11ª MISIÓN DE CARPIÑO

MANOLA A CARACOLA FOI Á BEIRA DO MAR A TOMAR UN POUCO O SOL, AGORA QUE EMPEZA A VIR O BO TEMPO. ESCOITOU FALAR A OUTRAS CARACOLAS, QUE UNHA FÁBRICA DE METAIS ESTABA BOTANDO UN VERQUIDO VERDE VISCOSO NO MAR, POÑENDO EN PERIGO A TODOS OS SERES VIVOS QUE VIVEN DENTRO OU PRETO DEL.

MANOLA, PREOCUPADÍSIMA, COLLEU A PRIMEIRA CORRENTE MARIÑA QUE VEU, E AVISOU A TODAS E TODOS PARA BUSCAR UN LUGAR ONDE POÑERSE A SALVO. RAPIDAMENTE, COMEZARON A PENSAR QUE PODÍAN FACER. QUICO O GOLFIÑO, QUE É UN MAMÍFERO MOI INTELIXENTE E TEN REMEDIO PARA TODO, ESTABA TAN ENFADADO CO QUE ESTABA OCORRENDO QUE NON ERA QUEN DE ATOPAR UNHA SOLUCIÓN.

DE SÚPETO, RECORDARON QUE A UNHAS DEZ MILLAS DA TORRE DE HÉRCULES, HABÍA UN ANTIGO BARCO PIRATA "BUSCATESOUROS" AFUNDIDO. PODERÍALLES SERVER DE REFUXIO MENTRES AS DONAS E DONOS DA FÁBRICA, COA AXUDA DE ECOLOXISTAS, LIMPABAN TODO O VERQUIDO DO MAR.

PURA A TARTARUGA, QUE SABEDES QUE É MOI COMELLONA, APRESUROUSE EN RECOLECTAR VÍVERES PARA 3 OU 4 DÍAS... E TIVÉRONLLE QUE RECORDAR QUE NON PODERÍA NIN TOCAR A SUSA A MEDUSA.

DESPOIS DE MOITO NADAR... CHEGARON ATA O BARCO:

CANDO ENTRARON Á VELLA FRAGATA PIRATA, ESTABA TODO TAN ESCURO QUE TAREIXA TIVO QUE PRENDER A SÚA LUZ PARA QUE PUIDESEN VER. TAREIXA É UNHA PEIXE LANTERNA... INCRIBLE, VERDADE?

AOS DEZ MINUTOS DE ESTAR ALÍ, ESTABAN MOI ABURRIDAS E ABURRIDOS. O POLBO RODOLFO, QUE É MOI CINÉFILO, OCORRÉUSELLE O SEGUINTE XOGO ARTÍSTICO. ATENTAS E ATENTOS:

QUE FASCINANTE! PERO... RODOLFO QUEDOU SEN NOVAS IDEAS PARA PASAR ESTES DÍAS PECHADOS. XEILA PENSOU QUE ERA UNHA GRAN IDEA PEDIRVOS AXUDA A VÓS E QUE MANDEDES SOMBRAS DE MANS, PARA SEGUIR XOGANDO CON RODOLFO A ADIVIÑAR MOITOS MÁIS ANIMAIS.

ESTA SERÁ A VOSA 11ª ECOMISIÓN: INVESTIGADE, COA AXUDA DAS VOSAS FAMILIAS, COMO FACER DIFERENTES SOMBRAS DE ANIMAIS COAS MANS.

COA AXUDA DUN FOCO, OU DA LUZ DO SOL, E DA FAMILIA FACEDE FOTOS SÓ DA FIGURA DO ANIMAL CREADO, E MANDÁDEAS A pepateca5@gmail.com

COA ECOMISIÓN COMPLETADA, CONSEGUIREMOS UN NOVO CRUÑO PARA A NOSA CREDENCIAL. XA QUEDAN POUCOS... DE QUE COR SERÁ ESTA VEZ?

ATA PRONTO, NENAS E NENOS!!

PRODUTOS DAS TAREFAS INTEGRADAS III

DESPOIS DUNS DÍAS DE INVESTIGACIÓN, INXENIO, CREATIVIDADE E MOITA ACTITUDE CRÍTICA... PODEMOS ENSINARVOS GRANDES RESULTADOS!

• TAREFA INTEGRADA TIC

ORGULLO É O QUE SENTE CARPIÑO DESPOIS DE VER OS VOSOS RESULTADOS NO XOGO DO QUIZIZZ. SE RECORDADES TAN BEN ÁS AMIGAS E AMIGOS DE CARPIÑO, NON ESQUECEREDES NUNCA AS SÚAS ECOAMEAZAS E, POLO TANTO, SEREDES @S MELLORES ECOLOXISTAS QUE PRECISA O NOSO PLANETA NESTES MOMENTOS.

• TAREFA INTEGRADA FILOSOFÍA

O PLÁSTICO DUN SÓ USO QUIZÁS AUMENTOU NAS NOSAS CASAS NESTAS DATAS DE CONFINAMENTO... PERO HAI MOITÍSIMOS COMPROMISOS PARA QUE ESTA SITUACIÓN MELLORE ENTRE TODAS E TODOS, OLLADE:

• TAREFA INTEGRADA LÓXICA-ARTE

CREMOS QUE O ESPAZO FEDELLO, VINCULADO ÁS BIBLIOTECAS DE AULA DO CRA DE CULLEREDO, TAMÉN ESTARÁ PRESENTE NAS VOSAS CASAS DESPOIS DA PROPOSTA DESTA TAREFA INTEGRADA. SAÍRON MOITÍSIMAS BOAS IDEAS... QUE SATISFACCIÓN PODER CONTAR NO CRA CON ESTA COMUNIDADE EDUCATIVA TAN CREATIVA!! MIRADE O VIDEO:

SOLUCIÓN DA MISIÓN 10...

DESPOIS DE DARLLE MOITAS VOLTAS Á CABEZA E INVESTIGAR EN FAMILIA... TEDES UN ALIMENTO FAVORITO PARA CONSEGUIR LUZ COMO ALTERNATIVA AO USO DAS PILAS:

O OVO TIVO 1 VOTO, MAZÁ E PEMENTO 2 E A PATACA 34 VOTOS!!! ESTAREDES NO CERTO? A VER QUE NOS DI O DOUTOR:

COMO A MISIÓN 10 ESTÁ SUPERADA... CARPIÑO MÁNDANOS UN NOVO CRUÑO. BUSCADE O NÚMERO 10 NA CREDENCIAL E O SABEREDES. 

ATA PRONTO, NENAS E NENOS!!

TAREFAS INTEGRADAS III

NESTE TERCEIRO TRIMESTRE AS TAREFAS INTEGRADAS SON COUSA DAS FAMILIAS. ESTAS PROPOSTAS XIRARÍAN DURANTE TODO O TRIMESTRE POLAS ESCOLAS; TODO O ALUMNADO CREARÍA UN PRODUTO FINAL DE CADA UNHA DELAS E UNIFICARÍA A VISIÓN DO NOSO PDI.

NESTE TRIMESTRE FINAL ANALIZAREMOS, INVESTIGAREMOS, CREAREMOS E XOGAREMOS COA MENTE NA REDUCIÓN DO PLÁSTICO NAS NOSAS VIDAS.

ESTAS TRES TAREFAS ESTÁN INSPIRADAS NESTES LIBROS:

A CONTINUACIÓN, VEREDES UNHA BREVE DESCRICIÓN DO FONDO SELECCIONADO E UNHA PEQUENA TAREFA A REALIZAR CON CADA UN DELES. PODEDES ENVIARNOS TEXTOS, FOTOS E VIDEOS DAS PROPOSTAS QUE REALICEDES AO CORREO DA PEPATECA pepateca5@gmail.com 

• 1ª TAREFA INTEGRADA LÓXICA-ARTE

OS ESPAZOS FEDELLOS OU MAKERSPACES POSIBILITAN AO ALUMNADO MÚLTIPLES OPORTUNIDADES DE APRENDIZAXE, DE EXPRESIÓN E CREACIÓN. O OBXECTIVO PRINCIPAL É CONFECCIONAR UN ESPAZO DENTRO DA BIBLIOTECA ONDE SE POIDAN FACER E CREAR COUSAS BASEADAS NA EXPERIENCIA E NA APRENDIZAXE.

NÓS APOSTAMOS POLA CREACIÓN DESTES ESPAZOS CON MATERIAIS SOSTIBLES E QUE REDUZAN O IMPACTO AMBIENTAL: ELEMENTOS NATURAIS, BIODEGRADABLES E REUTILIZAR PLÁSTICOS DUN SÓ USO.

👉TAREFA A REALIZAR: CONFECCIONADE UN ESPAZO FEDELLO NAS VOSAS CASAS, CON MATERIAL SOSTIBLE E FACEDE UNHA CREACIÓN CON EL. PODEDES PICAR NA AVIONETA FEDELLA PARA VER OS QUE TEMOS NAS ESCOLAS:

• 2ª TAREFA INTEGRADA FILOSOFÍA

VÉÑENNOS Á CABEZA GRAN CANTIDADE DE PRODUTOS ENVASADOS SEN OS QUE NON PODERIAMOS VIVIR E AOS QUE RESULTA DIFÍCIL ATOPAR UNHA ALTERNATIVA. O MELLOR É NON DARLLE MOITAS VOLTAS E EMPEZAR... REDUCIR O USO DO PLÁSTICO DUN SÓ USO PODE SER UN XOGO MOI DIVERTIDO.

👉TAREFA A REALIZAR: RECOLLEDE NUNHA CAIXA O PLÁSTICO DUN SÓ USO QUE XENEREDES AO LONGO DE 5 DÍAS DE CONSUMO. PASADOS ESES 5 DÍAS, MEDITADE CAL DELES SERÍA DOADO DE ELIMINAR DA VOSA COMPRA.

MANDÁDENOS NUN TEXTO QUÉ PLÁSTICO/S DUN SÓ USO REDUCÍCHEDES NO CONSUMO... A VOSA PROPOSTA SERÁ ANÓNIMA E XUNT@S FAREMOS UN GRAN FAVOR AO PLANETA.

• 3ª TAREFA INTEGRADA TIC

CERCA DO 10% DE TODO O PLÁSTICO QUE SE FABRICA NO MUNDO ACABA NO MAR. ESTES PLÁSTICOS TEÑEN UN ASPECTO APETECIBLE, O QUE FAI QUE CARPIÑO E AMIG@S POIDAN COMELO E SUFRIR DANOS IRREPARABLES.

👉TAREFA A REALIZAR: COÑECEMOS INFINIDADE DE COUSAS DE CARPIÑO E AMIG@S... QUEREDES DESCUBRIR CANTO SABEDES DELES? 

PULSADE NO DEBUXO DE QUIZIZZ, DESPOIS PULSADE EN "JUGAR CUESTIONARIO" E CONTESTADE ÁS PREGUNTAS DO XOGO... DISFRUTADE FAMILIA!!

PREMIO VII CERTAME LITERARIO

PARA O CERTAME LITERARIO DESTE ANO, TIVEMOS A SORTE DE LER 6 RELATOS CURTOS BAIXO A TEMÁTICA "CANDO SEXA MAIOR... UN PLANETA MELLOR". A DECISIÓN DA MAN DA RESPONSABLE DO EQUIPO DE DINAMIZACIÓN DA LINGUA GALEGA E DO RESPONSABLE DA BIBLIOTECA ESCOLAR ESTIVO COMPLICADA, PERO XA TEMOS UNHA FAMILIA GAÑADORA:

PARABÉNS, FAMILIA!

LETRAS GALEGAS 2020

TODOS OS ANOS, NO CRA DE CULLEREDO, FACEMOS UNHA ROMARÍA PARA LEMBRAR QUE A LINGUA E A CULTURA GALEGA TEÑEN QUE MEDRAR CON NÓS. FIXEMOS A SEGUINTE PROPOSTA TELEMÁTICA PARA AS FAMILIAS:

AS

AS FAMILIAS E O PROFESORADO PARTICIPARON NOS DIFERENTES OBRADOIROS DUN XEITO EXEMPLAR:

O PROFESORADO AGRADECE ÁS FAMILIAS O SEU TRABALLO NESTE MOMENTO INCERTO, CUN VIDEO CANTANDO AOS MAIOS DE XEITO CONFINADO, MIRADE:

10ª MISIÓN DE CARPIÑO

QUE SORPRESA TAN GRANDE! XA TEMOS NOTICIAS DE CARPIÑO! 

AS SÚAS AMIGAS E AMIGOS MANDÁRONNOS UNHA FOTO SELFIE MENTRES CANTABAN O ÉXITO DESTA TEMPADA: A CANCIÓN DE CARPIÑO!

AHHH! PERO QUE PASA? NESTA FOTO APARECE UNHA NOVA AMIGA. FIXÁDEVOS, TEDES UNS SEGUNDIÑOS A VER SE A ATOPADES...

EFECTIVAMENTE... É SUSA A MEDUSA! AS MEDUSAS ATACAN COAS SÚAS CÉLULAS URTICANTES AO NOSO SISTEMA NERVIOSO PARA DEFENDERSE. A PICADURA DÁ UNHA SENSACIÓN DE DESCARGA ELÉCTRICA, PERO ELAS POR SI MESMAS NON PRODUCEN ELECTRICIDADE. SUSA PERTENCE Á FAMILIA DAS MEDUSAS LUMINISCENTES... E ISO QUE QUERE DICIR? SUSA É CAPAZ DE BRILLAR NA OSCURIDADE E ASÍ ATRAEN AS SÚAS PRESAS.

NO MAR NON ENTENDEN: POR QUE A XENTE USA PILAS E DESPOIS DO USO AS TIRAN AO MAR, SE SUSA PODE ALUMEAR DUN XEITO NATURAL POR SI MESMA? O MAL USO DAS PILAS ESTÁ APAGANDO A SÚA LUZ E A VIDA MARIÑA EN XERAL.

QUE VOS PARECE SE LLE PEDIMOS AXUDA A UN CIENTÍFICO DE MOITA SONA NA NOSA CONTORNA, E LLE PREGUNTAMOS SE É POSIBLE CONSEGUIR LUZ DUN XEITO NATURAL SEN EMPREGAR PILAS? ATENTAS E ATENTOS:

INVESTIGADE EN FAMILIA E ELIXIDE A RESPOSTA CORRECTA Á PREGUNTA E DÁDELLE A ENVIAR... A SEMANA PRÓXIMA SABEREMOS A SOLUCIÓN! ATA PRONTO!

MISIÓN 9... SUPERADA?

NON VOS PODEDES IMAXINAR QUE CONTENTAS E CONTENTOS SE PUXERON NO FONDO DO MAR CO VOSO KARAOKE DA CANCIÓN DE CARPIÑO!!!

MANOLA A CARACOLA NON PARA DE CANTALA E ALEXO O CANGREXO ACOMPÁÑAA AOS METAIS... É UN FESTÍN!!!

MARABILLOSA CREACIÓN, EQUIPO!!!

MISIÓN 9 SUPERADA E, POR SUPOSTO, UN NOVO CRUÑO PARA A VOSA CREDENCIAL!! MIRADE DE QUE COR É:

NUNS DÍAS RECIBIREDES A MISIÓN 10... ATA PRONTO!!

(MOITAS GRAZAS FAMILIAS!!)

9ª MISIÓN DE CARPIÑO

CARPIÑO NON PARA DE DARLLE VOLTAS A SÚA CABECIÑA, PARA QUE RESOLVAMOS O RESTO DAS MISIÓNS E COÑEZAMOS AOS AMIGOS E ÁS AMIGAS QUE QUEDAN. NON PARA DE NADAR... MIRADE:

NA MISIÓN 9 PRESÉNTANOS AO SEU AMIGO ALEXO, O CANGREXO. É UN CRUSTÁCEO MOI MARCHOSO QUE ESTÁ TODO O DÍA CANTARUXEANDO. NOS SEUS PASEOS DE COSTADO PERCORRE AS PROFUNDIDADES DO MAR E COAS SÚAS 10 PATIÑAS CHOCA CON TODAS AS COUSAS QUE ESTÁN SOMERXIDAS.

DE AQUÍ A UNS ANOS, NOS DIFERENTES MARES E OCÉANOS HAI MOITAS COUSAS METÁLICAS QUE FORON ABANDONADAS POR ESTAR EN MAL ESTADO OU SER INSERVIBLES: XOGUETES, ELECTRODOMÉSTICOS, CARRIÑOS DE COMPRA... ALEXO NON SABE MOI BEN QUE FAN ESAS COUSAS AÍ.

ALEXO É UN DOS POUCOS ANIMAIS DO MUNDO QUE É CARACTERÍSTICO POLA SÚA FORMA DE CAMIÑAR DE LADO... QUE VOS PARECE SE CAMIÑAMOS DE LADO NO TEMPO E LLE DAMOS UNHA SEGUNDA UTILIDADE AOS METAIS QUE TEMOS NA CASA? BUSCADE COUSAS QUE SEXAN METÁLICAS AO VOSO ARREDOR, PORQUE CONVERTIRASEN EN INSTRUMENTOS MUSICAIS: CULLERES, GARFOS, TAPAS DAS POTAS, PATAS DAS MESAS... 

PRACTICADE UN POUCO PORQUE... HAI SORPRESA!!!! 

USAREMOS A NOSA VOZ E O ACOMPAÑAMENTO METÁLICO PARA CANTAR NUN KARAOKE ESPECIAL A CANCIÓN OFICIAL DE CARPIÑO!!!

TEDES DÚAS PISTAS PARA PRACTICAR:

PISTA 1: COÑECEREMOS E APRENDEMOS A CANCIÓN DE CARPIÑO

PISTA 2: KARAOKE DA CANCIÓN DE CARPIÑO; O VOSO TURNO!!

GRAVADE EN AUDIO E/OU EN VÍDEO AS VOSAS VOCES E FACEDE SOAR METAIS, COMO APORTACIÓN Á CANCIÓN DE CARPIÑO. MANDÁDEO AO CORREO DA PEPATECA pepateca5@gmail.com ANTES DO 8 DE MAIO. O RESULTADO SERÁ UNHA OBRA DE ARTE PARA OS NOSOS OÍDOS, VEREDES COMO SIIIII.

CANDO CARPIÑO A POIDA ESCOITAR, MANDARANOS UN NOVO SELO DE MISIÓN SUPERADA PARA A NOSA CREDENCIAL. DE QUE COR SERÁ ESTA VEZ?

ATA PRONTO, NENAS E NENOS!!!

NOVIDADES DE CARPIÑO

TEMOS NOTICIAS DE CARPIÑO. NO FONDO DO MAR... BÓTANNOS MOITÍSIMO DE MENOS E ESTÁN DESEXANDO QUE VOLVA A NORMALIDADE O ANTES POSIBLE.

ENVÍANNOS UNHA FOTO... MIRÁDEA CON ATENCIÓN:

MANOLA A CARACOLA INFORMA AO RESTO DE AMIGAS E AMIGOS DA SITUACIÓN DAS NOSAS ESCOLAS, LARA A PEIXE ESPADA ESTÁ ATENTA POR SE ALGUÉN PRECISA DA SÚA AXUDA, MENTRES PAZ A ESTRELA DE MAR CÓNTALLES CONTENTA QUE APROBOU TODO NA ESCOLA DE PEIXES.

PURA A TARTARUGA APRENDEU A DISTINGUIR AS MEDUSAS DAS BOLSAS DE PLÁSTICO E TEN O ESTÓMAGO MOITO MELLOR E, QUICO O GOLFIÑO, NON PARA DE BRINCAR PREPARADO PARA SAUDARVOS NAS PRAIAS NO VERÁN.

XEILA A VIEIRA TEN A AUTOESTIMA POLAS NUBES, DENDE QUE SABE QUE O ALUMNADO DO CRA QUERE MOITO AOS BIVALVOS E NON SÓ PARA COMER. TOMÁS O CABALIÑO DE MAR ATOPOU UN NOVO AMIGO AO QUE AGARRARSE E RODOLFO O POLBO ALUCINOU CON TODO O QUE FIXEMOS NAS NOSAS CASAS CON MATERIAIS DE REFUGALLO.

RODOLFO XA VIU AS IMAXES DOS AMIGOS E AMIGAS DE PLÁSTICO QUE FIXEMOS NA CASA EN FAMILIA... QUEREDES VELO VÓS? POIS NO SEGUINTE VIDEO ESTÁN ESAS OBRAS DE ARTE:

PARABÉNS A TODAS E TODOS! GRAZAS Á PARTICIPACIÓN NESTA MISIÓN 8 CARPIÑO MÁNDANOS O SEU CRUÑO CUNHA COR DIFERENTE... MIRADE CAL É:

A COR NEGRA... DA TINTA DO POLBO RODOLFO, COMO NON!!!

AO LONGO DESTES DÍAS CHEGARANOS A MISIÓN 9... 

ATA PRONTO!!!

FELIZ DÍA DO LIBRO 2020

HOXE CELEBRAMOS O DÍA DO LIBRO CON TODAS AS APORTACIÓNS QUE FIXÉCHEDES AO LONGO DA SEMANA. 

NESTA OCASIÓN TEDES 6 VÍDEOS PARA DISFRUTAR: UN CONTIÑO RIMADO E A SOLUCIÓN AOS 5 OBRADOIROS QUE VOS PLANTEXAMOS. DISFRUTADE!!!

• CONTIÑO RIMADO:

• OBRADOIRO 1 - PAXAROS NAS NOSAS VENTÁS

• OBRADOIRO 2 - RECOMENDACIÓNS LITERARIAS

• OBRADOIRO 3 - PLANO CASEIRO

• OBRADOIRO 4 - MARCAPÁXINAS NATURAL

• OBRADOIRO 5 - VOTACIÓN AO MELLOR LIBRO

MOITÍSIMAS GRAZAS POLA VOSA PARTICIPACIÓN. 

NON OLVIDEDES QUE TEMOS O CERTAME LITERARIO E A EXPOSICIÓN FOTOGRÁFICA ESPERANDO POLAS VOSAS APORTACIÓNS (PULSADE AQUÍ)

BOAS LECTURAS, FAMILIA!!

DÍA DO LIBRO 2020

ESTE ANO CELEBRAREMOS O DÍA DO LIBRO DUN XEITO ESTRAÑO, PERO NON POR ISO MENOS ESPECIAL. OS LIBROS ACOMPÁÑANNOS AO LONGO DAS NOSAS VIDAS CON HISTORIAS QUE NOS FAN RIR, CHORAR, PASAR MEDO... LECTURAS QUE NOS LEVAN A TEMPOS MELLORES OU NOS ENSINAN DOS ERROS QUE XA COMETIMOS... AS LECTURAS TEÑEN ESE PODER MÁXICO.

O 23 DE ABRIL XUNTARÍAMONOS NA SEDE DO CRA TODO O ALUMNADO E PROFESORADO. A DRAGONA RAMONA CONTARÍANOS UN CONTO RELACIONADO CO NOSO PROXECTO, CONTINUARIAMOS CON DIFERENTES OBRADOIROS LITERARIOS ROTATIVOS E REMATARIAMOS CUN ÁGAPE DELICIOSO ANTES DE SAÍR A XOGAR AO PATIO.

ESTE ANO NON PODERÁ SER ASÍ E PEDÍMOSVOS ÁS FAMILIAS MOITA PARTICIPACIÓN, PARA QUE POIDAMOS CELEBRAR COMO SE MERECE TAN APRECIADA CONMEMORACIÓN: EN LUGAR DA DRAGONA RAMONA SEREDES VÓS QUEN LLE CONTEDES UN CONTIÑO AO NOSO ALUMNADO E DESPOIS PODEREDES REALIZAR ALGÚNS DOS OBRADOIROS PROPOSTOS... OU TODOS!!

O QUE SI VOS PEDIMOS É QUE SAQUEDES ALGUNHA FOTO OU VIDEO PARA PODER VERNOS E SACAR UN SORRISO... MANDÁDEOS ANTES DO 23 DE ABRIL AO CORREO DA PEPATECA pepateca5@gmail.com

MOITAS GRAZAS A TODAS E TODOS!!

PODEDES VER O CONTO E OS OBRADOIROS PULSANDO NOS ENLACES:
*CONTO  *OBRADOIRO 1  *OBRADOIRO 2  *OBRADOIRO 3  *OBRADOIRO 4  *OBRADOIRO 5

CONTO DÍA DO LIBRO 2020

CREMOS QUE O LIBRO QUE MELLOR PODE RECOLLER ESTA SITUACIÓN É "EN FAMILIA" DE OLGA DE DIOS, PORQUE SODES AS FAMILIAS A PRINCIPAL FONTE DE EDUCACIÓN E APRENDIZAXE DAS VOSAS FILLAS E FILLOS.
DISFRUTADE DO CONTO!!

PULSADE NA IMAXE E VEREDES O CONTO EN PDF

1º OBRADOIRO DÍA DO LIBRO 2020

PARA CELEBRAR ESTA DATA, A ASESORÍA DAS BIBLIOTECAS ESCOLARES DE GALICIA RECOLLE UNHA AFIRMACIÓN DUN TEXTO DE MANUEL GAGO QUE DI: "CADA LIBRO QUE LEMOS QUEDA GARDADO NO NOSO PEITO COMO SEMENTE, PAXARO OU XABARÍN".

QUE VOS PARECE SE FACEMOS UNS PAXARIÑOS EN ORIGAMI PARA POÑER NAS NOSAS VENTÁS E QUE ACOMPAÑEN AS NOSAS LECTURAS?

PODEDES SEGUIR ESTE TITORIAL:

MIRADE UN EXEMPLO:

2º OBRADOIRO DÍA DO LIBRO 2020

NESTE 2º OBRADOIRO PODEDES ENSINARNOS UN CONTIÑO DOS QUE TEÑADES NA CASA, CONTIÑO QUE PODEREMOS COMPARTIR NA ESCOLA CANDO TODO ISTO REMATE... PODEDES GRAVAR UN VÍDEO OU SACARVOS UNHA FOTO CON ÉL, E PARA SACAR A MELLOR NOTA PODEDES CARACTERIZARVOS!!! 

QUE NON VOS DEA VERGOÑA, FAMILIA INCLUIDA EH? MIRADE UN EXEMPLO: