DERRADEIRO OBRADOIRO DA ESCOLA DE NAIS E PAIS DESTE CURSO. NESTA OCASIÓN, DÉMOSLLE PROTAGONISMO AOS ESPAZOS FEDELLO, QUE FORMAN PARTE DOS RECURSOS CREATIVOS DENTRO DAS NOSAS BIBLIOTECAS DE AULA. 

SABELA DESPÍDESE DE RÍO CON SORPRESA!!

EN BRASIL CONMEMORARON O DÍA DAS LETRAS GALEGAS COAS 25 PALABRAS MÁIS FERMOSAS DA NOSA LINGUA.

SABELA ENVIOUNOS UNHA POSTAL DA MARABILLOSA PRAIA DE IPANEMA, ONDE AS BRASILEIRAS E OS BRASILEIROS PASAN O SEU TEMPO DE LECER:

E UN VÍDEO DESDE O PORTO DE RÍO DE XANEIRO, CUNHA EMOCIONANTE E AGARDADA MENSAXE PARA NÓS:

QUE ILUSIÓN!! QUE SERÁ O TESOURO? QUE CURIOSIDADE!! NON PODEMOS TEMPORALIZAR A CHEGADA DE SABELA AO PORTO DE A CORUÑA, PERO SI SINALAR A SÚA SINGRADURA POLO INMENSO OCÉANO ATLÁNTICO NO NOSO MAPA...

FINALIZAMOS A DERRADEIRA VIAXE DESTA BUSCA DO TESOURO COA FICHA RESUMO DE BRASIL

BOA VIAXE DE VOLTA, SABELA!! 

AS 25 PALABRAS MÁIS FERMOSAS

O ALUMNADO DO CRA DE CULLEREDO ESCOLLEU AS 25 PALABRAS MÁIS FERMOSAS DA NOSA LINGUA PARA CONMEMORAR O DÍA DAS LETRAS GALEGAS EN BRASIL.

ESTA FOI A DERRADEIRA MISIÓN PARA DESCUBRIR O TESOURO!!

SABELA ESTÁ EN RÍO DE XANEIRO

SABELA ATRACOU NO PORTO DE RÍO DE XANEIRO DESPOIS DE ATRAVESAR O CANAL DE PANAMÁ. NESA GRAN CIDADE DE BRASIL BUSCOU A RUI, O MESTRE DO CENTRO DA LINGUA PORTUGUESA, E TREMENDA NOVA TEN... ESCOITADE CON ATENCIÓN:

BONITAS AS 25 PALABRAS EN PORTUGUÉS DO BRASIL. AGORA, TEREMOS QUE MEDITAR EN EQUIPO AS 25 PALABRAS EN LINGUA GALEGA MÁIS FERMOSAS E MANDARLLAS A SABELA PARA QUE AS ESCOITEN EN BRASIL O 17 DE MAIO, DÍA DAS LETRAS GALEGAS. CON ESTA DERRADEIRA MISIÓN, SABELA PORÁ RUMBO AO PORTO DE A CORUÑA CO TESOURO... QUE EMOCIÓN!!

PARA REMATAR A ESTANCIA EN RÍO, SABELA MANDOUNOS UN CONTO TRADICIONAL DE BRASIL:

PREMIO VIII CERTAME LITERARIO

PARA O CERTAME LITERARIO DESTE ANO TIVEMOS A SORTE DE LER 14 MICRORRELATOS EN 5 LIÑAS DE TEMÁTICA LIBRE. A DECISIÓN FINAL FOI COMPLICADA, PERO TEMOS UNHA FAMILIA GAÑADORA:

PARABÉNS FAMILIA!!!

A CONTINUACIÓN PODEDES LER TODOS OS MICRORRELATOS: 

SABELA DESPÍDESE DOS EEUU

ESTA SEMANA CHEGOUNOS UNHA POSTAL DENDE OS ESTADOS UNIDOS. SABELA FOTOGRAFIOU A FAMOSA PONTE GOLDEN GATE:

AGORA ATÓPASE NO PORTO DOS ÁNXELES RUMBO A UN NOVO DESTINO. FALOU CON EMILY E SABEMOS QUE O VINDEIRO DESTINO SERÁ O DERRADEIRO NA BUSCA DO TESOURO. ATENTAS E ATENTOS AO VÍDEO QUE NOS MANDOU:

BUSCAMOS RÍO DE XANEIRO EN GOOGLE MAPS E DESCUBRIMOS QUE É UNHA CIDADE IMPORTANTE DE BRASIL. MARCAMOS NO NOSO MAPA A VIAXE DE SABELA A TRAVÉS DO CANAL DE PANAMÁ E CON GRAN EMOCIÓN AGARDAMOS QUE SABELA COÑEZA A RUI, MESTRE NO CENTRO DA LINGUA PORTUGUESA.

PARA FINALIZAR ESTA VIAXE NOS ESTADOS UNIDOS FIXEMOS A FICHA RESUMO:

BOA VIAXE A RÍO, SABELA!!

SABELA ESTÁ NOS ÁNXELES (ESTADOS UNIDOS)

SABELA CHEGOU AO PORTO DOS ÁNXELES, NOS ESTADOS UNIDOS, E NON PAROU DE FACER E PROPOÑERNOS COUSAS. ESTA VEZ MANDOUNOS UNHA CAIXA SEN MONTAR, POR QUE? ESCOITADE:

VIMOS COMO ERAN OS TÓTEM, CONSTRUÍMOLOS COA APP TOTEMUP, MEDITAMOS CAL SERÍA O ANIMAL QUE MELLOR NOS PODERÍA REPRENSENTAR COMO GRUPO E PUXÉMONOS MANS Á OBRA PARA FACER O TÓTEM DO CRA DE CULLEREDO. 

NA ESCOLA DA CHOEIRA 1 ELIXIRON O UNICORNIO POLA SÚA FANTASÍA E MAXIA, NA CHOEIRA 2 O CAMALEÓN POLO SEU PODER DE CAMUFLAXE, NA ESCOLA DE LEDOÑO ESCOLLERON O GATO POLA SÚA TENRURA, EN SÉSAMO O MONO PORQUE FAI MOITAS COUSAS DIVERTIDAS E EN VINSEIRA ELIXIRON O LORO E... POR QUE O FARÍAN? 

QUEREDES VER O TOTEM DO CRA DE CULLEREDO? 

ESPECTACULAR TRABALLO, EQUIPO!! PARA REMATAR, SABELA ENVIOUNOS UN CONTO DOS ESTADOS UNIDOS, SEGURO QUE O COÑECEDES MOI BEN:

VIII CERTAME LITERARIO CRA DE CULLEREDO

TEDES ATA O 11 DE MAIO PARA ENVIAR OS VOSOS MICRORRELATOS...

CREAccións DO DÍA DO LIBRO 2021

BAIXO O LEMA “XEOGRAFÍAS LECTORAS” QUIXEMOS FACER VIAXAR A IMAXINACIÓN DO NOSO ALUMNADO, VOANDO AOS LUGARES, AOS ARGUMENTOS, AOS CONTEXTOS E AS 5 PERSONAXES CREADAS PARA REALIZAR UN CONTO ACUMULATIVO NA 10ª TAREFA DE APRENDIZAXE INTEGRADA DO NOSO PDI.  ENTRE TODAS AS NOSAS AULAS IDEAMOS UNHA HISTORIA ECOLÓXICA, DEBUXAMOS NA APP DOODLE 3D AS PERSONAXES, IMPRIMÍMOLAS NA IMPRESORA 3D E MONTAMOS A CREAcción EN STOPMOTION. O PRODUTO FINAL DESTA TAREFA É UNHA OBRA DE ARTE:

OBRAS DE ARTE CREADAS GRAZAS A NOSA IMPRESORA 3D, QUE FACILITA A CREAcción DE GRAN CANTIDADE DE RECURSOS PARA O NOSO CENTRO. CENTRO AGRADECIDO ÁS FAMILIAS, POLO SEU ACOMPAÑAMENTO, POLA SÚA COMPLICIDADE, POLO SEU SABER, POLO SEU COMPROMISO E POLA SÚA PARTICIPACIÓN. A IMPRESORA PONSE A TRABALLAR PARA CREAR UN MARCAPÁXINAS CONMEMORATIVO DA PEPATECA, BAIXO A COMPLICIDADE DO NOSO ALUMNADO ARTISTA. UN AGASALLO PARA AS FAMILIAS:

FAMILIAS CERCANAS, FAMILIAS CREADORAS, FAMILIAS QUE DESEÑAN E ILUSTRAN AS NOSAS PROPOSTAS… E SEN PERDER TEMPO NESTA CURTA VIAXE, FACEMOS PRESENTE AS SÚAS CREAccións PARA CONMEMORAR ESTE INOLVIDABLE DÍA DO LIBRO 2021. MOITAS GRAZAS A TODAS E TODOS POR AXUDARNOS A LER O MUNDO QUE NOS RODEA:

FELIZ DÍA DO LIBRO!!

OBRADOIRO DE DRAMATIZACIÓN

HOXE LEVOUSE A CABO O SEXTO OBRADOIRO DA ESCOLA DE NAIS E PAIS DE XEITO TELEMÁTICO. VALORAMOS A SÚA IMPORTANCIA NA ETAPA DE EDUCACIÓN INFANTIL E COMPARTIMOS RECURSOS, MATERIAIS, ESTRATEXIAS E PROPOSTAS QUE FOMENTAN A DRAMATIZACIÓN NA AULA E NA CASA.

SABELA DESATRACA DE XAPÓN

SABELA MANDOUNOS DESDE XAPÓN UNHA POSTAL CHEA DE VIDA E DE COR. A PRIMAVERA ESTÁ NO SEU MÁXIMO ESPLENDOR, SENÓN MIRADE COMO ESTÁN AS CERDEIRAS:

A TOSHIRO ENCANTOULLE O CONTO DE "GAITO KAMISHIBAIYA" NA NOSA LINGUA, E CLARO... COMO NON PODÍA FALTAR Á SÚA PALABRA, CONTOUNOS O SEGREDO DO TESOURO. ATENTAS E ATENTOS AO VÍDEO QUE NOS ENVIOU SABELA DESDE O SEU SITIO FAVORITO DE TOKIO:

SABELA NAVEGA RUMBO AOS ESTADOS UNIDOS DE AMÉRICA, ALÍ ESPERARANOS MIRAITOWA. 

PARA SITUAR OS EEUU NO NOSO MAPA TIVEMOS MOITOS PROBLEMAS. SABEMOS QUE A TERRA É REDONDA E XIRA, PERO O MAPAMUNDI QUE TEMOS NA AULA É PLANO. XAPÓN ESTÁ NO EXTREMO DEREITO E OS EEUU ESTÁN NO EXTREMO ESQUERDO... COMO É POSIBLE QUE CHEGUE AOS EEUU EN 7 DÍAS? POIS TOCOU TEMPO DE REFLEXIÓN E INVESTIGACIÓN:

FIXEMOS A FICHA RESUMO DE XAPÓN E ESCOITAMOS O CONTO TRADICIONAL XAPONÉS "MOMOTARO":

BOA VIAXE, SABELA!!

NOVOS ESPAZOS FEDELLO

CO COMEZO DO TERCEIRO TRIMESTRE ESTREAMOS 5 NOVOS ESPAZOS FEDELLO. 

CON ESTES ESPAZOS BUSCAMOS PROMOVER O XOGO, AS APRENDIZAXES MANIPULATIVAS, O TRABALLO COLABORATIVO E A CREATIVIDADE.

EFECTO DOMINÓ

TELAR E COSTURA

KAPLA

PALLIÑAS

LEGO

A FEDELLAR RAPAZAS E RAPACES!!!!

SABELA CHEGA A TOQUIO

DESPOIS DE 15 DÍAS DE SINGRADURA, SABELA CHEGOU AO PORTO DE TOQUIO EN XAPÓN. 

MANDOUNOS UNHA MENSAXE AO NOSO ENDEREZO ELECTRÓNICO E A CAIXA MÁIS GRANDE ATA O DE AGORA... QUE TERÁ DENTRO? ESCOITADE CON ATENCIÓN:

INVESTIGAMOS SOBRE A CIDADE DE TOQUIO, O SUSHI E... SEN PARAR DE MIRAR PARA A CAIXA, ABRÍMOLA. DENTRO ESTABA UN KAMISHIBAI E UNHA HISTORIA DE XAPÓN "GAITO KAMISHIBAIYA":

CONTAMOS O CONTO E PUXÉMONOS A GRAVAR OS AUDIOS EN GALEGO... AQUÍ PODEDES VER A NOSA CREACIÓN:

XA COMPLETAMOS A MISIÓN QUE NOS SOLICITOU TOSHIRO. AGARDAMOS TER NOVAS A PRÓXIMA SEMANA.

ATA PRONTO, SABELA!!

TAREFAS DE APRENDIZAXE INTEGRADAS III

ESTA SEMANA COMEZAMOS AS DERRADEIRAS TAREFAS DO PDI DESTE CURSO. NESTE TRIMESTRE FAREMOS DE "BOOKTUBERS" COS 5 LIBROS MÁIS VALORADOS DO CRA, VISITAREMOS COAS NOSAS FAMILIAS OS 5 ESPAZOS MÁIS EMBLEMÁTICOS DE CULLEREDO, RECONSTRUIREMOS OS 5 INVENTOS MÁIS IMPORTANTES DA HISTORIA, CREAREMOS 5 OBRAS DE ARTE COAS DIFERENTES TÉCNICAS D@S 5 ARTÍSTAS MÁIS RELEVANTES E XUNTAREMOS IMAXES SIGNIFICATIVAS DOS 5 MOMENTOS FUNDAMENTAIS DA NOSA HISTORIA.

OS FONDOS COS QUE TRABALLAREMOS SON OS SEGUINTES:

VOTACIÓNS DO Nº5

DESPOIS DE VARIOS DÍAS DE VOTACIÓNS... XA TEMOS OS 5 FUNDAMENTAIS DE CADA CATEGORÍA. ESTES RESULTADOS SERÁN OS PROTAGONISTAS DAS TAREFAS DE APRENDIZAXE INTEGRADAS DO 3º TRIMESTRE DO NOSO PDI.  

TIVEMOS 64 VOTANTES E O RESULTADO É O SEGUINTE: